ꓟ˗ꓗꓴ ꓟꓮꓴ ꓢꓮꓴ 9
9
ꓬꓰ˗ꓢꓴ ꓖꓶ ꓲ ꓒꓬꓳ ꓲ ꓢꓟ ꓕꓮꓲ ꓡꓳ ꓰ
1ꓠꓴꓥ ꓟꓳ ꓡꓰ ꓥꓳ ꓔꓰꓥ ꓔꓰꓥ ꓔꓮꓲ ꓗꓬꓳ ꓗꓳ ꓡꓰ꓾ ꓫꓲ ꓟ ꓬꓑ ꓔꓳ ꓰ ꓐꓥ ꓣ ꓪꓟ꓾ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓖꓶ꓾ ꓪꓴꓟ ꓳ ꓰ ꓙꓰ ꓡꓰ ꓣ ꓡꓰ ꓮ ꓟꓬꓥ ꓟꓬꓥ ꓖꓶ꓾ ꓫꓲ ꓰ ꓮ ꓧꓪꓲ ꓗꓳ ꓣ꓾ ꓖ ꓰ꓿ 2ꓮ ꓘꓪꓲ ꓧꓮꓴ ꓕꓥ ꓘꓬꓴ ꓠꓲ ꓡꓮꓲ ꓙꓥ꓾ ꓬꓰ˗ꓢꓴ ꓖꓶ ꓑꓰ˗ꓔꓣꓴ꓾ ꓬ˗ꓗꓴ꓾ ꓬꓳ˗ꓧꓠ ꓑꓰ ꓡꓰ ꓪꓴꓔ ꓬꓴ ꓡꓪꓲ꓾ ꓟꓬꓥꓺ ꓰ ꓐꓴꓟ ꓫꓴꓔ ꓬꓥ ꓟꓳ ꓡꓰ ꓜ ꓫꓪꓲ ꓓꓳ ꓡꓳ ꓰ꓾ ꓧꓮꓴ ꓘꓴꓠ ꓬꓥ ꓟꓳ ꓰ ꓧꓶ ꓟ ꓬꓥ ꓰ ꓲ ꓒꓬꓳ ꓲ ꓢꓟ ꓕꓮꓲ ꓡꓳ ꓡꓰ ꓰ꓿ 3ꓬꓥ ꓰ ꓟꓰ ꓐꓴ ꓖꓶ ꓗʼꓐꓣꓲꓟ ꓗʼꓐꓣꓟ ꓓꓴꓔ ꓡꓳ ꓡꓪꓲ꓾ ꓖꓬꓮꓲ ꓓꓴ ꓐꓳ ꓡꓳ ꓰ꓾ ꓟꓲ ꓓꓟ ꓕꓳ ꓟ ꓛꓶꓽ ꓞꓮꓴꓽ ꓢꓴ ꓳ ꓥꓴꓔ ꓗꓳ ꓡꓥ꓾ ꓧꓮꓴ ꓟꓬꓳ ꓪ ꓒꓬꓴ ꓫꓳ ꓪꓳ ꓡꓳ ꓚꓳꓲ ꓰ ꓮ ꓥꓴꓔ꓿ 4ꓟꓳ˗ꓫꓲ ꓰ ꓰ˗ꓡꓲ˗ꓮ ꓡꓰ ꓬꓥ ꓟꓳ ꓚꓥ ꓕꓳ ꓫꓲꓔ ꓰ꓾ ꓬꓥ ꓠꓲꓗ ꓖꓶ ꓬꓰ˗ꓢꓴ ꓰ ꓓꓥ ꓠꓬꓳ ꓡꓴꓟ ꓗꓳ ꓰ꓿ 5ꓧꓮꓴ ꓘꓴꓠ ꓑꓰ˗ꓔꓣꓴ ꓬꓰ˗ꓢꓴ ꓡꓰ꓾ ꓣ˗ꓐꓮꓲ ꓰ꓾ ꓫꓲ ꓖꓬꓳ ꓟ ꓠꓲ ꓣ ꓲ ꓠꓴꓥ ꓟ ꓔꓴ ꓖꓰ ꓔꓳ ꓣ꓾ ꓫꓲ ꓖꓬꓳ ꓟ ꓜꓴꓟ ꓢꓴꓟ ꓡꓴꓟ꓾ ꓠꓥ ꓰ ꓟ ꓔꓴ ꓣ ꓡꓴꓟ꓾ ꓟꓳ˗ꓫꓲ ꓰ ꓟ ꓔꓴ ꓣ ꓡꓴꓟ꓾ ꓰ˗ꓡꓲ˗ꓮ ꓰ ꓟ ꓔꓴ ꓣ ꓡꓴꓟ꓾ ꓲ ꓠꓴꓥ ꓢꓮꓲ ꓫꓥ꓾ ꓖ ꓡꓪꓲ꓾ ꓔꓮꓲ ꓰ꓿ 6ꓬꓥ ꓟꓳ ꓖꓬꓴ ꓠꓠ ꓠꓲ ꓰ ꓬꓠ ꓟꓮꓲ ꓬꓥ ꓧꓮꓲ ꓔꓮꓲ ꓔꓴ ꓣ ꓡꓰ ꓮ ꓢꓰ ꓡꓳ꓿ 7ꓧꓮꓴ ꓘꓴꓠ ꓟꓴꓔ ꓟꓮꓴ ꓙꓰ ꓖꓬꓳ ꓡꓳ ꓡꓪꓲ꓾ ꓬꓥ ꓟꓳ ꓡꓰ ꓥꓳꓑ ꓑꓬꓟ ꓟꓴ꓾ ꓧꓮꓴ ꓟꓴꓔ ꓟꓮꓴ ꓟꓮꓲ ꓕꓰ ꓕꓳ ꓡꓳ ꓡꓪꓲ꓾ ꓔꓮꓲ ꓰ ꓖꓶ꓾ ꓫꓲ ꓬꓴ ꓖꓶ ꓥꓳ ꓚꓲꓔ ꓓꓑ ꓰ ꓥ ꓜꓳ ꓥꓴꓔ ꓔꓳ ꓡꓰ꓾ ꓬꓥ ꓓꓥ ꓖꓬꓳ ꓗꓰ꓾ ꓖ ꓰ꓿ 8ꓮ ꓘꓪꓲ ꓧꓠ ꓜ ꓡꓲꓗ ꓪꓴ ꓙꓥ꓾ ꓬꓰ˗ꓢꓴ ꓰ ꓬꓥ ꓟꓳ ꓟꓮꓲ ꓖꓳ ꓔꓴ ꓳ ꓡꓰ ꓡꓰ ꓮ ꓟꓬꓥ ꓡꓳ꓿
ꓬꓰ˗ꓢꓴ ꓓꓴꓟ ꓔꓳ ꓣ ꓘꓬꓳ ꓓꓴꓟ ꓔꓮꓲ ꓐꓲ ꓰ
9ꓮ ꓘꓪꓲ ꓧꓮꓴ ꓐꓴꓟ ꓟꓮꓲ ꓖꓬꓳ ꓡꓳ ꓡꓰ꓾ ꓧꓮꓴ˗ꓐꓬꓴ˗ꓬꓥ˗ꓜꓳ ꓖꓶ꓾ ꓫꓲ ꓐꓥ ꓚꓥ ꓟꓮꓲ ꓮ ꓔꓳ ꓔꓳ ꓖꓶ꓾ ꓬꓥ ꓟꓳ ꓟꓬꓥ ꓰ ꓡꓰ ꓳ ꓡꓰ ꓡꓰ ꓮ ꓘꓮꓲ ꓗꓬꓳ ꓫꓥ ꓖ꓾ ꓬꓥ ꓬꓥ ꓟꓳ ꓡꓰ ꓔꓮꓲ ꓔꓳ ꓐꓰ꓿ 10ꓬꓥ ꓟꓳ ꓚꓮꓴ ꓖꓶ ꓧꓮꓴ ꓓꓥ ꓡꓰ ꓟ ꓝꓶꓥ ꓬꓴ ꓡꓪꓲ꓾ ꓫꓲ ꓰ ꓐꓥ ꓚꓥ ꓟꓮꓲ ꓓꓴꓟ ꓔꓳ ꓣ ꓖ ꓰ ꓖꓶ꓾ ꓧꓮꓲ ꓖ ꓰ ꓥꓴꓔ ꓡꓰ ꓡꓲ꓾ ꓖ ꓡꓪꓲ꓾ ꓫꓶʼꓓ ꓓ ꓟꓲ ꓡꓴꓟ ꓗꓳ ꓰ꓿ 11ꓧꓮꓴ ꓘꓴꓠ ꓬꓥ ꓟꓳ ꓖꓶ꓾ ꓰ˗ꓡꓲ˗ꓮ ꓧꓶ ꓙꓰ ꓡꓰ ꓐ ꓣ꓾ ꓖ ꓡꓪꓲ꓾ ꓟꓮꓴ ꓢꓮꓴ ꓗ ꓰ ꓢ ꓣ ꓑꓰ ꓧꓮꓲ ꓟꓴ ꓡꓪꓲ ꓔꓮꓲ ꓠꓲ ꓮ ꓗꓳ ꓕ꓾ ꓖ ꓡꓪꓲ꓾ ꓬꓥ ꓡꓰ ꓟꓲ ꓗꓳ ꓰ꓿ 12ꓬꓥ ꓖꓶ꓾ ꓖꓰ ꓖꓰ ꓪ ꓰ˗ꓡꓲ˗ꓮ ꓧꓶ ꓙꓰ ꓡꓰ ꓥꓴꓔ ꓟꓴ꓾ ꓡꓴꓥ ꓡꓥ ꓡꓰ ꓢꓮꓲ ꓬꓮꓴ ꓐꓰ꓿ ꓧꓮꓴ ꓕꓳ ꓮ ꓖꓳ ꓧꓮꓴ˗ꓐꓬꓴ˗ꓬꓥ˗ꓜꓳ ꓡꓰ ꓮ ꓫꓳ ꓮ ꓪꓲ ꓟꓬꓳ ꓟꓬꓳ ꓪ ꓘꓟ ꓬꓴ ꓡꓪꓲ꓾ ꓮ ꓖꓶꓥ ꓰ ꓧꓪꓲ ꓣ꓾ ꓖ ꓡꓪꓲ꓾ ꓧꓮꓲ ꓟꓴ ꓗ ꓔꓳ ꓗꓳ ꓰ ꓡ꓿ 13ꓠꓴꓥ ꓟꓳ ꓡꓰ ꓥꓳ ꓔꓮꓲ ꓗꓬꓳ ꓡꓰ꓾ ꓰ˗ꓡꓲ˗ꓮ ꓖꓶ ꓙꓰ ꓡꓰ ꓐꓰ ꓟꓴ ꓡꓪꓲ꓾ ꓬꓥ ꓰ ꓘꓬꓳ ꓗ ꓔꓳ ꓰ ꓣ ꓙꓴꓥ ꓜ꓾ ꓬꓥ ꓟꓳ ꓖꓶ ꓬꓴꓟ ꓢꓶꓥ ꓰ ꓲ ꓟꓲꓔ ꓠꓮꓴ ꓰ ꓓꓳꓥ꓾ ꓬꓥ ꓡꓰ ꓗꓴꓔ ꓑꓬꓟ ꓐ ꓗꓳ ꓖ ꓰ꓿
ꓮ ꓓꓔ ꓠꓬꓳ ꓡꓪꓲ ꓠꓳ ꓙꓲꓔ ꓰ ꓠꓔ ꓡꓰ ꓘꓔ ꓑꓬꓟ ꓐꓲ ꓰ
14ꓬꓥ ꓟꓳ ꓖꓶ ꓡ ꓖꓬꓳ ꓪꓲ ꓚꓥ ꓓꓴꓟ ꓙꓰ ꓡꓳ ꓡꓰ꓾ ꓬꓥ ꓟꓳ ꓰ ꓮ ꓪꓲ ꓮ ꓬꓟ ꓟ ꓐꓬꓴ ꓙꓴꓟ ꓟꓳ ꓠꓲ ꓠꓲ ꓟꓴ ꓡꓪꓲ꓾ ꓟꓮꓴ ꓢꓮꓴ ꓗ ꓰ ꓢ ꓣ ꓑꓰ ꓬꓥ ꓟꓳ ꓰ ꓧꓶ ꓡꓴꓟ ꓠꓲ ꓰ ꓡꓰ ꓡꓳ ꓟꓬꓥ ꓗꓳ ꓰ꓿ 15ꓫꓶʼꓪ ꓐꓬꓴ ꓑꓰ ꓬꓥ ꓡꓰ ꓟꓬꓥ ꓙꓥ꓾ ꓟꓮꓴ ꓧ ꓐꓬꓴ ꓐꓴꓟ ꓡꓪꓲ꓾ ꓬꓥ ꓚꓥ ꓓꓲꓠ ꓰ ꓡꓪꓲ꓾ ꓪꓥ ꓜꓠ ꓓꓥ ꓟꓲ ꓗꓳ ꓰ꓿ 16ꓧꓮꓴ ꓘꓴꓠ ꓬꓥ ꓖꓶ꓾ ꓠꓴꓥ ꓟꓳ ꓧꓮꓲ ꓘꓬꓳ ꓬꓥ ꓟꓳ ꓰ ꓟꓲ ꓡꓴꓟ ꓗꓳ ꓰ ꓡꓴ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓟꓲ ꓙꓥ꓾ 17ꓫꓶʼꓪ ꓐꓬꓴ ꓑꓰ ꓚꓥ ꓟ ꓣ ꓬꓴ ꓖꓶ ꓔꓴ ꓡꓪꓲ꓾ ꓢ ꓣ ꓰ꓾ ꓥ ꓜꓳ ꓠꓥ ꓚꓥ ꓫꓴꓔ ꓫꓪꓲ ꓡꓰ ꓮ ꓐꓰ꓾ ꓮ ꓓꓔ ꓠꓬꓳ ꓰ ꓠꓔ ꓓꓑ ꓣ꓿ 18ꓘ ꓟ ꓡꓰ ꓬꓥ ꓡꓰ ꓚꓴꓑ ꓠ ꓙꓥ꓾ ꓧꓮꓴ ꓠꓔ ꓖꓶ ꓬꓥ ꓡꓰ ꓓꓴꓠ ꓑꓬꓰ ꓑꓬꓟ ꓡꓪꓲ꓾ ꓝꓴ ꓟꓬꓴꓑ ꓰ ꓜꓪꓲ ꓗꓲꓗ ꓗꓲꓗ ꓡꓪꓲ꓾ ꓖꓴꓥ ꓓꓴ ꓡꓰ ꓮ ꓠꓬꓪꓲ ꓮ ꓠꓬꓑ ꓓꓴꓔ ꓐꓬꓴ ꓰ꓾ ꓧꓮꓴ ꓡꓰ ꓘꓔ ꓑꓬꓟ ꓐꓲ ꓫꓥ ꓖ꓾ ꓠꓥ ꓰ ꓡ ꓖꓬꓳ ꓑꓰ ꓡꓰ ꓥꓳ ꓔꓮꓲ ꓗꓬꓳ ꓗꓳ ꓡꓥ꓾ ꓬꓥ ꓟꓳ ꓮ ꓪꓳ ꓗꓴꓔ ꓗꓳ꓾ ꓖ ꓔꓮꓲ ꓰ꓿ 19ꓧꓮꓴ ꓟꓴ ꓡꓪꓲ꓾ ꓬꓰ˗ꓢꓴ ꓖꓶ꓾ ꓡꓴꓟ ꓰ ꓲ ꓟꓲꓔ ꓮ ꓐꓳ ꓰ ꓲ ꓑꓬꓔ ꓰ꓾ ꓘ ꓠꓟ ꓙꓰ ꓫꓳ ꓥꓳ ꓠꓴꓥ ꓟꓳ ꓰ ꓣ ꓧ ꓠꓲ ꓠꓲ ꓣ ꓡꓴ꓾ ꓘ ꓟꓬꓥ ꓙꓰ ꓫꓳ ꓥꓳ ꓪꓳ ꓫꓶʼꓣꓥ ꓠꓲ ꓣ ꓡꓴ꓾ ꓬꓥ ꓡꓰ ꓥ ꓚꓥ ꓫꓴꓔ ꓫꓪꓲ ꓡꓳ ꓗꓰ꓾ ꓖ ꓡꓪꓲ꓾ ꓔꓴ ꓰ꓿ 20ꓧꓮꓴ ꓘꓴꓠ ꓬꓥ ꓟꓳ ꓖꓶ ꓧꓮꓴ ꓙꓳ ꓫꓥ ꓡꓰ ꓫꓪꓲ ꓰ ꓗꓳ ꓰ꓿ ꓬꓥ ꓡꓰ ꓟꓬꓥ ꓧꓪꓲ ꓙꓥ ꓧꓮꓴ ꓠꓔ ꓖꓶ ꓧꓮꓴ ꓬꓴ ꓡꓰ ꓠꓠ ꓠꓥ ꓡꓪꓲ꓾ ꓬꓥ ꓟꓲ ꓖꓴꓥ ꓫꓴꓔ ꓡꓰꓥ ꓡꓳ ꓡꓰ ꓰ꓾ ꓝꓴ ꓟꓬꓴꓑ ꓕꓳ ꓴ ꓚꓥ꓾ ꓖꓳꓥ ꓡꓰꓥ ꓡꓰꓥ ꓠꓲ ꓰ꓿ 21ꓧꓮꓴ ꓟꓴ ꓡꓪꓲ꓾ ꓬꓰ˗ꓢꓴ ꓖꓶ ꓧꓮꓴ ꓢꓴ ꓓꓴꓔ ꓰ ꓘ ꓟꓬꓥ ꓥꓴꓔ ꓐꓰ ꓕ꓾ ꓖ꓾ ꓬꓥ ꓪ ꓡꓰ ꓟꓲ ꓙꓥ꓾ ꓬꓥ ꓖꓶ꓾ ꓔꓲ ꓮ ꓫꓲ ꓘꓴꓠ ꓟꓮꓲ ꓥꓴꓔ ꓐꓰ꓾ ꓖ ꓰ꓿ 22ꓬꓥ ꓡꓰ ꓪꓳ ꓡꓳ ꓕꓰꓠ ꓫꓳ ꓖ ꓡꓪꓲ꓾ ꓟꓲ ꓟ ꓥꓴꓔ ꓗꓳ ꓡꓥ꓾ ꓲ ꓚꓟ ꓟ ꓥꓴꓔ ꓗꓳ ꓡꓥ꓾ ꓟꓬꓳ ꓟꓬꓳ ꓡꓲꓥ ꓬꓥ ꓡꓰ ꓓꓴ ꓗꓔ ꓗꓔ ꓗꓴꓔ ꓰ꓾ ꓥꓴꓔ ꓗꓳ ꓡꓥ ꓠꓥ ꓪꓳ ꓗꓴꓔ ꓡꓰ ꓖꓶ꓾ ꓥ ꓠꓲꓗ ꓡꓰ ꓫꓳ ꓖꓬꓳ ꓡꓪꓲ꓾ ꓗʼꓣꓴꓟ ꓐꓲ ꓡ꓾ ꓖ ꓰ꓿ 23ꓬꓰ˗ꓢꓴ ꓖꓶ꓾ ꓠꓥ ꓖꓰ ꓖꓰ ꓙꓲꓥ ꓡꓰ ꓖꓶ꓾ ꓡꓴꓟ ꓰ ꓲ ꓟꓲꓔ ꓐꓳ ꓢꓴ ꓖꓶ꓾ ꓧꓮꓲ ꓡꓰ ꓪꓳ ꓗꓴꓔ ꓣ ꓥꓴꓔ ꓡꓰ꓾ ꓖ꓾ ꓬꓥ ꓡꓰ ꓔꓮꓲ ꓰ꓿ 24ꓧꓮꓴ ꓘꓴꓠ ꓙꓥ ꓧꓮꓴ ꓙꓳ ꓫꓥ ꓬꓥ ꓪ ꓖꓶ꓾ ꓥꓳ ꓡꓴꓟ ꓔꓳ ꓡꓰ꓾ ꓥ ꓡꓴꓟ ꓰ ꓮ ꓡꓴ ꓰ ꓖꓶ ꓗʼꓣꓴꓟ ꓐꓲ ꓫꓲ ꓡ꓾ ꓖ ꓡꓪꓲ꓾ ꓑꓴꓗ ꓔꓮꓲ ꓰ꓿ 25ꓧꓮꓴ ꓫꓶʼꓪ ꓐꓬꓴ ꓑꓰ ꓓꓲꓠ ꓜꓴꓑ ꓟꓶꓥ ꓐꓴꓟ ꓡꓳ ꓰ ꓡꓰ꓾ ꓬꓰ˗ꓢꓴ ꓟꓬꓥ ꓙꓥ꓾ ꓧꓮꓴ ꓮ ꓚꓳꓲ ꓮ ꓬꓴꓥ ꓰ ꓠꓔ ꓡꓰ꓾ ꓮ ꓓꓔ ꓠꓬꓳ ꓡꓪꓲ꓾ ꓠꓳ ꓙꓲꓔ ꓰ ꓠꓔ ꓰ꓾ ꓥꓳ ꓠꓥ ꓡꓰ ꓑꓲꓥ ꓔꓳ ꓡꓰ ꓐ꓾ ꓬꓥ ꓚꓥ ꓟꓮꓲ ꓕꓳ ꓐꓬꓴ ꓡꓳ ꓮ꓾ ꓕꓥ ꓒꓬꓥ ꓘ ꓠꓟ ꓡꓰ ꓘ ꓓꓴꓟ ꓪꓥ ꓡꓳ꓾ ꓖ ꓡꓪꓲ꓾ ꓔꓠ ꓑꓬꓟ ꓰ꓿ 26ꓧꓮꓴ ꓘꓴꓠ ꓠꓔ ꓖꓶ ꓑꓴꓗ ꓪꓴꓔ ꓡꓳ ꓡꓰ ꓰ꓾ ꓬꓥ ꓡꓰ ꓠꓠ ꓠꓥ ꓗꓔ ꓡꓪꓲ꓾ ꓬꓥ ꓕꓳ ꓐꓬꓴ ꓡꓳ ꓰ꓿ ꓧꓮꓴ ꓙꓳ ꓫꓥ ꓡꓰ ꓫꓲ ꓰ ꓢꓴ ꓓꓴꓔ ꓐꓬꓴ ꓡꓰ ꓰ꓾ ꓐꓬꓴ ꓟꓬꓳ ꓟꓬꓳ ꓪ꓾ ꓬꓥ ꓫꓲ ꓐꓬꓴ ꓐꓰ꓾ ꓖ ꓐꓴꓟ ꓗꓳ ꓰ꓿ 27ꓬꓰ˗ꓢꓴ ꓚꓮꓴ ꓖꓶ꓾ ꓬꓥ ꓰ ꓡꓳ ꓡꓰ ꓡꓥ ꓔꓳ ꓡꓪꓲ꓾ ꓬꓥ ꓔꓳ ꓡꓳ ꓐꓰ꓿ 28ꓬꓴꓟ ꓘꓮꓴ ꓫꓴꓔ ꓪꓥ ꓡꓳ ꓡꓰ꓾ ꓡ ꓖꓬꓳ ꓑꓰ ꓖꓶ꓾ ꓥ ꓟꓳ ꓧꓮꓴ ꓠꓔ ꓡꓰ ꓧꓮꓲ ꓬꓠ ꓟꓮꓲ ꓮ ꓪꓳ ꓘꓔ ꓑꓬꓟ ꓰ ꓡ꓾ ꓖ ꓡꓪꓲ꓾ ꓧ ꓟꓲ ꓪꓴ ꓗꓳ ꓰ꓿ 29ꓬꓥ ꓖꓶ꓾ ꓫꓲ ꓙꓴꓥ ꓠꓔ ꓖꓶ꓾ ꓮ ꓗꓬꓴ ꓓꓴꓥ ꓡꓪꓲ ꓜ ꓮ ꓥꓴꓔ ꓡꓰ꓾ ꓮ ꓪꓳ ꓡꓳ ꓕꓳ ꓣ ꓥꓴꓔ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿
ꓬꓰ˗ꓢꓴ ꓫꓲ ꓰ ꓟꓮꓲ ꓓꓴꓟ ꓔꓳ ꓡꓳ ꓠꓬꓳ ꓟꓳ ꓐꓲ ꓰ
30ꓧꓮꓴ ꓟꓮꓲ ꓓꓴꓟ ꓕꓳ ꓡꓳ ꓗꓳ ꓡꓰ꓾ ꓬꓥ ꓟꓳ ꓖꓶ ꓖ˗ꓡꓲ˗ꓡꓰ ꓟꓶꓥ ꓫꓴꓔ ꓘꓳꓸ ꓰ ꓡꓳ ꓟꓴ ꓡꓪꓲ꓾ ꓧꓮꓴ ꓘꓬꓳ ꓡꓰ ꓬꓥ ꓳ ꓡꓰ ꓮ ꓢꓰ ꓠꓥ ꓠꓮꓴ꓿ 31ꓘ ꓢꓴ ꓟꓴ ꓖ ꓡꓰ ꓧꓮꓴ˗ꓐꓬꓴ˗ꓬꓥ˗ꓜꓳ ꓖꓶ ꓐꓬꓴ ꓑꓰ ꓡꓳꓼ ꓟ ꓮꓑ ꓑꓬꓟ ꓰ ꓧꓪꓲ ꓡꓪꓲ꓾ ꓬꓥ ꓟꓳ ꓬꓥ ꓡꓰ ꓢꓔ ꓑꓬꓟ ꓟꓴ ꓣ꓾ ꓢꓔ ꓑꓬꓟ ꓧꓪꓲ ꓬꓮꓴ ꓙꓥ ꓢꓴꓟ ꓠꓲ ꓕꓥ ꓡꓰ꓾ ꓬꓥ ꓓꓴꓟ ꓓꓪꓲ ꓔꓳ ꓡꓳ ꓣ꓾ ꓖ ꓡꓪꓲ꓾ ꓬꓥ ꓰ ꓡ ꓖꓬꓳ ꓪꓲ ꓡꓰ ꓠꓬꓳ ꓟꓳ ꓗꓬꓳ ꓰ꓿ 32ꓬꓥ ꓟꓳ ꓡꓴꓟ ꓧꓮꓴ ꓓꓥ ꓡꓰ ꓮ ꓓꓔ ꓖꓬꓳ ꓗꓳ ꓡꓥ꓾ ꓬꓥ ꓡꓰ ꓮ ꓪꓟ ꓟꓲ ꓗꓳ꓿
ꓬꓰ˗ꓢꓴ ꓡ ꓖꓬꓳ ꓑꓰ ꓬꓥ ꓟꓳ ꓬꓥ ꓛꓥ ꓳ ꓬꓴ ꓙꓰ ꓗꓳ ꓡꓰ ꓡꓴ꓾ ꓖ ꓡꓪꓲ꓾ ꓔꓮꓲ ꓡꓴꓟ ꓗꓳ ꓰ
33ꓧꓮꓴ ꓕꓥ ꓬꓥ ꓟꓳ ꓖꓶ꓾ ꓗ˗ꓑꓰ˗ꓣ˗ꓠꓴꓟ ꓫꓴꓔ ꓰ ꓙꓰ ꓗꓳ ꓰ꓾ ꓬꓴꓟ ꓘꓮꓴ ꓟ ꓡꓴꓥ ꓔꓳ ꓡꓰ꓾ ꓬꓥ ꓬꓥ ꓟꓳ ꓡꓰ ꓟꓲ ꓰ ꓖꓶ꓾ ꓠꓴꓥ ꓟꓳ ꓘꓬꓳ ꓘ ꓧꓮꓲ ꓔꓮꓲ ꓡꓴꓟ ꓗꓳ ꓰ ꓡꓴ꓾ ꓖ ꓰ꓿ 34ꓬꓥ ꓟꓳ ꓬꓴ ꓙꓲꓔ ꓡꓰ ꓮ ꓖ ꓗꓳ꓾ ꓘ ꓢꓴ ꓟꓴ ꓖ ꓡꓰ꓾ ꓳ ꓬꓴ ꓙꓰ ꓗꓳ ꓡꓰ ꓡꓴ꓾ ꓖ ꓡꓪꓲ꓾ ꓬꓥ ꓟꓳ ꓬꓥ ꓛꓥ ꓔꓮꓲ ꓡꓴꓟ ꓐꓴꓟ ꓗꓳ ꓰ꓿ 35ꓧꓮꓴ ꓘꓴꓠ ꓬꓥ ꓜꓴꓥ ꓡꓪꓲ꓾ ꓡ ꓖꓬꓳ ꓣ ꓞꓰ ꓲ ꓬꓴ ꓑꓰ ꓡꓰ ꓪꓴꓔ ꓬꓴ ꓡꓪꓲ꓾ ꓬꓥ ꓟꓳ ꓡꓰ꓾ ꓙꓰ ꓗꓳ ꓠꓮꓴ ꓢꓴ ꓳ ꓥꓴꓔ ꓗꓳ ꓡꓥ꓾ ꓡꓴꓥ ꓡꓥ ꓐꓥ ꓕꓥ ꓟ ꓢꓴ ꓰ ꓡꓴꓥ ꓡꓥ ꓐꓥ ꓰ ꓓꓪꓲ ꓠꓥ ꓙꓳ ꓫꓥ ꓓꓴꓔ ꓫꓥ ꓖ꓾ ꓖ ꓡꓪꓲ꓾ ꓔꓮꓲ ꓰ꓿ 36ꓙꓳ ꓫꓥ ꓣ ꓬꓴ ꓡꓰ ꓪꓴꓔ ꓬꓴ ꓡꓪꓲ꓾ ꓬꓥ ꓟꓳ ꓰ ꓮ ꓖꓴꓥ ꓟ ꓬꓑ ꓔꓳ ꓠꓥ ꓡꓪꓲ꓾ ꓬꓥ ꓡꓰ ꓐꓴꓠ ꓬꓴ ꓴ ꓚꓥ꓾ ꓬꓥ ꓟꓳ ꓡꓰ ꓔꓮꓲ ꓰ ꓖꓶ꓾ 37ꓙꓳ ꓫꓥ ꓪꓲ ꓚꓥ ꓟ ꓫꓲ ꓢꓴ ꓰ ꓙꓳ ꓫꓥ ꓣ ꓬꓴ ꓡꓰ ꓥ ꓟꓲꓥ ꓬꓠ ꓟꓮꓲ ꓡꓳꓟ ꓬꓴ ꓢꓴ ꓳ ꓥꓴꓔ ꓗꓳ ꓡꓥ꓾ ꓥꓳ ꓡꓰ ꓡꓳꓟ ꓬꓴ ꓔꓳ ꓡꓰ꓾ ꓥꓳ ꓡꓰ ꓡꓳꓟ ꓬꓴ ꓢꓴ ꓡꓰ꓾ ꓥꓳ ꓡꓰ ꓡꓳꓟ ꓬꓴ ꓰ ꓮ ꓥꓴꓔ꓾ ꓥꓳ ꓡꓰ ꓠꓥ ꓗꓔ ꓢꓴ ꓡꓰ ꓫꓰ ꓡꓳꓟ ꓬꓴ ꓰ ꓥꓴꓔ ꓔꓳ ꓡꓰ꓿
ꓲ ꓟꓲꓔ ꓠꓲꓗ ꓥꓰ ꓐꓥ ꓡꓰ ꓠꓬꓳ ꓟꓳ ꓐꓲ ꓰ
38ꓧꓮꓴ ꓘꓴꓠ ꓬꓳ˗ꓧꓠ ꓖꓶ꓾ ꓢ ꓣ ꓰ꓾ ꓠꓥ ꓰ ꓟꓲꓥ ꓰ ꓠꓔ ꓘꓔ ꓑꓬꓟ ꓰ ꓐꓬꓴ ꓣ ꓬꓴ ꓡꓰ ꓥ ꓟꓳ ꓟꓬꓥ ꓐꓰ꓾ ꓥꓴꓔ ꓗꓳ ꓡꓥ ꓬꓥ ꓲ ꓠꓴꓥ ꓚꓥ ꓮ ꓛꓥ ꓰ ꓬꓠ ꓟꓮꓲ ꓬꓥ ꓡꓰ ꓘꓴꓟ ꓑꓬꓟ ꓐꓰ꓾ ꓖ ꓡꓪꓲ꓾ ꓔꓮꓲ ꓰ꓿ 39ꓬꓰ˗ꓢꓴ ꓬꓴ꓾ ꓬꓥ ꓡꓰ ꓘ ꓘꓴꓟ ꓑꓬꓟ ꓗꓳ꓾ ꓥ ꓰ ꓟꓲꓥ ꓰ ꓟ ꓖꓟ ꓮ ꓟꓴ ꓜꓪꓲ ꓢꓴ ꓖꓶ꓾ ꓥ ꓘꓬꓳ ꓡꓰ ꓮ ꓖꓰ ꓰ ꓓꓥ ꓧꓠ ꓜ ꓪꓳ ꓔꓮꓲ ꓣ ꓳ ꓡꓰ ꓮ ꓠꓲ꓿ 40ꓲ ꓠꓴꓥ ꓡꓰ ꓖꓬꓰ ꓢꓴ ꓗꓴꓔ ꓮ ꓘꓴꓟ ꓢꓴ ꓖꓶ꓾ ꓲ ꓠꓴꓥ ꓡꓰ ꓗʼꓣꓴꓟ ꓢꓴ ꓥꓴꓔ ꓔꓳ ꓡꓰ꓿ 41ꓠꓴꓥ ꓟꓳ ꓡꓰ ꓥꓳ ꓔꓰꓥ ꓔꓰꓥ ꓔꓮꓲ ꓗꓬꓳ ꓡꓰ꓾ ꓘꓣꓲꓢ˗ꓔꓴ ꓰ ꓟꓲꓥ ꓰ ꓠꓴꓥ ꓟꓳ ꓢꓰꓥ ꓠꓲ ꓮ ꓗꓳ꓾ ꓖ ꓡꓪꓲ꓾ ꓲ ꓚꓟ ꓣ ꓘꓳ ꓐꓲ ꓢꓴ ꓳ ꓥꓴꓔ ꓗꓳ ꓡꓥ꓾ ꓬꓥ ꓰ ꓮ ꓒꓮꓴ ꓚꓴꓥ ꓧꓴ ꓖꓰ ꓖꓰ ꓪ ꓖꓳꓟ ꓣ ꓮ ꓥꓴꓔ꓿
ꓥʼꓣꓮꓲ ꓟꓶꓥ ꓫꓴꓔ ꓮ ꓪꓥ ꓣ ꓟ ꓔꓴ ꓠꓬꓳ ꓟꓳ ꓰ
42ꓣ ꓘꓬꓳ ꓖꓶ꓾ ꓥꓳ ꓡꓰ ꓡꓴꓟ ꓰ ꓙꓳ ꓫꓥ ꓑꓰ ꓚꓥ ꓟ ꓣ ꓬꓴ ꓡꓰ ꓡꓲꓥ ꓐꓔ ꓠꓥ ꓢꓴ ꓳ ꓥꓴꓔ ꓗꓳ ꓡꓥ꓾ ꓬꓥ ꓰ ꓡꓶꓥ ꓜꓶꓥ ꓟ ꓡꓪꓲ ꓟꓳ ꓔꓪꓲ ꓡꓥ ꓡꓪꓲ꓾ ꓠꓳꓥ ꓟ ꓓꓴ ꓗꓔ ꓑꓬꓟ ꓣ ꓖꓶ꓾ ꓬꓥ ꓰ ꓟ ꓔꓴ ꓙꓰ ꓖꓰ ꓔꓳ ꓡꓰ꓿ 43ꓠꓥ ꓰ ꓡꓳꓼ ꓠꓥ ꓡꓰ ꓟꓲꓔ ꓡꓲꓥ ꓐꓔ ꓠꓥ ꓡꓰ ꓖꓶ꓾ ꓧꓮꓴ ꓡꓰ ꓜꓠ ꓒꓲꓔ ꓑꓬꓟ ꓮ꓿ ꓡꓳ ꓲ ꓡꓴꓟ ꓘꓴꓟ ꓠꓲ ꓡꓰ ꓰ꓾ ꓥʼꓣꓮꓲ ꓟꓶꓥ ꓟ ꓮ ꓫꓲ ꓮ ꓫꓴꓟ ꓰ ꓟꓲ ꓘꓬꓳꓟ ꓪꓥ ꓣ ꓕꓳ ꓟ꓾ ꓡꓳꓼ ꓕꓰꓠ ꓣ꓾ ꓮ ꓢꓗ ꓓꓪꓲ ꓰ ꓫꓴꓔ ꓪꓥ ꓣ ꓖꓶ꓾ ꓙꓰ ꓖꓰ ꓔꓳ ꓡꓰ꓿ 45ꓠꓥ ꓰ ꓘꓲ ꓠꓥ ꓡꓰ ꓟꓲꓔ ꓡꓲꓥ ꓐꓔ ꓠꓥ ꓡꓰ ꓖꓶ꓾ ꓧꓮꓴ ꓡꓰ ꓜꓠ ꓒꓲꓔ ꓑꓬꓟ ꓮ꓿ ꓘꓲ ꓲ ꓘꓲ ꓘꓴꓟ ꓠꓲ ꓰ ꓰ꓾ ꓥʼꓣꓮꓲ ꓟꓶꓥ ꓫꓴꓔ ꓘꓬꓳ ꓑꓬꓟ ꓣ ꓕꓳ ꓟ꓾ ꓘꓲ ꓕꓰꓠ ꓣ꓾ ꓮ ꓢꓗ ꓓꓪꓲ ꓰ ꓫꓴꓔ ꓪꓥ ꓣ ꓖꓶ ꓙꓰ ꓖꓰ ꓔꓳ ꓡꓰ꓿ 47ꓠꓥ ꓰ ꓟꓬꓳ ꓠꓥ ꓡꓰ ꓟꓲꓔ ꓡꓲꓥ ꓐꓔ ꓠꓥ ꓡꓰ ꓖꓶ꓾ ꓧꓮꓴ ꓡꓰ ꓛꓳ ꓑꓬꓟ ꓮ꓾ ꓟꓬꓳ ꓲ ꓟꓬꓳ ꓘꓴꓟ ꓠꓲ ꓰ ꓰ꓾ ꓬꓥ ꓟꓳ ꓰ ꓟ ꓔꓴ ꓡꓴ ꓮ ꓫꓲ ꓟꓴ꓾ ꓟꓲ ꓡꓰ ꓮ ꓫꓲ ꓮ ꓫꓴꓟ ꓔꓳꓥ ꓰ꓾ 48ꓥʼꓣꓮꓲ ꓟꓶꓥ ꓫꓴꓔ ꓘꓬꓳ ꓑꓬꓟ ꓰ ꓧꓪꓲ ꓣ ꓕꓳ ꓟ꓾ ꓟꓬꓳ ꓚꓲ ꓣ ꓡꓴꓟ ꓜ ꓰ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓫꓴꓔ ꓠꓥ ꓪꓥ ꓣ ꓖꓶ꓾ ꓙꓰ ꓖꓰ ꓔꓳ ꓡꓰ꓿ 49ꓘ ꓢꓴ ꓟꓴ ꓖ ꓡꓰ꓾ ꓳ ꓥꓴꓔ ꓗꓳ ꓡꓥ꓾ ꓟꓲ ꓥꓴ ꓰ ꓲ ꓙꓴꓟ ꓰ ꓡꓳꓼ ꓥꓟ ꓬꓴ ꓰ ꓧꓪꓲ ꓣ ꓥꓴꓔ ꓡꓰ꓿ 50ꓲ ꓙꓴꓟ ꓖꓶ ꓖꓰ ꓔꓳ ꓡꓰ꓾ ꓥꓴꓔ ꓗꓳ ꓡꓥ꓾ ꓙꓴꓟ ꓮ ꓥꓟ ꓐꓬꓴ ꓡꓰ ꓖꓶ꓾ ꓧꓮꓲ ꓙꓴꓥ ꓰ ꓡꓳ ꓥꓟ ꓬꓴ ꓣ ꓡꓴ꓿ ꓠꓴꓥ ꓟꓳ ꓚꓥ ꓲ ꓙꓴꓟ ꓐꓳ ꓠꓥ ꓗꓰ꓾ ꓠꓴꓥ ꓟꓳ ꓬꓥ ꓛꓥ ꓫꓴ ꓫꓴ ꓘꓮꓴ ꓘꓮꓴ ꓓꓴꓔ ꓠꓲ ꓗꓰ꓾ ꓖ ꓔꓮꓲ ꓰ꓿
දැනට තෝරාගෙන ඇත:
ꓟ˗ꓗꓴ ꓟꓮꓴ ꓢꓮꓴ 9: ATB1938
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published in Fraser script in 1938.