Obľúbené biblické verše z JO:N 15

Zdieľať

Sc:kobv ngokkolo du:mvnycnc, odokkc ngo bvkkolo du:mvnmvlo, bv:na cdc bojcrungkopc a:yc e:ncdc, kapila:nc ngo:ma:mvlo nolu okkomsin ila:mang.

Ngok dungkolo du:mvnnangka, odokkc ngo nolukkolo du:mvnyc. Rcngke:dc avyc kapc a:yc e:sula:ma:nc, angur amv:lo cdc sanggabmvnna du:ma:sisscm, nolusin e:la:mang, ngokkolo nolu du:ma:mvlo. Ngo angur amv:dc, nolu rcngke:kvdv:dc.

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

Tani:akonc bvk ajondok lcgangc turnamcmci tolvgbinamcmyam, bottcya:pc aipc mc:namc kamang.

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

“Sc:na ngok lulvgnam agomcnc, jc nolu akoncm akonc aipc mc:mvnsulangka ngo nolum aipc mcngkamdcmpc.

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

“Ngo:na aro angur amv:dc, odokkc ngok Abubv:na angur arvg incdc.

“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

Sc agomkvdv:scm ngo nolum lubitu:bong, odomvlo ngok mc:podc noluk lcdulo du:mvndopc cmna, odokkc odomvlo noluk mc:podc:jen pv:dandopc cmna.

Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

Scm ngo, nolu akonc akoncm aipc mc:mvnsudopc cmna lulvgdung.

Nolu rcngamsokka:mvlo, rcngamsc avkcdcm aipc mc:ya:pc; cmpige:la nolu rcngam sokkcma:la:yam, cmpige:la rcngamsokkcm ngo nolum balenna:yam, cdcmpila:yam rcngamsc nolum tayumdag.