John 10
10
NAKATA 10
Imnaikagvikun
1“Ilumuktumik ukautigipfi, inuk imnaikagvigmun itegahuak ukuanga atugngitkumiuk maiyugakuvlugu avaluagun, tamna kukiyuktuk kihimi. 2Imnailigli, tapfuma nanminigiyain imnait, ukuakun itingnaktugaluak. 3Amekhiyimlu ukuegutiniaktaa tamna, imnaillu nipaa tuhaayaat. Tapfumalu imnaini atiitigun kaipkaktain anititugit. 4Anitikaaktillugit nanmini hivulliumatik, imnait malingnaktaat nipaa ilitagigamitku. 5Inugli alla maligunaitaat tapfumanga kimauyumavlutik nipaa ilitaginginamitku.”
6Taimatun Jesus ukauyyiyuk hivuniunekun tapkuali kangekhingitugaluit itkumayyutaanik tapfuma.
Imnailikun naguyukun
7Jesus ukallagmiyuk, “Ilumuktumik ukautigipfi, ukuaktun-iliyunga uvanga imnainun. 8Tamangmiglu tikihimayun tikitinanga kukiyuktun, imnaillu tuhaangitpiaktain. 9Ukuaktun-iliyunga uvanga, kina itegahuagumi uvapkun annauyyauniaktuk, itegluni, anilunilunin kuyagingnakhuni nekihakhiukuvlugu. 10Kukiyuktugli kaiyuk kukitumagami, tukuttiyumavluni, piektitumavlunilu. Uvangali kaithimayunga tapkua imnait inunekakuvlugit, pikakuvlugillu amigaitumik.
11“Uvanga imnailinguyunga naguyumik. Imnailik naguyuk inuneminik tunihiyuk imnait pivlugit. 12Tamnalunin kivgainak, imnailingukhimangnginami nanminigiyuikivlugit imnait tapfuma imnait kimangniaktain kimauvluni takugamiuk amaguk, amakum aptettiniaktain tukuttumavlugit. 13Kivgak taimalingnaktuk kivgainaugami hugiyuitpiakhugillu imnait.
14“Uvanga imnailinguyunga naguyumik, nanminitka ilihimayatka, nanminimalu ilihimayanga. 15Angutima ilihimamanga uvangalu Angutiga ilihimayaga, aahin inuhiga tunilektaga imnait pivlugit. 16Imnaikaktungalu allanik hapkunani ilaungitugaluit. Kagitiyakhatkalu tapkua nipiga tuhaaniaktaat. Talva imnait tamangmik atauhektun-itniaktun imnailigivlugulu atauhek.
17“Ilaa inuniga tuniniagapku inupkaktaukikuvlunga Angutima nagugiyanga 18Allam piektitunaitaa inuniga inminik, uvanga tuningnaktagaluaga uvapkun. Uvamnik pipkaiyunga inuniga tunikuvlugu pikakuvlugulunin. Taima Angutima pitkuyanga.”
19Tapfumani ukauhiitigun tapkununa Jewmiut ihumagingitun ayyikiitumik. 20Amihun ukaktun, “Tamna agiuktukagami ihumaektuk. Hug tuhaalekkihiuk?” 21Allat ukaktugaluit, “Tapfuma ukauhiit kaitaungitpiaktun agiuktulingmin. Agiuktulik takpikhipkaiva takpiitumik?”
Jesus Jerusalemmituk negiaktuvingukman tuniyauyumik
22Tapfumani tuniyauvium negiaktugvia tikituk Jerusalemi ukiuktillugu. 23Jesus angayyuvikpagyuam tukhuaniituk taiyauyumi Solomonim piyutanik. 24Jewmiullu upagamitku iluyaat ukautivlugu, “Kakugu ihumaluguektiniakkitigut ilipkun? Christiuguvin ukautitigut itkumayumik.” 25Jesusim kiuyain, “Ukautivaktapfi ukpegngitkaluaktuhili. Tapkua pivaktatka Angutima atkagun, havaama ukautigiyangnga, 26ilipfili ukpektaitpiaktuhi imnailiginginapfinga uvanga. 27Imnaitka nipimnun tuhaaningnaktun, ilihimayatka tapkua aahin maliktangnga. 28Tuniyatkalu inuhengmik nungulaitumik. Tamagunaitun tapkua aahin allat akhaagunaitain uvamnin. 29Aitukpaktuk uvamnun tapkuninga, Angutiga ilaa ataniukiyauyuk allanin tamainin, Angutimnillu kinalika akhaalimaitpiaktuk humillika. 30Angutigalu atauhiuyuguk”.
Jewmiun Jesus kuviahutigingitpiaktaat
31Jewmiullu uyagagnik tiguhiyun millugumavlugu. 32Jesusim kiuyain, “Angutima havagingnik naguyunik amigaitunik takupkaktitapfi. Havaangit nalliat pivlugu millugumavihinga uyagagnun?” 33Jewmiun kiuyain, “Havayyagikpiagavin naguyumik millugumangnginaptigin, ukanilutigigangni God kihimi ilvit angutainaugaluaktillutin ilingnik Godinguktinavin.” 34Jesusim kiuyain,' 'Pitkuyapfingni tiitigakhimangngilak imaatun, 'Ukaktunga, ilipfi godiuyuhi'? 35Tapkua aituhiaktun Godim ukauhianik taiyauyun godinik, ukauhiilu puiguktauyukhaungitun. 36Uvanga Godim pilluakpagmanga tilivlunga nunamun kanuk ukakkihi uvapkun, 'Ukanilutigiyan God' ukakhimagama, 'Godim engnigiyanga'? 37Angutima havaktakhait pingitkupkit ukpegitailiyyavapfinga, 38tapkuningali pigupkit, ukpegingitillunga, havangit ukpegilugit, ilihimakuvluhi kangekhikuvluhilu. Angutiga uvamniiman, uvangalu Angutimniinama.”
39Talvatauk tigunahualektaat, tamnali kimauyuk tapkunanga.
40Jesus aullangmiyuk Jordam kukam avataanun Johnim baptaievianun. Takananiitpaktuk, 41amihullu upaktaat ukakhutik, “John naunaikutanik havayuituk tamaitali ukakhimayain umuna itkumayun.” 42Takananilu amigaitpiaktun ukpektun Jesusmun.
Aktuálne označené:
John 10: Sperry
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
©1972 Canadian Bible Society
