Exodus 20
20
THE TEN COMMANDMENTS.
I.
3Mandi shom teero tatcho Doovel. Kek komeni Doovel' s see tooti talla mandi.
II.
4Maw kair tooti kek komeni foshono kookelo, na kek pensa waver kova palla lesti ta see adré Duvelesko keri opré, adré o chik talé.#20.4 adré o chik talé. or 'dré o paani talé o chik. Maw pel talé kater lendi. Maw pootch lendi te del toot: variso. 5Maw pen teero lavyaw kater Iéndi, 'jaw mandi teero tatcho Doovel shom tatcho Doovel, ta kairova o chavé dooker for o dad's wafedo-pens 'jaw door sar o pooro dad's chavé, ta lenghi chavé tei, so kek nanei komela (komenna) mandi, 6ta siker komoben kater lendi so komesa (komenna) mandi ta kairesa (kairenna) meero tatcho trad.
III.
7Maw lel teero Doovel's nav bonges, jaw mi Doovel kek tilesa (tilela) lesti sor tatcho so lels Iesko nav bonges.
IV.
8Maw bisser te righer tatcho o Kooroko divvus. 9Shov divvusaw too bootiesa ta kair sor so see tooti te kair, talla o trin 10ta stor divvus see o tatcho doovel's kooroko. 'Dre lesti maw kair komeni booti, too, ta teero chavo, ta teeri chei, ta teero mooshkeni bootiengro, ta teero joovni bootiengro, teeri groovné, ta o gaújo so see adré teero tan. 11Jaw 'dré shov divvusáw mi Doovel kedás mi Doovelesko keri, ta o chik, o bauro Iondo paani, ta sor so see adré lesti, ta beshtás talé o trin ta stor divvus ta kedás chichi. Jaw mi Doovel pendás kooshto o trin ta stor divvus ta kedás-les tatcho.
V.
12Kair kooshtoben kater teero dad ta teeri dei, 'jaw too jivesa bauro cheerus adre o tern so teero tatcho Doovel dels tooti.
VI.
13Maw too maur.
VII.
14Maw sōv sar gairies talla teero nogo romni. Kek naneí too sōv troostal waver moosh's romni.
VIII.
15Maw too chor.
IX.
16Maw sovlohol bonges aposh o gairé so see posha tooti.
X.
17Maw too pootch troostal vaniso kova ta nand see teero. Maw kom o moosh's kair so see posha tooti. Maw kom Iesko romni, na Iesko bootiengro, ta Iesko bootiengri rakli na Iesko mooshkeni groovni, na Iesko meila, na variso kova so see lesti.
Aktuálne označené:
Exodus 20: ARBOS
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
maintained by the British and Foreign Bible Society