Nikumoona 37
37
Nikumoon XXXVII.
1Ākaweya ke ga kissewahikwuk oomuchatissewuk: mena ākaweya ke ga esowanukāyimoohikwuk oomuche totumooskuk.
2Weya weputch kitta mā̔che āka e̔tatchik tapiskooch muskooseä: mena tapiskooch oochāpi̔kwuk ā nippoowe̔te̔kee kitta isse ayatchik.
3Mumisseetotow ka Tipāye̔chekāt, mena i̔tota meyo kākwi: aya uskee̔k, ākose ke ga ussumikowin.
4Meywāyim ka Tipāye̔chekāt: ākose ke ga meeyik ā isse nutowāye̔tumomuku̔k ke’ tā̔.
5Kunowiskoo̔tin ket itatissewin ka Tipāye̔chekāt, mena mumisseetotow: ākose kitta ooche̔chepuye̔taw.
6Kitta isse̔taw kwiusk ket itatissewin tapiskooch wastāo: mena kwiusk ket i̔totumoowin tapiskooch ā api̔ta kesikak ka isse wastāk.
7Mitchimme kāyapitch ka Tipāye̔chekāt, mena weya mumisseetotow: ākaweya ke ga mikooskatāye̔tumehik una ka na̔hepuyit kākwi ā totu̔k, una ayiseyinew ka totu̔k muche see̔kimewāwina.
8Poone̔ta kissewasewin, mena pukitina nayā̔tawe mitoonāye̔chekun: ākaweya nayā̔tawāye̔ta, ke ga we̔ totān muche kākwi.
9Muche totumoowuk kitta mā̔che numma e̔tawuk: maka unekee ka mumisseetotowatchik ka Tipāye̔chekāyit, āwukwunik kitta ayawuk uskee̔k.
10Weputch, numoweya kitta e̔tawuk oomuchatissewuk: ke ga nunatoonumwan oot e̔tawin, maka numoweya kitta e̔taw.
11Maka ooyoospisseew kitta ayaw uskee̔k: mena kitta pimatisseskak mistahā pā̔u̔tukāyimoowin.
12Oomuchatissew nutoonum kitta ooyussoowatat kwiusk ootitatissewa: mena kecheeskapitāstowāo.
13Ka Tipāye̔chekāt kitta pa̔pehāo: wapu̔tumwāo oo kesikameyew ā ooche̔chepuyeyik.
14Oomuchatissewuk ke̔ ka̔tuspekinakunāpitumwuk semakuni̔kooman, mena ke̔ waku̔pitāwuk oot a̔chapeewawa: kitta kowewāpa̔watchik ookitimakissewa, mena kitta nipa̔hatchik tu̔to kwiusk ka isse peekiskwāyit.
15Oo semakuni̔koomanewaw kā̔chewak oo’ tā̔ewa̔k kitta sapoostahookwuk: mena oot a̔chapeewawa kitta peekoonimawa.
16Upisees kākwi kwiusk ootitatissew ā ayat: owusimā itāye̔takwuneyew ispee̔ch oo ke̔che wāyootissewina oomuchatissew.
17Oo’ spitoona oomuchatissew kitta peekoonikatāyewa: maka ka Tipāye̔chekāt mitchimināo kwiusk ootitatissewa.
18Ka Tipāye̔chekāt kiskāye̔tumwāo oo kesikameyewa meywatissewa: mena oot ayanewaw kakekā kitta e̔tukwuneyew.
19Numoweya kitta wawanāye̔tumwuk ata ayimissewee̔tche: mena ata we̔ mechesoowee̔tche ākooyekoo̔k weyawaw kitta ayawuk.
20Maka weya oomuchatissewuk, kitta nissewanachehoowuk; mena ka pukwatikoot ka Tipāye̔chekāt kitta mā̔che numma e̔tayewa tapiskooch oo pimimewaw mayutchi̔koosisuk: tapwā, tapiskooch pustāo, kitta numma e̔tawuk.
21Oomuchatissew owehasoo, ākose numma tipa̔hum: maka kwiusk ootitatissew kissāwatisseew, mena oo̔cheestumakāo.
22Tu̔to ka sowāyimikootchik Munetoowa kitta ayawuk uske: maka unekee ka muchukimikootchik Munetoowa kitta numma e̔tawuk.
23Ka Tipāye̔chekāt ooyuke̔tumowāo kā e̔teyit ā meywatisseyit ayiseyinewa: mena isse̔tawāo oot itatissewineyew ā isse meywāye̔tumwat.
24Ata pu̔kisse̔ke, numoweya kitta wāpinaw: weya ka Tipāye̔chekāt ā mitchiminat oo’chee̔chee̔k.
25Ne ke̔ owasisewin, peyis ne kissāyinewin: maka nummoweya we̔kach n’o̔che wapumaw kwiusk ootitatissew kitta wāpinee̔t, a̔po oot owasimisa kitta pukoose̔twayit kā mecheyit.
26Kwiusk ootitatissew kakekā kissāwatisseew, mena mosuk owehewāo: mena oot owasimisa sowāye̔takooseyewa.
27Oosimoosta muche kākwi, ākose tota unima ā meywasik: mena itta aya kakekā.
28Weya ka Tipāye̔chekāt sake̔taw kākwi ā meywasik: numoweya wāpināo ka meywatisseyit, maka kakekā kunowāye̔takoosewuk.
29Weya oot owasimisewawa muchatissewuk: kitta mā̔che numma e̔tayewa.
30Kwiusk ootitatissewuk kitta ayawuk uske: mena itta kitta ayawuk kakekā.
31Oo’ tooni̔k o̔che ayimootum kukā̔tawāye̔tumoowin kwiusk ootitatissew: mena oo’ tāyune o̔che ayimootum ooyussoowāwin.
32Oo’yussoowāwineyew oo Munetooma ustāyew oo’ tā̔i̔k: ākose numoweya kitta sooskoopuyew.
33Oomuchatissew wapumāo kwiusk ootitatissewa: ākose nutoonum kitta ke̔ nippahat.
34Ka Tipāye̔chekāt numoweya kitta pukitinimāo oo chee̔cheeyee̔k: mena numoweya kitta utamāyimāo ā ooyussoowatee̔t.
35Uspāyimototow ka Tipāye̔chekāt, mena mitchiminum oot isse̔twawin, ākose ke ga kistukimik, kitta ayayun uske: ispe oomuchatissewuk nissewunachehootwawe, ke ga wapu̔tān.
36Neya kā̔chewak ne ke̔ wapumaw oomuchatissew soo̔katissewin ā ayat: mena ā meyo ayat tapiskooch mistik kāsissowekitche.
37Ne ke̔ mayaskumwan oot e̔tawin, poote, āka ka e̔tat: ne nutoonowaw, maka oot e̔tawin numma wawach ke̔ miskumwan.
38Nakutowāyim māyo pimatissit napāo, mena kunowapum kwiusk ootitatissew: weya āwuko napāo pāu̔tukāyimoo oo nippoowini̔k.
39Maka weya oomuchatissewuk, kitta nissewunachehoowuk mamowe: mena o̔chetow piko oomuchatissewuk, kitta mā̔che numma e̔tawuk iskwayani̔k.
40Maka oo pimachehoowin kwiusk ootitatissew ka Tipāye̔chekāyit meeyik: ka natumakootchik mākwach ayimissewini̔k āyatwawe.
41Ka Tipāye̔chekāt kitta wechekapowistowāo, mena kitta pimachehāo: kitta natumowāo oomuchatissewa o̔che, mena kitta pimachehāo, weya ā mumisseetotakoot.
දැනට තෝරාගෙන ඇත:
Nikumoona 37: CSW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published by the British and Foreign Bible Society 1876-1877.