Matius 3
3
Si Yohanes Mabaptis
(Mrk. 1:1-8; Luk. 3:1-18; Yoh. 1:19-28)
1An tutuw itu si Yohanes Mabaptis mai an tana' kapayasan an Yudea wo icuana, 2#Mat. 4:17; Mrk. 1:15“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”
3 #
Yes. 40:3
En ulitna si Yohanes anioo si tou si aicuao i nabi Yesaya indior tana'i,
“Awéan oka tou mengangko-ngangko' an tana' kapayasan,
‘Tu'tuleno en lalan torona i Casuruan,
wo rondoren en lalan langkoian-Na.’ ”
4 #
2Raj. 1:8; Mrk. 1:6 Si Yohanes mapaké in juba niéma' am buuk i onta owo, em bengkalna niéma' ang kulit i binatang owo. Eng kakanenna komong wo wiluk é lampéran in talun.
5An tutuw itu, keli en tou mai a si Yohanes. Séra a mangé Yerusalem owo, am pakasa in Yudea, wo ka'i am pakasa in sangkum in doyongan Yordan. 6Séra mai mangaku ing kamesé-meséaan éra, wo baptisen i Yohanes séra an doyongan Yordan.
7 #
Mat. 12:34
An tutuw itu ka'i kelian tou Farisi wo Saduki mai a si Yohanes e mekibaptis. Taan aicuanake' ai séra, “Éi kamu tou léwo' kamu meputé wo si ula' rumacu-racung! Paweroten iow réén kamu ro'na icawekar an ukuman si maai sa? 8Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan. 9#Luk. 3:8; Yoh. 8:33Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham. 10#Mat. 7:19; Luk. 3:9Em pati tinu'tulo an a'mut in tuura en tumongkéi in tuura sé ra'ica mengawéé wua'na loor wo tiya' an api.
11Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api. 12E ni'u ipataap ang kama-Nao. Weresin-Na oka em papisian im béné' wo umungen-Na em béné' loor am paumungan, taan sé wéné' pesel tunun-Na oka an api si ra'ica mape'de-pe'del.”
Si Yesus nibaptis i Yohanes
13An tutuw itu, si Yesus an sangkum ing Galilea wo mangé an doyongan Yordan. Sia mangé a si Yohanes wosama' Sia ro'na baptisenna. 14Wo icua i Yohanes a si Yesus. “Yaku em patus baptisen i Tuang, ra'ica yaku e maptis si Tuang.”
15Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.
16Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia. 17#Kej. 22:2; Mzm. 2:7; Yes. 42:1; Mat. 12:18, 17:5; Mrk. 1:11; Luk. 9:35Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”
Aktuálne označené:
Matius 3: TNT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
En Taar Weru a nunuwu' é Tontemboan @ LAI 2018
