Genesis 11
11
Jini chan bʌ ts'ajc ti Babel
1Junchajp jach i t'an winicob ti pejtelel pañimil. Ma'anic yambʌ t'an. 2Che' bʌ tsa' cajiyob ti majlel winicob ba' mi' pasel q'uin, tsi' tajayob joctʌl i c'aba' Sinar. Ya' tsa' chumleyob ya'i. 3-4Tsi' yʌlʌyob: La' lac mel tejclum yic'ot chan bʌ q'ueloñib mu' bʌ i letsel ti panchan. La' lac ñuq'uesan laj c'aba' ame pujquiconla ti pejtelel pañimil, che'ob. Che' jini tsi' meleyob ladrillo. Tsi' tempayob asfalto i wentʌjlel mezcla.
5Tsa' jubi tilel lac Yum i q'uel jini chan bʌ ts'ajc am bʌ ti tejclum tsa' bʌ i meleyob winicob. 6Lac Yum tsi' yʌlʌ: Awilan, junmojt jach winicob x'ixicob. Junchajp jach i t'an ti pejtelelob. Jiñʌch i tejchibal jach chuqui mi caj i cha'leñob. Che' jini mi caj i melob pejtelel chuqui mi' ña'tañob i mel. 7Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum. 8Jini cha'an lac Yum tsi' pam pucuyob ti pejtelel pañimil. Tsi' cʌyʌyob i mel jini tejclum. 9Jini cha'an tsa' otsʌbenti i c'aba' jini tejclum Babel, come ya'i lac Yum tsi' socbe i t'an pejtel año' bʌ ti pañimil. Lac Yum tsi' pam pucuyob ti pejtelel pañimil.
I p'olbalob Sem
(1 Cr. 1.24-27)
10Jiñʌch i p'olbal Sem. Che' an jo'c'al i jabilel Sem, che' cha'p'ejlix jab i yujtel but'ja', tsi' yila pañimil Arfaxad i yalobil Sem. 11Che' bʌ tsi' yila pañimil Arfaxad, tsa' to jal'a Sem jo'c'al i cha'bajc' (500) jab. Tsi' yila pañimil ch'iton bʌ yic'ot xch'oc bʌ i yalobilob.
12Che' anix jo'lujump'ejl i cha'c'al (35) i jabilel Arfaxad, tsi yila pañimil Sala. 13Che' bʌ tsi' yila pañimil Sala, tsa' to jal'a Arfaxad jumbajc' yic'ot uxp'ejl (403) jab. Tsi' yila pañimil ch'iton bʌ yic'ot xch'oc bʌ i yalobilob.
14Che' lujump'ejlix i cha'c'al (30) i jabilel Sala, tsi' yila pañimil Heber. 15Che' bʌ tsi' yila pañimil Heber, tsa' to jal'a Sala jumbajc' yic'ot uxp'ejl (403) jab. Tsi' yila pañimil ch'iton bʌ yic'ot xch'oc bʌ i yalobilob.
16Che' lujump'ejlix i cha'c'al yic'ot chʌmp'ejl (34) i jabilel Heber tsi' yila pañimil Peleg. 17Che' bʌ tsi yila pañimil Peleg tsa' to jal'a Heber jumbajc' yic'ot lujump'ejl i cha'c'al (430) jab. Tsi' yila pañimil ch'iton bʌ yic'ot xch'oc bʌ i yalobilob.
18Che' lujump'ejlix i cha'c'al (30) i jabilel Peleg tsi' yila pañimil Reu. 19Che' bʌ tsi yila pañimil Reu tsa' to jal'a Peleg lujunc'al yic'ot bolomp'ejl (209) jab. Tsi' yila pañimil ch'iton bʌ yic'ot xch'oc bʌ i yalobilob.
20Che' lajchʌmp'ejlix i cha'c'al (32) i jabilel Reu tsi' yila pañimil Serug. 21Che' bʌ tsi' yila pañimil Serug tsa' to jal'a Reu lujunc'al yic'ot wucp'ejl (207) jab. Tsi' yila pañimil ch'iton bʌ yic'ot xch'oc bʌ i yalobilob.
22Che' lujump'ejlix i cha'c'al (30) i jabilel Serug tsi' yila pañimil Nacor. 23Che' bʌ tsi' yila pañimil Nacor tsa' to jal'a Serug lujunc'al (200) jab. Tsi' yila pañimil ch'iton bʌ yic'ot xch'oc bʌ i yalobilob.
24Che' bolomp'ejlix i cha'c'al (29) i jabilel Nacor tsi' yila pañimil Taré. 25Che' bʌ tsi' yila pañimil Taré tsa' to jal'a Nacor jo'c'al yic'ot lujump'ejl yic'ot bolomp'ejl (119) jab. Tsi' yila pañimil ch'iton bʌ yic'ot xch'oc bʌ i yalobilob. 26Che' lujump'ejlix i chʌnc'al (70) i jabilel Taré, tsi' yila pañimil Abram yic'ot Nacor yic'ot Harán.
I p'olbalob Taré
27Jiñʌch i p'olbal Taré. Taré i tatʌch Abram yic'ot Nacor yic'ot Harán. Harán i tatʌch Lot. 28Ñaxan tsa' chʌmi Harán ya' ba' tsi' yila pañimil ti Ur i cha'an caldeojob. Ti wi'il tsa' chʌmi Taré, i tat Harán. 29Abram yic'ot Nacor tsi' pʌyʌyob i yijñam. I c'aba' i yijñam Abram jiñʌch Sarai. I c'aba' i yijñam Nacor jiñʌch Milca, xch'oc bʌ i yalobil Harán. Harán jiñʌch i tat Milca yic'ot Isca. 30To'ol wa'al jach Sarai. Ma'anic i yalobil.
31Taré tsi' pʌyʌ majlel Abram, jiñʌch winic bʌ i yalobil, yic'ot Lot i buts, i yalobil bʌ Harán, yic'ot Sarai i yʌ'lib (i yijñam Abram). Temel tsa' loq'uiyob ti Ur i cha'an caldeojob cha'an mi' majlelob ti' lumal Canaán. Tsa' c'otiyob ti Harán. Ya' tsa' chumleyob ya'i. 32Añʌch lujunc'al yic'ot jo'p'ejl (205) i jabilel Taré ti pejtelel. Tsa' chʌmi Taré ya' ti Harán.
Aktuálne označené:
Genesis 11: CTU77
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Chol de Tumbalá Bible © Bible Society of Mexico, 1977. Active Translation in Process