Laoidhean 19
19
LAOIDH 19
Isaiah 9.2-8
1Feuch! dh'éirich solus air na slòigh
bha chòmhnuidh 'n duibhre bàis;
Is air an t‑sluagh a bha fo sgàil,
nis dhealraich Grian nan gràs.
2A d'ionnsuidh‑sa, a Ghrian an àigh!
le fàilte thig gach sluagh,
'S iad aoibhinn mar luchd buain o'n fhaich,
's am foghar taisgte suas.
3Oir thog thu dhinn ar n‑eallach ghoirt,
is lotadh leat ar nàmh,
Le d' ghairdean treun ghrad‑thilg thu sìos
luchd mi‑ruin chum an làir.
4Mar laoch a' ruith feadh fola 's àir,
tha Slanuighear nam buadh;
Mar cheumaibh dhealanaich nan speur
bheir thu fo ghéill gach sluagh.
5Feuch dhuinne rugadh Mac an àigh;
fhuair sinn Slànuighear treun!
Gach treubh air thalamh géillidh dha
is aingle nèimh gu léir.
6Prionnsa na siochaint canar ris,
's e'n Ti ta glic is treun;
Le ceartas riaghlaidh e gach sluagh,
o 'chaithir shuas air nèamh.
Aktuálne označené:
Laoidhean 19: LSN1987
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© Comann Bhìoball na h‑Alba 1987, 2017
© Scottish Bible Society 1987, 2017