मर्कुस कितापक् परिचय
कितापक् परिचय
यि कितापै मर्कुसे येसु खिरिस्टक् खुसिक् खभर, ओक्राक् काम आउँ अधिकारक् बिसइमा लेख्ल धरैस्। येसुक्सङ्हिं परमेस्वरक् अधिकार रहेक्ला बाज्बाक् कहिन् ओहिं कर्ल काम आउँ ओहिं मानुसलकक्भटे भुतलक् निस्काल, येसुइ कहिन् सिखाटे, मानुसलकक् पाप छेमा कर्टे आउँ ओहिं मानुसलकलाइ उखर्ह्वाक् पापक्भटे फर्काबाक् लागि मानुसलकक् साट्टाइ येसु मोर्बा आइल हो बाज्ल कहिनक् आको साछि देल धरैस्।
यि कितापै मर्कुसे येसुइ बाज्ल कहिनेसौ ओहिं काम करिहिन् देखाल कामक् बिसइमा थुप्रोय कहिन् लेख्ल धरैस्। बप्तिस्मा देलाहार यहुन्ना, येसुक् बप्तिस्मा आउँ येसुलाइ सैताने पापै फसाबाक् परिछ्या कर्ल कहिनक् बिसइमा आको जानाल धरैस् आउँ येसुइ मानुसलकलाइ राम्रो पार्ल तसौ येसुइ मानुसलकलाइ कहने सिखालक् बाज्ल कहिन् जानाल धरैस्। यि कितापै पाछुल्कोक् भागै येसु कुरुसै टाङ्ल आउँ मोर्लोक्भटे फेरि आको जिउँटो भेलक् बिसइमा लेख्ल रहेला। उहेरङ् करिहिन् मर्कुसे खास करिहिन् रोमिलकक् लागि यि खुसिक् खभर लेख्लक्। चारजेनाइ लेख्ल खुसिक् खभर मध्येमा मर्कुसे लेख्ल खुसिक् खभर सेब्भुइसौ पैल्हा लेख्ल रैल्हकुन्। (मत्तिय लेख्ल खुसिक् खभरक् परिचय दिठाहो) मर्कुसक् खुसिक् खभर इस्बि सम्बत् ५५ आउँ ६५ क् भिट्रै अथबा येसु मोरिहिन् झन्ने तिस बर्सपाछु लेख्ल रैल्हकुन्। मत्ति आउँ लुकाहु मर्कुसे लेख्ल खुसिक् खभरक् थुप्रोय कहिनलक् आफ्नि लेख्ल खुसिक् खभरक् कितापलकै लेख्लुहुन्।
छोटो बिसइलक्
खुसिक् खभरलक् सुनाबा ठाल्ल १:१-१३
येसुइ गालिलै कर्ल काम १:१४—९:५०
गालिलेसौ यरुसलेमसम्म १०:१-५२
यरुसलेमै बिताल अन्तिम साता ११:१—१५:४७
येसु मोर्लोक्भटे जिउँटो भेल १६:१-८
येसु जिउँटो भेहिन् पाछु देख्वार पोर्लोक् आउँ स्वर्गोक्पटि उठाइ लेगिजाइलक् १६:९-२०
දැනට තෝරාගෙන ඇත:
मर्कुस कितापक् परिचय: DEWZ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2024 (Active), Mother Tongue Translators Society and Wycliffe Bible Translators, Inc. All rights reserved.