Mataio 11
11
1Wia nou ta’uwa Iesu wade auwoha oboiri, nouri wade nou modoboito aro nou himia 12 kitomudio mereido; nouri bati nou naibaha emeheai wia oopu oopoito nou naibaha o’uro imatomudiomoi wia totomoito iaomoi.
2Ina Ioane, durii daimowa, Keriso tiaha kidodiai na’i nouro tau orovidio. Nou himia kitomudio mere neewatoi nouro naibaha itiodoimama. 3Wia Iesuido naibaha iaowa; Dubunu rora ro’uro e dubu atara imoo eaurimoi. 4Wia Iesu neitido naibaha imowameaimama naiba iaowa: Taraiwaitoi wia nouri nana rieitio nou rirovidiodudo wia nou riauridudo Ioaneido naibaha tarotoi. 5Idomai tato oubi nei meaha rirawodumo, daiie oubi naibaha rorohodumo, lepera ramu oubi sovio naibaha oitutiumo wia irovidio tato oubi meamea naibaha irovidiomo, koroihi oubi tau oroiitoutiumo wia nana tato oubi neido pai‐mea totomu naibaha iaowa. 6Wia nouri dubu nou moido gunuuni iati biahai, nouvia tiaha geiiri. 7Wia nou ta’uwa neiti himia naveito naibaha araiwaudo, Iesuro oubi gemaido, Ioane kidia’i owaduuti naibaha iai: Touna eauri ro’udumo rio, buru batito. Gaumau huramaro ariderio? 8Ata touna eauri ro’udumo rio, buru batito? Na’u dubu meamea hipura aramitidio? Ta’aurimo oubio meamea hipura iamitidiomowa, neiio pai‐dubu motowa airemidiodumo. 9Ata touna eauri ro’udumu rio buru batito? Peroveta dubura? Bowia mainaro rioido wia peroveta‐dubu auwo auwori.
10Nouri dubu nou titi tau iati nouido;
Mo himia hiwaa mere ro hohowa mainotiodoi,
Nave mea ododiai roido.
11Naiheha mo riodo ainaro. Upibaio kirotuti mere’i auwoha nei auwoauwo biahai Ioane aibori, ata dooudo dubu toboro bububatiwa nou auwori, Ioane kekebuori. 12Wia Ioane Babatiso hiwio’i noudo, hiwio’i noito, toboro bububatio oubi heauwo na naibaha oweawa wia pupuo oubi nouido pupuito idoutiwaumo. 13Nouri peroveta oubi auwoha wia bubui auwoha totomu wadeito neiio naibaha iaowaumo Ioane hiwio’i nouowa. 14Ina rio nouri na irovidio niroi, Elia nouri, nou doo ko’u duburi. 15Dubu nou gare ramu nouro morovidio. 16Ata taiba aibo nouri aramio moro idodiai. Nei keke mere aibori paki batiwa airemidiodumo wia nei keke mere amidaido airimoroudiodumo. 17Wia neido neiio naibaha aroumo: Imoo sovirowiro diamoi rioido nidodiaumo wia rio gama amamo biahai. Imoo rioido tau noadodidioumo wia rio idebi irotutimo biahai. 18Mabu nouri, Ioane naibaha o’u imedio biahai wia ihodio biahai wia neiio naibaha aroumo; Nou uba urio ramu. 19Oubihamere nou tau o’u nou airimedio wia airihodio wia neiio naibaha aroumo; Taaurimo hogoi mereri wia vine kidio duburi, gavana wiha kiauri oubi wia uba uba oubi nei mabu duburi. Ina mea imini nou mea oitiwa nou himia kidodiai nana’i noudo.
20Nou ta’uwa nouri oopo‐oopo nou tiaha kidodiai nana’i nou nouowa tau ododiai, nouro neido imama’uti naibaha iai, mabu nouri nei imini imowa’imo biahai. 21Korasina e ro uba aiwaveai, Betesaida e ro uba aiwaveai. Nouri tiaha pupuo kidodiai nana’i rio mabuwa tau idodiai ina nei Turora Sidonara mabuwa tau idodiai, neitivia imini tau imowaiudo adiri garadibo ramu wia hopu ramu. 22Wia mo rioido ainaro; kemeiwotatuti hiwiowa Turo wia Sidona neitio auwo uba nana oweatoi raihe wia rioo uba nana godogodo aiwaimo‐iviai. 23Wia ro Kapanauma, roro toboro ohuito iaotai, ro Gehenaito aiwa‐ruoi. Nouri tiaha kidodiai nana’i ro mabuwa tau idodiai ina nei Sodomowa tau idodiai nouvia kemido kemidio tuturi doihabuo. 24Wia mo rioido ainaro; kemeiwotatuti hiwiowa Sodoma batibati nou auwo uba nana owea raihe wia roro uba nana godogodo aiwaiviai.
25Nouri ta’uwa Iesu naibaha omowameaiwa naiba iaowa, Aba e, Ro toborora hopura Pai‐duburi, roido mainemabiti nouri imini mea oubi wia keauri mea oubi nei aueudo, roro nana nouri tau ipiraa wia mereido roro naibaha imapoiwa. 26I’o Aba e, mo roido ainemabiti mabu nouri kidia naiba ro idomaito nou meahari. 27Mo Abea nana auwoha moido tau nemaatiro wia dubu ata Merenu umo biahai, Abea nou himia gauwoha umori; wia dubu ata Abea umo biahai, Mere nou himia gauwoha, wia dubu nouri Merero Abea nouido owaeviai nou nou umori. 28Ta’umo moido oubi auwoha, rio pauwo kowaati oubi wia rio imini godogodoha kiraromodio oubi, ina hera emidioi moro rioido ainaimaai. 29Mo kotohiti na rio benaito ta’otaimo wia mo kidianu umo taitutimo, mabu nouri mo muni aibori wia koparo biahai ina rio urio’i hera emidio bati neiio aiwaimo‐oweai. 30Mabu nouri mo kotohiti na nou pauwo biahai wia mo kaotidio na’i nou toutouri.
Aktuálne označené:
Mataio 11: KXW1941
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1941.
