Nikumoona 25
25
Nikumoon XXV.
1Keya, O Tāpāye̔chekāyun, ke ga ispa̔kānumatin net a̔cha̔k; ne Munetoom, ke ke̔ mumisseetotatin: O ākaweya ne ga wawanāye̔tān, mena ākaweya ne ga sakoochehikwuk ka pukwasitchik.
2Weya ka̔keyow tu̔to ka uspāyimoototaskik āka kitta nunāpāwehutchik: maka weya unekee ka wune̔titchik kitta nunāpāwehisoowuk.
3Wapu̔teyin ket itatissewina, O Tāpāye̔chekāyun: mena kiskino̔humowin ke māskunowa.
4Kiskinoo̔tahin ke tapwāwini̔k, mena kiskino̔humowin: weya keya ā oo Munetoomimitan ka pimacheheyun; keya ke ke̔ uspāyimoototatin kupākesik.
5Kunookiskisse, O Tāpāye̔chekāyun, ke kissāwatisseewina: mena ke meyo totakāwina, kuyu̔tā ka o̔che nookoo̔twoweyun.
6O ākaweya kiskissetota ne muche̔tewina ā owasiseweyan: maka ā ispee̔che kissāwatisseeyun kiskissetotowin, O Tāpāye̔chekāyun, weya a meywatisseyun.
7Kissāwatisseew mena kwiusk itatissew ka Tipāye̔chekāt: āwuko o̔che kitta kiskino̔humowāo oomuchatissewa.
8Unehee ka yoospisseeyit kitta kiskinoo̔tahāo ooyussoowāwini̔k: mena tu̔to ka yooskatisseeyit, āwukwunee kā kiskino̔humowat oot itatissewin.
9Ka̔keyow oot itatissewina ka Tipāye̔chekāt kissāwatisseewin mena tapwāwin ayayew: tu̔to unehee ka mitchiminumeyit oot isse̔twawin, mena oo yussoowāwina.
10Ke We̔yoowin o̔che, O Tāpāye̔chekāyun: kissāwatotowin ne muche̔tewin o̔che, weya naspitch mistahā ā ke̔ wune̔teyan.
11Kāko ayiseyinew ka koosikwāyimat Tāpāye̔chekāyit: āwukwunee kā kiskino̔humowat ā isse nutowāye̔tu̔k.
12Oot a̔cha̔kwa kitta pāu̔tukee ayayewa: mena oot owasimisa kitta ayayewa uskee̔k.
13Numoweya kākwi kitta katoowāo ka Tipāye̔chekāt unehee ka koosikwāyimikoot: mena kitta wapu̔teyāo oot isse̔twawin.
14Tu̔kee ne kunowapumaw ka Tipāye̔chekāt: weya kitta kāchikoonu̔k ne’ sita a̔yupee̔k o̔che.
15Kwāsketotowin, mena kissāwatotowin: weya ā wāpinikoweyan, mena ā nunā̔kachehikoweyan.
16Nunā̔katāyimomukun ne’ tā̔ mistahā: O otinin net ayimissewini̔k o̔che.
17Kunowapu̔ta ā ayayan ayimissewin mena nunā̔katāyimoowin: mena usānumowin ka̔keyow ne muche̔tewina.
18Nakutowāye̔ta ā me̔chātitchik ka pukwasitchik: ākose naspitch ā pukwasitchik.
19O mitchimin net a̔cha̔k, mena natumowin: ākaweya ne ga wawanāye̔tān, weya ā ke̔ mumisseetotatan.
20Keyam kwiusk i̔totumoowin ne ga pumehikoon: weya keya ā ke̔ uspāyimoototatan.
21Natumow Israel, O Muneto: ka̔keyow oot ayimissewini̔k o̔che.
දැනට තෝරාගෙන ඇත:
Nikumoona 25: CSW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published by the British and Foreign Bible Society 1876-1877.