योहन 12
12
यीसु को पाय मा इतर डाकनो
(मत्ती 26:6-13; मरकुस 14:3-9)
1यीसु फसह को तिहार लक छह दिवस पुढा बैतनिय्याह नगर मा आयो, जिता लाजर होतो। जेनला यीसु ना मरो मा लक जित्तो करी होतिस। 2उता उनना ओको लाई जेवन#12:2 भोजन तैय्यार करी होतीन, अना मारथा सेवा करत होती। लाजर उनमा लक एक होतो, जोन ओको सँगा जेवन लाई बसयो होतो। 3तबा मरियम ना जटामाँसी को ढाई किलो सुध्द कीमती इतर#12:3खुसबु देने वालो सेंट आनके यीसु को पाय पर डाकीस, अना चुन्दी लक ओको पाय ला मलन लगीस अना इतर की महक लक सारो घर महकन लगयो। 4पर ओको चेला मा लक यहूदा इस्करियोति नाव को एक चेला जोन ना ओला धरायो, कव्हन लगयो। 5यो इतर तो तीन सौ सिक्का मा बेचो भी जाय सकासे अना गरिब गोर गीनला दियो जाय सकासे। 6यो बात ओना एको लाई नही कहीस, की ओला गरीब गोर की चिंता होती, पर एको लाई कहीस, की उ चोट्टा होतो, अना ओको जवर ओकी पियुसी#12:6 थैली रहोत होती। अना ओको मा जो काही डाकयो जावत होतो उ हेड़ लेत होतो।
7यीसु ना कहीस, ओला रव्हन देव, ओला मोरो गाड़ो जावन को दिवस को लाय करन देव। 8काहे की गरीब गोर तो तुमरो सँगा हमेसा रव्हेत,, पर मि तुमरो सँगा हमेसा#12:8 हरेक बेरा तकन बन्या रहेतिन नही रहुँ।
लाजर को विरोध मा साजिस
9जबा यहूदी को मोठी भीड़ यो जान गईन, का उ उता से, ता वय केवल यीसु को काजी नही, बल्कि एको लाई भी आइन, का लाजर ला चोवबोन, जेनला ओने मरयो हुयो मा लक जित्तो करी होतिस। 10तबा मोठा मुखिया याजक ना लाजर ला भी मारन की साजिस करीन। 11काहेकि ओको काजी लगत सा यहूदी ओको पक्स मा भय गई होतीन, अना ओको पर भरोसा कर रही होतिन।
यरूसलेम मा जीत को सँग धसनो
(मत्ती 21:1-11; मरकुस 11:1-11; लूका 19:28-40)
12दुसरो दिवस लगत सा लोकगीन ना जोन तिहार मा आई होतीन उनना आयक के की यीसु यरुसलेम मा आय रहयो से। 13लोकगीन खजुर की डारी लेईन, अना ओला मिलन को लाई हिटिन। “अना चिल्लाके कव्हन लगीन।” बड़ाई होय, “धन्य से इसरायल को राजा।” जो पिरभू#12:13 सरवसक्तिमान परमेस्वर को नाव लक आवासे।
14जबा यीसु ला गदही को एक बच्चा मिलयो, ता उ ओको पर बस गयो। जसो ओको बारे मा लिखि से।
15“अवो सिय्योन की टूरी, भेव नोको राख,
देख, तोरो राजा गदही को बछेरु पर
चघके#12:15 महिमा से भरकर चलत आय रही से।”
16यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।
17तब भीड़ मा वय मानूस गीन गवाही देयीन, जोन बेरा लाजर ला मरघट्टी लक हाकल के यीसु ने जित्तो कियो होतो वोच बेरा चोयो होतीन। 18एको लाई लगत लोक गीन यीसु को आवभगत करन लाई हिटीन। ओन्हीसीन आयकीन का यीसु ना यो निसान चोवाइसेस। 19यो सब चोय के मोसे को नियम को गुरू ना एकमेक लक कहिन, “चोव रहिसेव ना, तुमी लक काही नही होय सका। चोवो सप्पा संसार ओको मंघा चल रही से।”
युनानीहुन लक यीसु ला ढुढनो
20जोन लोक तिहार को बेरा मा पूजा करन आई होतीन, उनमा काही यूनानी होतीन। 21उनना फिलिप्पुस को जवर आयके यो बिनती करीन, महोदय, आमी यीसु पिरभू लक मिलन आईसेजन। फिलिप्पुस गलील छेतर को बैतसेदा नगर को रव्हन वालो होतो।
22उ गयो अना अन्दिरयास ला यो सांगिस, तबा अन्दिरयास अना फिलिप्पुस गईन अना उनना यीसु ला एको बारे मा खबर देईन। 23यीसु ना उन लक कहीस, उ बेरा आय गईसे, जबा मानूस को टूरा महिमा ला पाय लेहे। 24मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे। 25जोन आपरो जान लक माया करासे, उ ओला नास करासे, अना जोन यो संसार मा आपरो जान लक बैर करासे, उ ओला अमर जिन्दगी कोलाय सुरक्सित राखासे। 26अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।
कूरूस को मिरतु को ईसारा
27“अब मोरी मन बेचेन से, का मि यो कहुँ, बाबूजी, यो बेरा को आफद लक मोला बचाव? काहेका यो काजी मि यो बेरा तकन पहुची सेउ। 28ओ बाबूजी! लोकगीन मा आपरो नाव की महिमा कर।”
ओनो बेरा मा यो सरग लक आवाज आई, का मिना आपरो नाव की महिमा करीसेव, अना मंग ओको महिमा करू।
29इता उता लोक गीनना आयक के कहिन बादल गरजियो, काही लोकगीन ना कहिन, एक सरगदूत ना वोला काही सांगयो से।।
30यीसु ना सांगीस यो आवाज मोरो लाई नही, बलिक तुमी लोकगीन लाय से। 31अब यो संसार को न्याय होवा से, अब यो संसार को मुखिया हेड़ दियो जाहे। 32अना मि जबा धरती लक वरता उचलो जाहुँ। तबा सब मानूस गीनला आपरो कन झीक लेहुँ। 33ऐना सबद लक यीसु ना ईसारा करीस, का ओकी मिरतु कोन तरीको लक होयेत?
34लोकगीन ना असो सांगीन, मोसे को नियम हमला यो सिक्सा देसे की मसीह सदा रहेत, मंग तु यो कायलाय कव्हसेस, की मानूस को टूरा ला वरता जानो जरूरी से? यो मानूस टूरा#12:34 सकितसाली बेटा कोन आय?
35एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारो#12:35 अँधकार तुमला घेर ले। जोन इंधारो मा चला से वा नही जान सका की किता जावसे? 36जबा तकन उजाड़ो तुमरो जवर से उजाड़ो पर भरोसा ठेवो, जोन लक तुम्हि उजाड़ो की सँतान बन सको। असो कव्हनो पर यीसु चली गयो अना उनको लक लुक गयो।
यहूदिगीन को अबिस्वास
37मंग यीसु ना उनको पुढ एतरो निसान चोवाइस, मंग उनना भरोसा नही करीन। 38एकोलाय भविस्यवक्ता यसायाह को यो कव्हनो पूरो भयो का,
ओ पिरभू! हमरो साजरो खबर पर कोन भरोसा ठेइस ?
अना पिरभू को हात को ताकत कोन पर परगट भयो से?
39वय एको लाई भी भरोसा नही कर सकीन, का भविस्यवक्ता यसायाह ना यो कव्हयो होतो,
40मोठो परमेस्वर ना उनको डोरा ला अँधरा कर देइस
अना उनको अक्कल ला सटया देइस। परमेस्वर ना कव्हयो,
कहीं असो न होहे की वय डोरा ला चोयेत,
अना अक्कल लक समजेत।
अना मोरो मंघा भय जाहेत।
अना मि उन ला साजरो कर देहुँ।
41यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस
42मंग अधिकारी मा लक काही ना ओको भरोसा करीन, पर मोसे को नियम को गुरू को पुढा ओला नही अपनात होतीन। उनला डर होतो की सभा लक उनला कही नोको ठुकराय दियो जाय। 43उनला परमेस्वर को मान लक ज्यादा, मानूस को मान को माया होतो।
यीसु को बचन लक सजा
44यीसु ना हाकलके कहीस, “जोन मोरो पर भरोसा करासे उ मोरो पर नही पर जोनना मोला धाड़िसेस ओको पर करासे। 45अना जोनना मोला चोवीसेस, ओना मोरो धाड़न वालो ला चोवीसेस। 46मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत। 47अदी कोनी मोरी गोस्टी ला आयकसे अना नही मानासे ता मि ओला सजा नही देहु। काहेकि मि जगत ला अपराधी ठहरावन को लाय नही, पर जगत ला सूटकारा#12:47अजादी देवन ला आईसेऊ। 48जोन मोला बेकार जानासे अना मोरी गोस्टी नही अपनावासे, ओला अपराधी ठयरावन वालो तो एक से, जेना गोस्टी मिना सांगीसेउ, वा बितो दिवस मा ओको न्याय करयेत। 49काहे की मिना आपरो कन लक गोस्टी नही करिसेऊ, पर बाबूजी जोनना मोला धाड़िसेस ओना मोला हुकूम देईसेस, मि काजक कहुँ, अना मि काजक सांगीन? 50अना मि जानासेऊ का ओको हुकूम अमर जिंदगी से, एकोलाय मि जेना गोस्टी ला सांगासु, बाबूजी ना मोला जसो सांगीसेस, वसोच सांगासु।”
Currently Selected:
योहन 12: NTPSP23
Highlight
Share
Copy
Want to have your highlights saved across all your devices? Sign up or sign in
The New Testament in Powari Language © The Word for the World International and Powari Madhya Pradesh, 2023.