Obľúbené biblické verše z MATTHAI 24

Zdieľať

Sualnâk a karh tuk lai i dawtnâk a dai lai. Asinain a donghtiang a hmunmi nih khamhnâk a hmuh lai.

Hi vanbawi pennâk Thawngṭha hi miphun vialte theihter awkah vawlei dih lakah chim a si lai, cuticun donghnâk kha a phân lai.

Cun raltuknâk le raldohnâk thawngpâng nan theih lai. Rak lau hlah u. Hi thil hna hi an si hrimhrim awk a si. Asinain donghnâk cu a si rih lai lo.

Zeitintiah phunkhat le phunkhat an i doh lai. ram le ram an i doh lai. Hmun kipah mangṭâm a tlung lai, rai an tlung lai i kakip ah li ai hnin lai. Cu thil vialte cu nau hrinlai nganfah hramthawknâk a si.

Lei le van an rawk lai, ka bia cu zeitilei hmanh in a rawk lai lo.

Zeitintiah mi tampi ka min chalh in a ra lai i mi tampi an hlen hna lai.

Cucân ah cun harnâk tuarter dingin an in tlaih hna lai i an in thah hna lai; ka min ruangah miphun vialte nih an in huat hna lai. Cu cân ah cun mi tampi an tlu lai, an i ripawt lai i an i hua lai. Profet deu tampi an chuak lai i mitampi an hlen hna lai.

Jesuh nih, “Ahohmanh nih an in hlen nâkhnga lo, i ral ring u.

Cucaah nannih zong ralring tein um u, zeitintiah nan i ralring lo cân ah nan Bawipa a ra sual lai.

Cucaah i ralring u, zei ni ahdah nan Bawipa a rat lai, nan hngal lo.

Asinain cu ni le suimilam cân cu, ahohmanh nih an hngal lo. Pa dah ti lo cun, van i vancungmi hmanh nih an hngal lo.

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

Noah chan bantuk khan Mi Fapa arat cân ah a si te lai. Zeitintiah tilian a tlun i Noah tilawng chung i a luh ni tiangkhan, an ei, an ding, nupi pasal an i ngei, tilian nih alâk dih hna hlan lo zeihmanh an hngal lo. Mi Fapa arat ni zongah cubantuk cu a si te lai.