Obľúbené biblické verše z Hechos 2

Zdieľať

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Dai bïïxkatai kïï kaïkana aatagidï go bhaibuxtama dan goka ojotosadï Suxi. Dai ïmo tïgibudagai biakana ïgai dai daanïiña ïgai Diuxi gïn ïmpaiditai. Daidi ïmapi gakuadana ïpï.

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Taidi todian dukai gïï kaidatu tïbagiañdïrï ïpïan kaiti xudu kabami ïbïradagi dai bïïxkatai kaï ix makïdï ami darakatadai. Daidi gï maaxitu ïmo ixtumaxi tai maaxkami dai gï takogi gobai dai aipako daama daraiba ix makïdï ami daraja. Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.

Karhioga ugitïkai oidigi dibiamu gin Ibhïdaga dai ïmadï daakamu bïïxi odami oidigi daama óídakami. Dai amaxi gïn maamara maaxi aagadamu gin ñoki. Dai gin Ibhïdaga soikïdamu utu iimïdami kïkïïrhi xi ïgai tïïgimu mui naana maaxi tïïtïki dukai. Dai podukai ïpï kïkïrhiodami ïpï biakamu naana maaxi tïïtïki.

Bïïxkatai go ix makïdï buaboidaitadai kïïga gïn urabakatadai. Dai mai ïïgi bïïtarï biakana ïgai buxtuidadï, dai bhaiyoma gaagaraiña ïgai buxtuidadï daidi soikïiña go ix makïdï bamioma tïgitokana bai podukai bïïxkatai biakana ixtukïdï oidakagi.

Aidïpïrï kïïgakïrï bubuakimu bïïxi go ix makïdï gin daanïdagi, ikaiti Diuxi gamaakaitai ïgai ñoki go Joelkaru ïïki.

Aidïpïrï gï tukamuga ka agai go tasai. Dai masadai ïrai maaxkamu bïgikatai. Dai gokiïrï ayimu ixtuigako dibiagai go Nukadakami. Gobai gia ïr ïmo gïï tasïrï ka agai.