Matu 1
1
Yezu en de Kiresta la tuuhum
(Luki 3.23-38)
1Gulehegɔ wa dela tuuhum en de Yezu Kiresta en Deviti dayua, Aberaham dayua la.
2Aberaham dela Aziki sɔ, ti Aziki dɛna Yakɔbe sɔ, ti Yakɔbe dɛna Yuda la a suurɔ sɔ, 3Ti Yuda dɛna Pɛrezi la Zera sɔ, ti ba ma dɛna Tama. Ti Pɛrezi dɛna Hɛzirɔn sɔ, ti Hɛzirɔn dɛna Aram sɔ, 4Ti Aram dɛna Aminadabi sɔ, ti Aminadabi dɛna Nason sɔ, ti Nason dɛna Salemon sɔ.
5Ti Salemon dɛna Boazi sɔ, ti a ma dɛna Arahab. Ti Boazi dɛna Ɔbɛd sɔ, ti a ma dɛna Arutu. Ti Ɔbɛd dɛna Yesi sɔ, 6#2 Sam 12.24ti Yesi dɛna Naba Deviti sɔ.
Ti Deviti dɛna Solomɔn sɔ, ti a ma dɛna Yuriya pɔga la. 7Ti Solomɔn dɛna Yerobuam sɔ, ti Yerobuam dɛna Abiya sɔ, ti Abiya dɛna Asaf sɔ. 8Ti Asaf dɛna Yehosafate sɔ, ti Yehosafate dɛna Yoram sɔ, ti Yoram dɛna Yuziya sɔ. 9Ti Yuziya sɔ dɛna Yotan, ti Yotan sɔ dɛna Ahazi, ti Ahazi sɔ dɛna Hɛzekaya. 10Ti Hɛzekaya sɔ dɛna Manaasɛ, ti Manaasɛ sɔ dɛna Amɔsi, ti Amɔsi dɛna Yoseya. 11#2 Nad 24.14-15; 2 Yel 36.10; Yɛr 27.20Ti Yoseya sɔ dɛna Yekonaya la a suurɔ. Sankaŋa en de apɛregɛ loŋe Babilɔn la.
12Ti apɛregɛ-loŋe Babilɔn saŋa la pooren, ti Yekonia dɔgɛ a dayua Salatiɛle, ti Salatiɛle dɛna Zerubabɛle sɔ, 13ti Zerubabɛle dɛna Abiyud sɔ, ti Abiyud dɛna Eliyakim sɔ, ti Eliyakim dɛna Azɔr sɔ, 14ti Azɔr dɛna Zadɔki sɔ, ti Zadɔki dɛna Akim sɔ, ti Akim dɛna Eliyud sɔ, 15ti Eliyud dɛna Ɛliyaza sɔ, ti Ɛliyaza dɛna Matan sɔ, ti Matan dɛna Yakɔbe sɔ, 16ti Yakɔbe dɛna Yosefe sɔ, Mɛɛri sira la sɔ, Mɛɛri se'em en dɔgɛ Yezu, se'em ti ba yi'ira Kiresta la.
17Bala, buuri tuuhum la za'a, ze'ele Aberaham ta paaɛ Deviti dela buuri tuuhum pia la anaahi. Ze'ele Deviti ta paaɛ apɛregɛ-loŋe Babilɔn saŋa la dela, buuri tuuhum pia la bunaahi. Ze'ele a apɛregɛ loŋe Babilɔn ta paaɛ Kiresta kinɛ saŋa la, me dela buuri tuuhum pia la anaahi.
Yezu en de Kiresta dɔgum
(Luki 2.1-7)
18 #
Luk 1.27
Nananawa, Yezu en de Kiresta la dɔgum en doohe la sadɔtɔ kuna. Lan wa eŋa ti a ma Mɛɛri yeti a ele Yosefe la. Gee se'em ma'a ti ba ta yeti ba nyaa zi'ire la taaba la, a nyɛ ti pun tara la puurɛ, Fa'a Sia la paŋa puan. 19Gee Yosefe a sira la, ka bɔta a diihe en vi nɛreba nɛŋan la, maahum mɛ ti a bahɛ en bããlam. 20Gee en ti'ihɛ ku ti a iŋɛ ŋwana wa la, ti Yinɛ suŋera niiɛ a mɛŋa bo' en zaaheŋɔ puan yi' en yeti, “Yosefe, Deviti dayua, da tara dabeem ti dabeem ti fum to'e Mɛɛri ti a dɛna fum pɔga. Se'ere sɔi la, bisɛka puurɛ ti a tara wa, dela Fa'a Sia la paŋa n bahɛ ti la iŋɛ bala. 21#Luk 1.31A wan dɔgɛ la budibela ti fum sigɛ ka yu'urɛ Yezu. Se'ere en sɔi la, eŋa n yeti a faaɛ a nɛreba ba be'em puan bahɛ.” 22Yele ana za'a iŋɛ ti la bahɛ ti Daana la en tɔgɛ se'em doohe a nɔtɔgeha puan la wa'am sira na. La yeti,
23 #
Aza 7.14
“Bihɛ, pɔgesakãherɛ wan nyɔkɛ puurɛ dɔgɛ budibela,
ti ba sigɛ ka yu'urɛ Emanuwɛl.”
De vuurɛ dela, “Yinɛ boi la tɔ.” 24Yosefe en ihege a guum la puan la, a tum doohe la Daana suŋera la en bo' en nuurɛ se'em la, to'e Mɛɛri ti a dɛna a pɔga. 25#Luk 2.21 Gee Yosefe ka makɛ naaɛ la Mɛɛri ta paaɛ se'em ma'a ti Mɛɛri dɔgɛ budibela la, ti Yosefe sigɛ ka yu'urɛ Yezu.
Currently Selected:
Matu 1: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.