Obľúbené biblické verše z Yohana 16

Zdieľať

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

A ba la nǝn kǝngkǝnɨ, jǝ́ kela bɔ kaa jǝl a mʊgɔ dun mɨ. Jǝ́ kel, jǝ́ yo yo, sǝ fulotǝm nǝl jenɔ a yii.

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ. “Nǝn kwama nɨ bɛm lɛɨ, nʊng nʊng nǝbɔ yoolii nɨɨ gɔ, bʊʊlalɨ jinɔ mɨ dǝngdǝng a bwɨlangkɛl jinɔ gǝm, jǝbɔ jʊ nɨ dǝngdǝngɨ, jǝbɔ borang jinɔ.

Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ. Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

N bɨlǝngǝn mǝ sʊwa jen nɛ, jǝ́ ji ji wi jǝbɔ kaltǝm nǝl. Yooligɔ nyʊwa nyʊwa fulotǝm nǝl. Jǝ́ maa maa fitǝm nǝl. Fitǝm nǝl jenɔ yǝlam fulotǝm nǝl.