Matiyu 11
11
1Im pol sugkū Iesū yemkompeli nempasewokonda ōvun nurie eni Twelv, iyi yemōwi nuru yūi mempe woretavsokonda ra ōvun sĭti enirora. 2Im Yōane yemorĭgi ūnisog nimo nugkugko ugi ōvun numpūrah eni Krĭstō, memtamūlora dūrū ōvun nūri eni, memtagkeli memokū, 3Kĭk mori kokovelum kū? kū, ka kelentevetūi sĭ mōmū?
4Im Iesū yemtamsi memenūwi punora memokū, Uve mūnūwi pugi Yōane mōkū ugi imosū kūmūrigi mūmōkesi; ōvun nĭmtēi ūmagesi, mōvun noovoret umnavan; 5ōvun Jepros umnumpi sentevives, mōvun nomgol umandĭgi, mōvun nemas ūmamsorasah, mementorenūwisah nam navosavos punora ōvun narumkor; 6ĭm nevĭevesiyi mori atūmalokoi po yaū.
7Im pol sugkū irora dūnuĭve Iesū yematipotni worenūwi punora ōvun numpūn lō memokū ugi Yōane; 8Kūmū ve ra nūrū wokon woresugkelōwi sie? sĭ deniūg yemtavelevel ugi nemetagi, kū? Kū, kūmūve worokesi sie? 9Neteme mori yevĭugi nemas nemelōkelō, kū? Irora mori umnevarugi ōvun nemas nemelōkelō ra ōvun nimo ōvun natemonōk ra nūsian. Kū, kūmūve worokesi sie; sī profet, kū? Oo, ya umanūwi pugkūm, ĭm mōmū ra sī profet. 10It iyi mori yepmetĭyi nam ugi memokū, Urĭgi, ya umentamūli tandeko enyaū worōbūm iram mori ontĭ selat enugkĭk ūnĭmtum. 11Itnesog, ya umanūwi pugkūm memagkū, Tawi sĭ ra irora dūmumprokomol ra ōvasiven mōmū horog ra Yōane Baptisō; kō iyi sĭ virok wokon ra lō ūnpokūp mōmū horog iran. 12Marugi nempugon eni Yōane mefeli ra nempugon marima, ōveteme dūmosukomulepwi worĭntorĭmpe ra lō ūnpokūp; mirora mori ūmnatekĭsah tamas umampĭ ĭtnum. 13It irora sū ōvun profet mōvun selnivi nam, dūmūtavsogi mefeli nempugon eni Yōane; 14ĭm nagkū kūmnakĭugi wororĭgi, iyi mori Elīya, iyi okovelum. 15Iyi sī ĭm telugon eni wororĭgi, aremī iyi umandĭgi.
16Kō ya osafĭgi imo palsi magkū sugkūsie? Irora sugkū ōvunyan umantesep ra ōvun nūrū nevasi mūmampero-konda ōvun numpūnaranda, mūmanūwi mūmagkū, 17Ka kelaūerugis wugkūm, ĭm kūtūmampeko; ĭm ka kelesugerageri wugkūm ĭm kūtūmuntugageri. 18It Yōane yivelum metūmneni metūmnamoneki, mirora ūmanūwi mūmagkū, Naviatĭndi yive iran. 19Miyi Netni eni neteme yivelum memneni memnamoneki, mirora ūmanūwi mūmagkū, Okesi, neteme umesumpeli nevag memnamoneki wĭn, aven enirora ōvun lĭvsaū nalekon mōvetemindi; kō ōvun nelekon umagkū aremī ugi iyi mori Nōĭntanwives.
20Miyi yematipotni worenūamwūs punora ōvun sĭti yūi iyi yepmumpiwi ōvun numpūrah horog eni sikat popōwo irora dūtūvĭeves nōwanda; 21ōwĭ iram Kōrēsin! popōwo ōvun numpūrah horog umnumpi irami nagkū pūpmumnumpi sugkū ra Tīrus ĭm Sīdon irora pūvĭeves nōwanda ĭtetūi, im pivarugi nemas nyielugalug, ĭm pitesep ra mugkebū. 22Kō ya umanūwi pugkūm memagkū, Anti mōmū virok iran Tĭrus ĭm Sĭdon ran dan nūrian ĭm mōmū tamas irami.
23Im kĭk Kapernaum mori yemetipesah mefeli ra pokūp ontalepasi sep ra neswate; popōwo ōvun numpūrah horog umnumpi irami nagkū pūpmumnumpi sugkū ra Sodom, petendōwi mafeli imo dan; 24kō ya umanūwi pugkūm memagkū, Anti mōmū virok iranda ra nūrū Sodom ran dan nūrian ĭm mōmū tamas irami.
25Ra imo nempugon Iesū yemtamsi memenūwi memokū, Kompalugi, Nate, Novsūromon pokūp mūnemap popōwo kĭmetiumpeni imosū marokonda ōvun nelekon mōvun nōĭntanwi rnenūatumpeni punora ōvaialaū. 26Monokowo, Nate, popōwo aremĭ sugkū ūnĭmtum.
27Itemeneyaū yemovo yaū tiamesū; ĭm tawi sĭ umagkili Netni, Itemen eni wokon; Im tawi sĭ umagkili Itemen, Netni eni wokon, miyi sĭ Netni onūatumpeni pugi.
28Uvelum poyaū kĭmi sū ōvun nelĭleki mōvun nutnpōhentom, ĭm ya ampugkūm nemĭndog. 29Uvĭ woresūrie enyaū ra nōwami mūkili tovun yaū; ĭt yaū nomolsep im noramel ūnōwag; ĭm kĭmi kwampĭ nemĭndog nĭsekon naviat sū enugkĭmi; 30ĭt woresūrie enyaū tasugesug, ĭm nevar enyaū narevareve.
Aktuálne označené:
Matiyu 11: ERGNT79
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Erromangan New Testament © British and Foreign Bible Society, 1909,1979.
