Matthew Lefi 20
20
1-16Canys Gweinyddiaeth y Nefoedd a fydd debyg i ymddygiad meistr tŷ, yr hwn á aeth allan yn gynnar yn y bore i gyflogi llafurwyr iddei winllan. Wedi cyduno â rhai èr ceiniog y dydd, efe á’u hanfonodd hwynt iddei winllan. Yn nghylch y drydedd awr, efe á aeth allan, ac wrth weled ereill yn segur yn y farchnadfa, á ddywedodd wrthynt, Ewch chwithau i’m gwinllan, a mi á roddaf i chwi y peth sy resymol. Yn ganlynol, hwy á aethant. Darchefn, yn nghylch y chwechfed awr, ac yn nghylch y nawfed, efe á aeth allan, ac á wnaeth yr un modd. Yn ddiweddaf, yn nghylch yr unfed awr àr ddeg, efe á aeth allan, ac wrth ganfod ereill yn sefyll, á ddywedodd wrthynt, Paham yr ydych yn sefyll yma àr hyd y dydd heb wneuthur dim? Hwy á atebasant, Am na chyflogodd neb ni. Yntau á ddywedodd wrthynt, Ewch chwithau hefyd i’m gwinllan, a chwi á dderbyniwch y peth sy resymol. Pan ddaeth y nos, perchenog y winllan á ddywedodd wrth ei oruchwyliwr, Galw y llafurwyr, a thal eu cyflog iddynt, gàn ddechreu gyda ’r rhai olaf, a diweddu gyda’r rhai blaenaf. Yna y rhai à gyflogasid àr yr unfed awr àr ddeg, á ddaethant ac á dderbyniasant bob un geiniog. Pan ddaeth y rhai cyntaf, hwy á dybiasant y derbynient fwy; ond ni chawsant ond pob un geiniog. Wedi ei derbyn, grwgnach á wnaethant yn erbyn meistr y tŷ, gàn ddywedyd, Ni weithiodd y rhai olaf hyn ond un awr; eto ti á’u gwnaethost hwynt gystal â ninnau, y rhai á ddygasom bwys y dydd a’r gwres. Yntau gàn ateb, á ddywedodd wrth un o honynt, Gyfaill, nid ydwyf yn gwneuthur cam â thi. Onid èr ceiniog y cydunaist â mi? Cymer yr hyn sydd eiddot, a dos ymaith. Yr wyf yn ewyllysio rhoddi i’r olaf hwn gymaint ag i tithau. Ac onid allaf wneuthur à fỳnwyf â’r eiddof fy hun? A ydyw dy lygad di yn ddrwg, am fy mod i yn dda? Felly y rhai olaf fyddant flaenaf, a’r rhai blaenaf yn olaf; canys y mae llawer wedi eu galw, ond ychydig wedi eu dewis.
DOSBARTH XI.
Y Mynediad i fewn i Gaersalem.
17-19Pan oedd Iesu àr y ffordd i Gaersalem, efe á gymerodd y deg a dau ddysgybl o’r neilldu, ac á ddywedodd wrthynt, Yr ydym yn awr yn myned i Gaersalem, lle y traddodir Mab y Dyn i’r archoffeiriaid a’r ysgrifenyddion, y rhai á’i collfarnant ef i farw, ac á’i traddodant i’r cenedloedd iddei watwar a’i fflangellu, a’i groeshoelio; ond y trydydd dydd efe á adgyfyd.
20-23Yna mam meibion Zebedëus á ddaeth ato gyda ’i meibion, a chàn ymgrymu, á ddeisyfodd arno ganiatâu iddi ei dymuniad. Yntau á ddywedodd wrthi, Beth yr wyt yn ei ewyllysio? Hithau á atebodd, Bod yn dy Deyrnasiad, i un o’m meibion hyn gael eistedd àr dy ddeheulaw, y llall àr dy aswy. Iesu gàn ateb, á ddywedodd, ni wyddoch beth yr ydych yn ei ofyn. A allwch chwi yfed y fath gwpan, ag sy raid i mi ei hyfed? Dywedasant wrtho, Gallwn. Yntau á atebodd, Chwi á yfwch yn wir y fath gwpan. Ond eistedd àr fy neheulaw, ac àr fy aswy, nis gallaf ei roddi, ond i’r sawl y darparwyd iddynt gàn fy Nhad.
24-28Y deg, wedi clywed hyn, á sòrasant wrth y ddau frawd; ond Iesu á’u galwodd hwynt ato, ac á ddywedodd, Chwi á wyddoch bod tywysogion y cenedloedd yn tra‐arglwyddiaethu arnynt, a’r mawrion yn tra‐awdurdodi arnynt. Nid felly y bydd yn eich plith chwi; yn y gwrthwyneb, pwybynag á fỳno fod yn fawr yn eich plith chwi, bydded yn weinidog i chwi; a phwybynag á fỳno fod yn bènaf yn eich plith, bydded yn was i chwi: megys y daeth Mab y Dyn, nid iddei wasanaethu, ond i wasanaethiu, ac i roddi ei einioes yn bridwerth dros lawer.
29-34Fel yr oeddynt yn gadael Iericho, yn cael eu dylyn gàn dyrfa fawr, dau o ddeillion, à eisteddent wrth ymyl y ffordd, wedi clywed bod Iesu yn myned heibio, á lefasant, gàn ddywedyd, Feistr, Fab Dafydd, tosturia wrthym. Y dyrfa á’u ceryddodd hwynt i dewi; hwythau á waeddasant yn uwch, gàn ddywedyd, Feistr, Fab Dafydd, tosturia wrthym. Yna Iesu á safodd, á’u galwodd hwynt ac á ddywedodd, Beth sydd arnoch eisieu i mi ei wneuthur i chwi? Hwythau á atebasant, Syr, gwneuthur i ni weled. Iesu á dosturiodd, ac á gyfhyrddodd â’u llygaid hwynt. Yn ddiattreg hwy á gawsant olwg, ac á’i canlynasant ef.
දැනට තෝරාගෙන ඇත:
Matthew Lefi 20: CJW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.