Евангелле паводле Лукі Раздзел 21
Раздзел 21
1 #
Мк. 12:41
І, зірнуўшы, Ён убачыў багатых, што кідалі ахвяры свае ў скарбонку,
2 #
2Кар. 6:10
убачыў таксама адну бедную ўдаву, як кідала два дробныя грошыкі,
3і сказаў: «Сапраўды кажу вам: гэтая ўдава ўкінула болей, чым усе іншыя.
4Бо ўсе з лішкаў сваіх клалі ў дары Богу, а яна з недастатку свайго ўкінула ўсё ўтрыманне сваё, якое мела».
5І, калі некаторыя гаварылі пра святыню, што прыгожымі каменнямі і дарамі аздоблена, Ён сказаў:
6«Надыдуць дні, у якія з усяго, што бачыце, не застанецца каменя на камені, які б не быў зруйнаваны».
7Дык спыталіся ў Яго, кажучы: «Вучыцель, калі ж гэта будзе і што будзе за знак, калі гэта станецца?»
8 #
1Ян. 4:1
Ён сказаў: «Глядзіце, каб вас не звялі; бо многія прыйдуць у імя Маё, кажучы: “Гэта Я” або “Час наблізіўся”. Дык не ідзіце за імі.
9А калі пачуеце пра войны і замяшанні, не злякайцеся, бо трэба, каб гэта здарылася перш, але яшчэ не зараз канец».
10 #
Мц. 24:7
Далей казаў ім: «Паўстане народ на народ і царства на царства,
11 #
Мк. 13:8; Адкр. 6:12 і будуць вялікія землятрусы, і месцамі голад і пошасці, і будуць страхі, ды знакі вялікія з неба.
12 #
Мц. 10:16; Ян. 15:20; Дзеі 4:3; 1Пёт. 4:12; Адкр. 2:10 Але перад тым усім ускладуць на вас рукі свае, будуць пераследаваць і выдаваць у сінагогі і ў вязніцы, і будуць вас цягаць да цароў і намеснікаў за імя Маё;
13 #
Плп. 1:12; 2Тэс. 1:5; Адкр. 20:4 а станецца гэта вам дзеля сведчання.
14 #
Мц. 10:19; Мк. 13:11 Пакладзіце тады ў сэрцах вашых загадзя не думаць, як вам адказваць;
15бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.
16 #
Мк. 13:12; Дзеі 7:59 А выдаваць вас будуць і бацькі, і браты, і сваякі, і сябры, і аддадуць на смерць некаторых з вас,
17 #
Мц. 10:22; Ян. 7:7 і будуць вас усе ненавідзець за імя Маё.
18 #
Мц. 10:29; Дзеі 27:34 Але нават волас з галавы вашай не прападзе.
19 #
Мц. 10:22; Геб. 10:36 Праз цярплівасць вашу завалодаеце душамі вашымі.
20А калі ўбачыце, што Ерузалім войскам акружаны, тады ведайце, што наблізілася спусташэнне яго.
21 #
Пс. 40:10
Тады тыя, што ў Юдэі, хай уцякаюць у горы, і якія ў самім горадзе, няхай выходзяць, а тыя, што ў ваколіцах, хай не ўваходзяць у яго.
22 #
Ос. 9:7
Бо гэта дні помсты, каб збылося ўсё, што напісана.
23 #
Мц. 24:19
Гора ж цяжарным і тым, хто корміць грудзьмі у тыя дні! Бо будзе прыгнёт вялікі на зямлі і гнеў на гэты народ,
24і будуць падаць ад вострага меча, і пагоняць іх, схапіўшы, у няволю да ўсіх народаў, і Ерузалім будзе таптаны паганамі, аж пакуль не споўняцца часы паганаў.
25 #
Іс. 13:10; Эзэк. 32:7; Ёэль 2:31; 2Пёт. 3:10; Адкр. 6:12 І будуць знакі на сонцы, і на месяцы, і на зорках, ды на зямлі нядоля народаў з-за тлуму, ды пошум мора і навальніц.
26Людзі будуць пруцянець ад страху і чакання таго, што настане ва ўсім свеце, бо сілы нябесныя пахіснуцца.
27 #
Дан. 7:13; Мц. 16:27; Дзеі 1:9; Адкр. 1:7 І тады ўбачаць Сына Чалавечага, Які прыйдзе на аблоках з магутнасцю і славаю вялікай.
28 #
Як. 5:8; Рым. 8:19; 2Тэс. 1:7 А калі гэта дзеяцца пачне, разгінайцеся і падымайце галовы вашы, бо набліжаецца адкупленне ваша».
29І сказаў ім для параўнання: «Паглядзіце на дрэва фігавае ды на ўсе дрэвы.
30Калі яны ўжо пускаюць лісты, то, бачачы гэта, вы і самі ведаеце, што ўжо блізка лета.
31 #
Як. 5:8; Геб. 10:37 Так і вы, як убачыце, што ўсё гэта дзеецца, ведайце, што ўжо блізка Валадарства Божае.
32Сапраўды кажу вам: не праміне пакаленне гэтае, як усё гэта споўніцца.
33 #
1Пёт. 1:23; 2Пёт. 3:7; Геб. 1:10 Неба і зямля прамінуць, але словы Мае не прамінуць.
34 #
1Пёт. 4:7; Рым. 13:13 Сцеражыцеся, каб не абцяжарылі сэрцы вашы абжорствам і п’янствам ды клопатамі гэтага жыцця, і каб дзень той не прыйшоў да вас знянацку;
35 #
2Пёт. 3:10; 1Тэс. 5:2; Адкр. 3:3 бо ён як сетка спадзе на ўсіх, што сядзяць на абліччы ўсёй зямлі.
36 #
Мц. 25:13; Клс. 4:2; 1Тэс. 5:6; Адкр. 7:3 Дык чувайце, молячыся ўвесь час, каб змаглі пазбегнуць ўсяго гэтага, што мае прыйсці, ды стаць перад Сынам Чалавечым».
37І навучаў днямі ў святыні, а нанач, выходзячы, спыняўся на гары, якую называюць Аліўнай.
38І ўвесь народ ад раніцы збіраўся да Яго ў святыню слухаць Яго.
දැනට තෝරාගෙන ඇත:
Евангелле паводле Лукі Раздзел 21: ББЧ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© МХРБ «Біблейскае таварыства ў Рэспубліцы Беларусь», 2017