Obľúbené biblické verše z Marcus 13

Zdieľať

Bidh fuath aig a h‑uile duine dhuibh air sgàth m'ainm-sa, ach an neach a sheasas daingeann chun na crìche, bidh e air a shaoradh.

Bithibh air ur faiceall agus nur làn dùisg, oir chan eil fhios agaibh cuin a thig an t‑àm.

Nuair a bheir iad thairis sibh a sheasamh cùirt, na biodh cùram oirbh roimh-làimh dè a their sibh, ach canaibh an rud a thèid a thoirt dhuibh aig an uair sin fhèin, oir chan e sibhse a bhios a' bruidhinn ach an Spiorad Naomh.

Thèid na speuran agus an talamh à bith, ach mairidh m'fhacal-sa gu bràth.

“Ach a thaobh an là sin, no a thaobh na h‑uaire, chan eil fhios aig neach sam bith, fiù 's aig na h‑ainglean ann an nèamh, no aig a' Mhac, ach aig an Athair a‑mhàin.

Nuair a chluinneas sibh ùbraid chogaidhean faisg air làimh agus iomradh air cogaidhean fad ás, na biodh eagal oirbh; feumaidh seo a bhith, ach chan e sin fhathast a' chrìoch.

Mar sin, bithibhse ri faire, oir chan eil fhios agaibh cuin a thig maighistir an taighe, co‑dhiù 'sann feasgar, no aig meadhon-oidhche, no nuair a ghairmeas an coileach, no anns a' mhadainn. Cha bu mhath gun tigeadh e gun dùil ris, 's gun glacadh e sibh nur cadal. 'S an nì a tha mi ag ràdh ruibhse tha mi ag ràdh ris a h‑uile duine: ‘Bithibh ri faire’.”

Eiridh sluagh an aghaidh sluaigh agus rìoghachd an aghaidh rìoghachd. Bidh crithean-talmhainn ann thall 's a‑bhos, agus gortan cuideachd, ach cha bhi ann an sin ach toiseach nan àmhghairean.

Ach an toiseach feumar an Deagh Sgeul a shearmonachadh dha na cinnich uile.

Thig mòran a' gabhail m'ainm-sa orra fhèin, 's ag ràdh, ‘'S mise e’, agus meallaidh iad iomadh neach.

“Ach thoiribhse an aire, oir bheir iad thairis sibh do chomh-airlean 's do shionagogan gur feuchainn. Thèid ur cuipeadh, agus, air mo sgàth-sa, seasaidh sibh air beulaibh luchd-riaghlaidh agus rìghrean a dhèanamh fianais.

Oir bidh Crìosdan meallta agus fàidhean meallta a' nochdadh, agus nì iad comharran agus mìorbhailean airson daoine a chur air seacharan, gu ruig na daoine taghte fhèin, nam biodh sin nan comas.

“Aig an àm sin, an dèidh na h‑èiginn ud, thèid a' ghrian a dhèanamh dorcha, 's cha toir a' ghealach seachad a solas. Bidh na rionnagan a' tuiteam ás na speuran, agus bidh na cumhachdan a th'anns na nèamhan air an crathadh.