Matthew Lefi 8
8
DOSBARTH IV.
Amrai Wyrthiau.
1-4Gwedi iddo ddyfod i waered o’r mynydd, yn cael ei ddylyn gàn dyrfa fawr, un gwahanglwyfus á ddaeth, a chàn ymgrymu gèr ei fron ef, á ddywedodd, Sỳr, os mỳni, ti á elli fy nglanâu. Iesu á estynodd ei law, ac á gyfhyrddodd ag ef, gàn ddywedyd, Mỳnaf, bydd lân. Yn ddiannod efe á iachawyd o’i wahanglwyf. Yna Iesu á ddywedodd wrtho, Gwel na ddywedych wrth neb; ond dos, dangos dy hun i’r offeiriad, ac offryma y rhodd à bènodwyd gàn Foses, èr hysbysu yr iachâad i’r bobl.
5-13Gwedi dyfod o hono i fewn i Gapernäum, canwriad á’i cyfarchai ef gyda’r deisyfiad hwn, Sỳr, mae fy ngwas yn gorwedd gartref yn glaf, yn cael ei flino yn dost gàn barlys. Iesu á atebodd, mi á âf ac á’i hiachâf ef. Y canwriad gàn ateb, á ddywedodd, Sỳr, nid ydwyf deilwng i ddyfod o honot dàn fy nghronglwyd; yn unig dywed y gair, a’m gwas á iachêir. Canys myfinnau, yr hwn wyf fy hunan dàn awdurdod, â chenyf filwyr danaf, á ddywedaf wrth un, Dos, ac efe á â; wrth arall, Dyred, ac efe á ddaw; ac wrth fy ngwas, Gwna hyn, ac efe á’i gwna. Iesu gwedi clywed hyn, á sỳnodd, ac á ddywedodd wrth y rhai oedd yn canlyn, Yn wir, yr wyf yn dywedyd i chwi, hyd yn nod yn Isräel ni chefais gymaint ffydd. Ond yr wyf yn sicrâu i chwi, y daw llawer o’r dwyrain, ac o’r gorllewin, ac á osodir wrth y bwrdd gydag Abraham, Isaac, a Iacob, yn nheyrnas y nefoedd, tra y teflir plant y deyrnas i’r tywyllwch eithaf, lle y bydd wylofain a rhincian dannedd. Yna y dywedodd Iesu wrth y canwriad, Dos adref; bydded i ti yn ol dy ffydd. Ei was á iachawyd y cythrym hwnw.
14-15Yna Iesu gwedi dyfod i dŷ Pedr, á welai ei fam-yn‐nghyfraith ef yn gorwedd yn glaf o’r dwymyn, a gwedi cyfhwrdd â’i llaw hi, y dwymyn á’i gadawodd; a hi á gododd ac á’i harfollodd ef.
16-17Yn yr hwyr, hwy á ddygasant ato lawer o gythreuligion, ac efe á fwriodd yr ysbrydion allan â gair, ac á iachâodd yr holl gleifion; drwy hyn yn gwireddu dywediad y Proffwyd Isaia, “Efe ei hun á gymerodd ymaith ein gwendidau, ac á ddyg ein trallodau.”
18-20Iesu, wrth ganfod y fath dyrfëydd o’i amgylch, á roddodd orchymyn i fyned drosodd i’r làn arall. Yn y cyfamser, ysgrifenydd á’i cyfarchodd ef, gàn ddywedyd, Rabbi, mi á’th ganlynaf i ba le bynag yr elych. Iesu á atebodd, Y mae gàn y llwynogod ffauau, a chàn adar yr awyr ddiddosfëydd, ond gàn Fab y Dyn nid oes le i roddi ei ben i lawr.
21-22Arall, un o’i ddysgyblion, á ddywedodd wrtho, Feistr, gad i mi fyned yn gyntaf, a chladdu fy nhad. Iesu á atebodd, Canlyn fi, a gad i’r meirw gladdu eu meirw.
23-27Yna gwedi iddo fyned i’r llong, ei ddysgyblion, á’i canlynasant ef. Yn fuan wedi, cyfododd y fath dymhestl yn y môr, nes y gorchuddiwyd y llong gàn y tònau. Ond gàn ei fod ef yn cysgu, y dysgyblion á ddaethant, ac á’i deffroisant ef, gàn ddywedyd, Achub ni Feistr, yr ydym àr ddarfod am danom, Yntau á atebodd, Paham yr ydych yn ofnog, O chwi rai anymddiriedus? Yna y cyfododd efe, a gwedi gorchymyn i’r gwyntoedd a’r môr, tawelwch mawr á ganlynodd; fel y llefodd pawb allan gyda rhyfeddod, Pa fath un yw hwn, yr hwn y mae hyd yn nod y gwyntoedd a’r môr yn ufyddâu iddo!
28-34Gwedi dyfod o hono i’r làn arall, i wlad y Gadarëaid, dau gythreulig á gyfarfuant ag ef, yn dyfod allan o’r #8:28 Beddadeiliau, monuments.gwyddfeddi, mòr ffyrnig, fel na feiddiai neb fyned y ffordd hòno. Y rhai hyn á lefasant yn ddiattreg, gàn ddywedyd, Beth sydd à wnelych â ni, Fab Duw? A ddaethost ti yma i’n poeni ni cyn yr amser? Ac yr oedd yno, ryw bellder oddwrthynt, genfaint fawr o foch yn pori. A’r ellyllon á ddeisyfasant arno, gàn ddywedyd, Os bwri ni allan, gad i ni fyned i’r genfaint foch. Yntau á atebodd, Ewch. A gwedi eu bwrw allan, hwy á aethant i’r moch; àr hyny yr holl genfaint á ruthrodd i waered dros y dibyn i’r môr, ac á drengasant yn y dyfroedd. Yna y mychiaid á ffoisant i’r ddinas, ac á adroddasant bob peth, a pha beth á ddygwyddasai i’r cythreuligion. Yn ddiattreg yr holl ddinas á aeth allan i gyfarfod ag Iesu, a gwedi ei weled ef, á ddeisyfasant arno ymadael o’u tiriogaeth.
දැනට තෝරාගෙන ඇත:
Matthew Lefi 8: CJW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.