Mataio 7
7
1Rio oubi ata imeiwotatutimo aue ina oubi atao rio aiwaimo imeiwotatuti biahai. 2Mabu nouri, kemeiwotai wade auwoha rioo oubido naibaha imeiwotatutimo, wade nou aibo oubi atao rio aiwaimo imeiwotatuti wia nouri modobo rio oubi ataido naibaha imaatimoi rioido naiba naiba neiio aiwaimo imaati. 3Wia horo na ro namu idomaiwa teiri reauri wia nua tutu ro himia idomaiwa roro eauri tatora. 4Ina teiri ro himia namuido ro naiba aroi horo na ro idomaudo moro maihiiodidio, ina na’u tutu nua ro himia idomaiwari. 5Ro koromohuwodio dubu, opuito tutu nua ro himia idomaudo tahiodidio ina dooudo roro meaha aiwa‐auri teiri horona ro namu idomaudo roro aiwahiodidioi.
6Tana nana kaukauido rioo imaatimo aue wia doua’e boomo hohowa rioo naibaha iheemo aue ina nei himia konoito neiio nei aiwaimo iatuuti wia rio neiio airiadededumo.
7Tatodoimo wia rioido nouro aiwaimaati. Tamohomo wia rioo aiwaimo oweai. Tamopouutimo wia doo biri nouro rioido aiwauro a’erai. 8Mabu nouri dubu nou atodoiwa nouro airemidai wia dubu nou omohowa nouro airowea wia dubu nou opo’utiwa biri nouido aiwama’erai. 9Bodioi rio auwoha ina nou mere dou atodoiwa nouro nouido akabu awamaai. 10Wia bodioi rio auwoha ina nou mere na atodoiwa nouro nouido ede awamaai. 11Wia rio mea oubi biahai ina rio naibaba umori mea nana rio mereido imaatimoi, taiba auwori rio Abea toborowa remidio mea nana nouro aiwaimaati nouido katadoi oubii neido. 12Mabu nouri taiba nana auwoha rio niro oubi rioido idodaiamoi, rio neido naiba naiba taiidodiaimo, nouri bubu waderi wia peroveta waderi.
13Kereha biri taiidoutimo rio, mabu nouri kiiro koropoiiowa ko’u biri nou taraburi wia nave nou auwori wia oubi godogodo naibaha airido’utidaidumu. 14Ata nouri kiiroito ko’u biri nou kerehari wia nave nou kerehari ina oubi nei godo biahai nouri nave aibo idoutimoi.
15Kiromohuwodio peroveta oubi rioo tore taimaatimo, neivia rioido naibaha o’umo mamoi tama aibo orowamitiumo ata nei imini heauwo kaukau aibori. 16Doo rioo nei umo aiwaimoiti nei himia iopui nouowa. Oubio vine iopu eperaepera mabudo arimodoodiodumo wia suke iopu badari mabudo arimodoodiodumu? O’o. 17Mea nua auwoha iopu meaha rimohaudiodumo wia uba nua iopu ubaubaha rimohaudiodumo. 18Mea nua uba iopu omohaudio raihe wia uba nua mea iopu omohaudio raihe. 19Nouri nua nou iopu mea omohaudio biahai doo nou aiwahiai wia kupoito aiwaiheei. 20Mabu nouri rioo nei umo aiwaimoiti nei himia iopui nouowa. 21Oubi amidao ina nei moido wade gauwoha naibaha aroumo, Auwo‐dubu e Auwo‐dubu e!, toboro bububatito neiio idoutimo biahai, na’u nouri oubi nei nouro nidodiai nouri nana mo Abea toborowa remidio nou niroi. 22Hiwio nouri oubi godogodo moido aiwaimo aroi Pai‐dubu e Pai‐dubu e, imo peroveta wade iaomo tatora ro painawa? Imo ro paiaawa ubauba urio iwaihiitimo tatora wia tiaha tiaha nana’i godogodo ro painawa idodiaimo tatora? 23Wia nou ta’uwa neido moro pupuito ainaroi. Mo umoiti biahai rio, mo mabudo tatateaimo rio, rio auwoha uba‐uba kidia kidodiaiwa oubiri. 24Mabu nouri dubu nouri nou mo himia wade naibaha irovidiotuti wia idodiaituti, nouvia imini mea dubu aibori, nou himia moto akabu ohuwa naibaha ididi. 25Ina wiha aiiaro wia dori aiododo wia konobo aiorohudeuti wia motoito aiomodoumai wia nou omoa biahai mabu nouri nou akabu ohuwa ididi. 26Wia nouri dubu nou mo wade naibaba irovidio wia wade nouri idodiai biahai nou na’u dawadawa mere aibori nou moto wiowa naibaha ididi. 27Ina wiha aiiaro wia dori aiododo wia konobo aiorohudeuti wia motoito aiomodoumai wia nou naibaha omoa wia nou tiaha diamo gema ramu erehebuti.
28Ina nou ta’uwa Iesuro nouri kiao wade idaro oubi gema auwoha nou himia kiao wadewa aiemaeawaumo. 29Mabu nouri nou neido Pai‐dubu aibo iatomuaiwa, Titi‐kiati oubi kiatomuai wade aibo biahai.
Aktuálne označené:
Mataio 7: KXW1941
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1941.
