Nikumoona 27
27
Nikumoon XXVII.
1Ka Tipāye̔chekāt ne wastānumak, mena ne pimachehik; owāna maka kā ke̔ koostuk: ka Tipāye̔chekāt ayeeche̔taw ne pimatissewin; owāna maka ne ga koosta̔ty?
2Ispe oomuchatissewuk, ka pukwasitchik; peyā nasitchik ā we̔ moowitchik: ke̔ pisoosinwuk ākose pu̔kissinwuk.
3Keyam ata me̔chāt ayiseyinewuk mowenāskowitchik, numoweya kitta sākissemukun ne’ tā̔: mena a̔po ata nutoopuyeestakoweyan, a̔chiko ne ga mumisseetotowaw.
4Pāuk kākwi ne ke̔ nutowāye̔tumowaw ka Tipāye̔chekāt, kā we̔ ayayan: kitta ayayan oo wuskahikuni̔k ka Tipāye̔chekāt eyekoo̔k ā pimatisseyan, kitta kunowapu̔tumwuk oo kissāwatisseewin ka Tipāye̔chekāt, mena kitta kewookatumwuk oot ayumehāwekumik.
5Mākwach ā ayimissinanewu̔k ne ga katik weekee̔k: tapwā, ā wunemootuneyik itta oot e̔tawin ne ga katik, mena ne ga tā̔ta̔yik tu̔koo̔ch ussinee̔k.
6Ākwa ne ga kistāyimik: owusimā ispee̔ch unekee ka pukwasitchik missewā waska ka ayatchik.
7Āwuko o̔che ne ga mākin oot e̔tawini̔k muchoostāhumatoowin keke ke̔che muma̔takoosewin: ne ga nikumoon, mena ne ga mume̔chimaw ka Tipāye̔chekāt.
8Nutoo̔towin, o Tāpāye̔chekāyun, ā mowimoostatan: kissāwatotowin, mena nutoo̔towin.
9Ne’ tā̔ ke ke̔ achimikoon, Nutoona ne’ skesik: Ke’ skesik, Tāpāye̔chekāyun, ne ga nutoonān.
10O ākaweya katoowin ke’skesik: mena ākaweya wāpin ket utooskāyakun kissewasewini̔k.
11Keya ke ke̔ wechehin: ākaweya nukusin, mena ākaweya wāpinin, O Muneto ka pimacheheyun.
12N’o̔tawe mena ne’ kawe wāpinitwawe: ka Tipāye̔chekāt ne ga otinik.
13Kiskino̔humowin ket itatissewin, O Tāpāye̔chekāyun: mena kiskinoo̔tahin kwiusk isse, ka pukwasitchik o̔che.
14Ākaweya pukitinin ā isse nutowāye̔tu̔kik ka pukwasitchik: weya ā keyaske misimikoweyan, nuspach ā itikoweyan.
15Ne ga ke̔ eyemoo̔ka̔ty metoone: maka ā tapwā̔tuman kitta wapu̔tuman oo kissāwatisseewin Tāpāye̔chekāt uskee̔k.
16O pāho ka Tipāye̔chekāt ā itāye̔tu̔k: soo̔kustwa, ākose ke ga kakeechehik ke’ tā̔i̔k; mena mumisseetotow ka Tipāye̔chekāt.
දැනට තෝරාගෙන ඇත:
Nikumoona 27: CSW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published by the British and Foreign Bible Society 1876-1877.