Obľúbené biblické verše z Jọn 16

Zdieľať

À mịn mị nwọ ḍuko ọ́ pịrịsam, mịẹse ó deinma nyanaḅịa ḅara ị̀rị̀ na gboloma gbọrịye mịẹ mị ḅụ. Tomonikiri mị mịẹse ọ́ tọrụsiọrịḅịa. Ọkụma ọ́ kụrọ kuḅie nyana! À tomonikiri mị nẹngịmasam!”

Ọkụma anị simeọkụ simeọkụ sọnị, kọkọmaye mị Tẹmẹ Ḅe ò ḅoḅịa sịkị, anị Tamụnọ Ḅe ḅụ kọkọmaye nwọ ḍieḅelemaḅịaḅọ ḅe, ori ò se mun kọkọmaye mamgba ḅie chuḅịa. Ori ọ̀ ḅarakuḅu kụrọ se ọkwẹịn kọn ẹkẹ, ọkụma ọ̀ naaye mị ò ḍukoḅịaye-ẹ, ọ̀ pịkị tọrọkọju pakaḅịaye ḍuko ọ́ pịrịḅịa.

Ọkịḅo mịọkụ la sọnị, ómine ị̀ya ẹrẹ ḅụ ḅisa gbọrịye sọnị ofori-ẹ; ó ḅi anị pịkị ọ́ ḅara laḅịa, mịẹse ọ́mịna ḅieḅẹlẹ mị karaḅịa ọkụ.

Ọkụma kọkọmaye mị à nwọ ḍuko ọ́ pịrịmẹ anị iḅitẹịn ọ́ pịrịmẹ na à so, anịatịḅị à nemikase so ka ọkụma, Ḅarachụaḅọ Ḅe ori ọ́ damaḅo ẹkẹ. Ọkụma à nemikase ó koroma somẹ ḅẹḅẹ, anịsịkị àrị ò se ọ́ fịrịmaḅịa. Se ò ḅo lasịkị, ò ye mịẹpakụma tomonikiri mị ḅe apụma ḍieḅịa si gbolomaye ḅụ na, karakaraye gbolomaye ḅụ na, pịkị Tamụnọ ḅẹrẹkọn gbolomaye ḅụ na, ini mịẹkuramakẹ.

Anị mịọkụ anị ómine na simeọkụ-ẹ: mịọkụ ó kururuaḅẹ, ọkụma à pịkịna ómine ọrịḅịa, ọ́mịna kuḅiemgbọlụma pịkị ḅieḅẹlẹ na ḅeinḅịa, gbọrịḅọ sọnị ineda ọ́mịna ḅara ọkịso ẹka ḅieḅẹlẹ. “Anị ene mị ḅo laḅịa sịkị, ị̀ ḅara ó gbọrịye sọnị ḅi ẹkẹ. À kọkọmaye ḍuko ọ́ pịrịaḅẹ: na ị̀ya ẹrẹ ḅụ ó ḅiye goyegoye Ḍaḅọ Ḅe ò seni ọ́ pịrịḅịa.

À kọkọmaye ḍuko ọ́ pịrịaḅẹ: ómine oloku se owuḅịa, ọkụma tomonikiri mị ḅieḅẹlẹḅịa; ó kururuḅịa, ọkụma ọ́mịna kururu mị vinpịkịḅo ḅieḅẹlẹ sọḅịa.