Nikumoona 35
35
Nikumoon XXXV.
1Natumowin, O Tāpāye̔chekāyun, unekee o̔che ka mikooskachehitchik: mena nootinik unekee ka nootinitchik.
2Oti̔tina kā o̔che natumoweyun: nepowe kitta wecheheyun.
3Pāta tu̔ku̔tchekun, kitta kipi̔chehutchik ka pupamamoo̔kasitchik: omisse isse̔ net a̔cha̔k, neya ka pimachehitan.
4Keyam kitta wawānāye̔tumwuk, mena nunāpāwissewuk, ka nutoonowatchik net a̔cha̔kwa: keyam kitta usātissa̔wawuk, mena wawanāye̔tumitissa̔wawuk, ka mamitoonāyimitchik nayā̔taw isse.
5Keyam ka wāpastu̔k usiskee kitta isse ayawuk: mena oo ke̔che utooskāyakuna Muneto kitta nunanis isitissa̔wāo.
6Keyam kitta wunetipiskayew mena sooskwayew oo māskunowewawa: mena oo ke̔che utooskāyakuna ka Tipāye̔chekāt kitta pupamamoo̔kowāo.
7Weya ā ke̔ a̔yatchik a̔yupeä kemooch ā we̔ nissewunachehitchik pukwunuta: tapwā, ke̔ ose̔towāwuk wati̔kan net a̔cha̔kwa.
8Keyam kātu̔towā kitta otee̔tik nissewunachehoowin, mena oot a̔yupeä, ka ke̔ a̔yat kemooch, kā̔chewak weya kitta nukwasoo: kitta ayakoot kā̔chewak weya oot isse̔chikāwina.
9Ākose net a̔cha̔k, muma̔takooseestow ka Tipāye̔chekāt: kitta muma̔takoohik oo pimachehewāwineyew.
10Ka̔keyow ne’skuna omisse kitta itwāmukunwa, Tāpāye̔chekāyun, owāna nāspitask, ka natumowut ookitimakissew unehee ka sakoohikoot o̔che: ookitimakissew, mena una ka ayat nunā̔katāyimoowini̔k, unehee ka nunā̔kachehikoot o̔che?
11Ne ke̔ nuspach isse misimikwuk: āka wawach ā kiskāye̔tumwuk kākwia ka utamimitchik.
12Muche kākwi ne ke̔ tipahumakwuk meyo kākwi o̔che: mistahā āka ā na̔āye̔tumehatchik net a̔cha̔kwa.
13Maka weya, weyawaw ā a̔koositchik, numma ne ke̔ na̔āye̔tumwan, mena ne ke̔ tupu̔tāyimoon net a̔cha̔koo̔k: maka net ayumehawin kā̔chewak neya ne ga otee̔tikoon.
14Tapiskooch ā oototāmeyan ne ke̔ isse numma na̔āye̔tān: numma ne na̔āye̔tān, tapiskooch oweyuk ā mowe̔katat oo’ kaweya.
15Maka neya āka ā meyo ayawuk ke̔ muma̔takoosewuk, mena ke̔ mawutchehitoowuk: ne ke̔ pā mowenāskakwuk āka ā kiskāyimukik, ne mayetoonānoostakwuk, numma we̔ poone̔tawuk.
16Ā kuyāsimitchik ne mātowakatikwuk: ka kecheeskapitāstowitchik.
17Tapāye̔chekāyun, taneyekoo̔k kā kunowapu̔tumun oma: O natumow net a̔cha̔k ayimissewini̔k o̔che ka isse misehitchik, mena ka sake̔tayan Lionuk o̔che.
18Ākose ke ga meeyitin nunaskoomoowin itta ā ke̔che mawutchehitoonanewu̔k: ke ga mume̔chimitin itta ā me̔chātitchik ayiseyinewuk.
19O ākaweya unekee ka pukwasitchik ne ga sakoohikwuk: mena akaweya ne ga pusukwapeestakwuk, pukwunuta ka pukwasitchik.
20Yukuma kitta oototāmi̔toowee̔t isse ayimootu̔kik: maka muche peekiskwatāwuk unehee ka pāu̔tuk pimatisseyit.
21Ne ke̔ tawutookoonāstakwuk, omisse ā issitchik: Ket utamāyimikowin, ket utamāyimikowin, ne ke̔ wapu̔tānan ne’ skesikoona̔k o̔che.
22Ke ke̔ wapu̔tān āwuko, O Tāpāye̔chekāyun: ākaweya maka kipi̔toowā, ākaweya wa̔yow nukusin, O Tāpāye̔chekāyun.
23Kooskooska, kitta natumoweyun: natumowin, ne Munetoom, mena Tāpāyimeyun.
24Ooyussoowasin, O Tāpāye̔chekāyun ne Munetoom, kwiusk ket itatissewini̔k: mena ākaweya ne ga sakoohikwuk.
25Ākaweya omisse kitta itwāwuk oo’ tā̔ewa̔k, Matika, matika, ākose ka isse nutowāye̔tumwu̔k: mena ākaweya, ke ke̔ sakoohanow, kitta itwāwuk.
26Keyam kitta wawanāye̔tumwuk mena nunāpāwissewuk, ka muma̔takoositchik ayimissewin ā ayawuk: keyam kitta weya̔tumwuk muchāye̔takoosewin, ka mume̔chimootchik.
27Keyam kitta muma̔takoosewuk, ka wechehitchik kwiusk itatissewini̔k: O tapwā, kitta mume̔chimaw ka Tipāye̔chekāt, kitta itwāwuk mosuk, ka meywāye̔tu̔k ā meyo ayayit oot utooskāyakuna.
28Maka weya ne’ tāyune o̔che, ne ga ayimootān kwiusk ket itatissewin: mena ke mume̔chimikoowin kupākesik.
දැනට තෝරාගෙන ඇත:
Nikumoona 35: CSW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published by the British and Foreign Bible Society 1876-1877.