Aphutna Chongmaruoina

Chongmaruoina

Bāibul-a mānsa khīt lekhabū ei nī anga, Aphutnāna hin neinun ei ānphutna rui tamtak na mū thei a. Mānsa khīt chu Pathian ratanna derdīn hi a ni. Ma 1-2 na hin Pathianin phil chunga a rēngram a manding a. Ama rathūla phil chu ei vong theina rang, Pathianin ama aphuozeka miring a sin a. Tenchu ma 3a, Adam lē Evi, miring mānsa ngāiin Pathian rāldui Setan a zī u na. Amānī'n āsinpū a dui u na, ei siat una chu miring khūk pumpuia anthek a, tiarna āna sabak chu a hong rasuo na. Ma 4-11 a hin, āsia sika tianlāia siatna lian le maniapūr pumpui tiliansāng a manlang a.

Ma 12na hin Adam lē Evi kōma Pathian a chongtin ei len rang rui a ril a. Ma 3:15na Pathianin Evi a khūk amanga Setan ei pei a, miring chu ei ratana, miring chu amāna ei ānding rēt rang a lei tī na. Aphutna ma 12na, amā'n mī khat, Abraham chu asuok ranga ā thang a. Abraham a kōma chongtin anthum a nei a. Angkhatna: Pathianin chī tamtak pēk in ti. Annina: Ommun ei khuor una rang Kanān ram pēk in ti. Anthumna: Pathianin amāni le aliaktēna a chi ngāi amanga phila insūngkuo dōra chu bōr pēk in ti. Abraham le ei ānzomna le han, Pathianin miring le ei ānzomna chu manding rēt in ti.

Ma 13-50 na hin Pathian chongtin ngāi ei lenna rui a ril a. Ākhār tamtak a om lāia lē Abraham le a chi ngāiin voi tamtak āsia a thō ngal u nā'm, Pathian chu boidongkhapa a chong a sūrtit a. Hava bibila, amā'n anāng neinun senkhat, iamna ei nāngzia le na ninga niluia Pathian chunga anboi ei nāngzia chu a manchū na. Aphutna ahek tianga Abraham a chi ngāi chu 70 a ni u na. Āigupta rama a om tot ngal u nā'm, amāni nātā maniapūr pumpui māitām ātā ānzōk ranga, Zosef ā thang a. Hivā ruitāngin Pathian chu a chongtin hi ei len thei lē ei len ngēt rang tī hi a manlang a.

Aphutna hi nukhōna Abraham a chi ngāi kōma ānziak a ni. Amāni chu Israel mī tīna anpāi u na. Kanān ram āzui ranga a val u na. Hiva lekhabū amanga, Pathianin a chongtina ei iam una ānsōn ranga lē Pathianin sin āthō ranga ei pāina ālen ranga, chong a pēk a. Aphutnā'n Pathian mi ngāi ranga chongbē ahun tina ranga a dōn a. Hivā lekhabū'n hontin mo koini nei siatna, Pathian lungkhamnā'n ei mahīpzia a manlang a. Hiva lekhabū'n, amā'n miring ei mazōkna rang derdīna hin, ama nei ānngampui anga, koini na sinthō rang ngāi ei na manzui chachak tī rui hi a na manchū na.

Asūnga Om Ngāi

I. Pathianin maniapūra a rēngram a manding a, miring chu hava rēngram chunga āvong rang a siak a (1-2).

II. Āsia chu miring sūnga a hong ālūt a, Pathian rēngram chu a masiat a (3-11).

III. Abraham amanga Pathianin a rēngram lē miring chu ānding thar rēt ranga a val (12-50).

දැනට තෝරාගෙන ඇත:

Aphutna Chongmaruoina: RNL

සළකුණු කරන්න

බෙදාගන්න

පිටපත් කරන්න

ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න

Pathian Lekhabū Ānthiang පිළිබඳ වැඩිදුර දැනගන්න

Aphutna Chongmaruoina