Obľúbené biblické verše z Hechos 1

Zdieľať

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Taidi go Suxi itïtïdai, —Ïïgi Diuxi gin oga ïgai dai aagai xïïxkadï iduñagi aaduindadï. Aapimï maiti ïr gïn bïïtarï ix maatïkagi xïïxkadï pobïduñagi gobai— itïtïdai.

Dai ïmo imidagai gïn ïmpaiditadai ojotosadï Suxi dai ïgai aagidi sai mai iimïna Jerusalenañdïrï dai bhaiyoma potïtïdai, —Nïnïrabïrai aapimï asta xïïxkadï dibiagi Diuxi Ibhïadï ix dukatai gïn aagidi Diuxi gin oga ïïki. Kïï maatï aapimï xi aanï gïn aagidi ïpï xi dibiagai ïgai. Daiñi, go Juan gïn bapakoi sudagikïdï dïï xibi aanï aagai sai ïpï chïki tasaikïdï bapakoñikamu aapimï Diuxi Ibhïadïkïdï— itïtïdai go Suxi.

Gï aagidi aanï ïpï ixdukatai pogïdui xi soimaaxi taata Suxi dai muu dai ïpamu duakatu daidi bhodïrï ojotosadï buitapi kïkiba. Dai naana dukai gï mamaaxidi ïgai ix ka duakatu ïpï. Gokobhai tasai aitu ïgai didibiditai ojotosadï dai aagidiña ïgai ix dukatai tïanïi Diuxi.

Dai mos potïi Suxi bai gï baidakatu ïgai tïbagiamu. Dai go ojotoxikami kia tïïgigimi xi ïmo ikomai iiña go Suxi dai ka mai tïï ïgai.

Kia tïbagiamu tïïgigimi ïgai baidi todian dukai gïn sonoana gukiba goka kïkïïrhi tooto yukusukami. Kia tïsadimitadai go Suxi aidï. Daidi ikaiti go tooto yukusukami, —Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.