الإنجيل زي ما كتبه مَتَّى 4
4
إختبار يسوع في البرية
1و بعدين الروح ودّىَ يسوع للبر، عشان يختبره الشيطان 2و بعد ما صام يسوع أربعين يوم وليلة، أخر شي جاع، 3و جا له إبليس و قال له: «لو كنت صحيح إبن الله، قول لهالحجارة تتحول إلى خبز!» 4و جاوبه و قال: «مكتوب: مو بالخبز وحده يعيش الإنسان، و لكن بكل كلمة تطلع من بوز الله!» 5بعدين أخده إبليس للمدينة المُقدّسة، و خلاه يوقف على حافة سطح الهيكل، 6و قال له: «إدا كنت إبن الله، فارمي روحك تحت، لأنه مكتوب: يوصي ملائكته بك، ويحملوك بأياديهم عشان لا تصدم رجولك الحجر!» 7و قال له يسوع: «و مكتوب بعد: لا تجرب الرب إلهك!»
8بعدين أخده إبليس إلى قمة جبل مرتفع واجد، و راواه كل ممالك العالم بعظمتها، 9و قال له: «بعطيك هدي كلها، إدا ركعت وسجدت ليي!» 10و قال له يسوع: «روح عني يا شيطان! لأنه مكتوب: إلى الرب إلهك تسجد، و تعبده وحدة!»
11و راح عنه إبليس، و إلا شوية من الملائكة جو له يخدموه.
يسوع يبدي في التبشير
12و لما سمع يسوع أن أعتقلوا يوحنا، قام رجع إلى منطقة الجليل. 13و ترك الناصرة، و مشى و سكن في قرية كفرناحوم إلا تصير على ساحل البحر داخل حدود زبولون ونفتاليم، وسكن فيها، 14و تحقق إلي أندكر على لسان النبي إشعياء يوم قال: 15«أرض زبولون و أرض نفتاليم، على طريق البحيره إلا ورا نهر الأردن، بلد الجليل إلا يسكنوها شعب ما هم يهود 16الشعب إلا قاعد في الظلام، بيشوف نور عظيم، و إلا قاعدين في أرض ظلال الموت، بيشرق عليهم نور!»
17و من داك الوقت بدأ يسوع يبشر ويقول: «توبوا، ملكوت السماوات قرب!»
دعوة التلاميد الأوليين
18و لما كان يسوع يمشي على ساحل بحر الجليل، شاف أثنين أخوه، إلا هم سمعان - و ألا يسمّوه بطرس - وأخوه أندراوس و هم بحّارين - صيادين سمچ، قاعدين يرموا الشبك في البحر. 19قال ليهم يسوع: «يلا أتبعوني، عشان أخليكم تصيروا صيادين للناس!» 20قاموا و تركوا الشبك و تبعوه على طول. 21و مشى من هناك و شاف أخوه أثنين غيرهم، إلا هم يعقوب و أخوه يوحنا أولاد زبدي، في السفينة ويا أبوهم يصلحوا شبكهم، نادى عليهم عشان يصيروا من أتباعه. 22و تركوا السفينة و تركوا أبوهم، وتبعوه على طول.
يسوع يشفي المرضى
23و كان يسوع يتنقّل من مكان لمكان في منطقة الجليل كلها، يعلم في معابد اليهود، وينادي ببشارة الملكوت، ويشفي الناس من الأمراض و العِلل، 24وأنتشرت أخبار عنه و أشتهر وصار معروف في كل سوريا. و الناس جابوا له مرضاهم العليلين بأمراض وأوجاع مختلفة، والمسكونين بالشياطين، و ألا فيهم صرع، والمشلولين، وشفاهم كلهم. 25و لحقوه ناس واجد من مناطق الجليل، و المُدن العشرة، وأورشليم و اليهودية و من المناطق إلا ورا نهر الأردن.
දැනට තෝරාගෙන ඇත:
الإنجيل زي ما كتبه مَتَّى 4: QNAV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Qatifi New Arabic Version © 2024 Strategic Resource Group