LUKU 23

Pilati yãkpatɛkɛna kũ Yesuo

(Mat 27:1-2; Maa 15:1-5; Yuh 18:28-38)

1Akũ ò fùtɛ ń pínki ò gɛ̀ɛ kãao Pilati kĩnaa. 2Òtɛn yã dia ò pì: O gbɛ̃ dí lè àtɛn gudɛ kɛ ó bùsun, àdi gíńnɛ ò bɛ'ɔgɔ kpá Sizaa, akũ à a zĩda dìtɛ Arumasihu ũ, kína ũ. 3Akũ Pilati a là à pì: Mɔkɔ̃n Yudanɔ kína ũ yá? À wèa à pì: Lɛn n ò lɛ. 4Akũ Pilati pì sa'orikinɔ kũ pari kũ ò kú gwenɔnɛ: Mádi taari e gɔ̃gbɛ̃ pìiaro. 5Akũ ò nàkara kãao ò pì: Àdigɔ̃ tɛ́ ká gbɛ̃nɔgu a yãdannɛnaa gũn Yudea bùsun pínki. À nàa Galilimɛ ari à gɛ̀ɛ à kào la sà.

6Kũ Pilati mà lɛ, akũ à gbɛ̀ka tó Galili gbɛ̃mɛ a ũ. 7Kũ à dɔ̃ kũ à bò Hɛrɔdu bùsummɛ, akũ Hɛrɔdu pì sɔ̃ à kú Yurusalɛmu zĩ birea, akũ à a gbàrɛa. 8Kũ Hɛrɔdu Yesu è, akũ a pɔ kɛ̀ nna manamana. À a baaruu mà, akũ à ye ń wɛ́ kɛ pla zaa gìkɛna. À wɛ́ dɔ à Yesu daboyãkɛna e. 9À yãnɔ làlaa dasi, akũ Yesu dí a ke wearo. 10Sa'orikinɔ kũ ludayãdannɛrinɔn zɛna gwe òtɛn yã didia pãsĩpãsĩ. 11Hɛrɔdu kũ a sozanɔ Yesu gya bò ò a fobò ò uta wɛ́de dànɛ, akũ à ɛ̀ra à a gbàrɛ Pilatia. 12Zĩ birea Hɛrɔdu kũ Pilatio gɔ̃̀ kɔ̃ gbɛ̃ ũ, zaakũ ò ibɛrɛɛ sɛ̀ kũ kɔ̃o yã.

Yãdana Yesula

(Mat 27:15-26; Maa 15:6-15; Yuh 18:39-19:16)

13Pilati sa'orikinɔ kũ gbãnadenɔ kũ gbɛ̃ kparanɔ kàkara ń pínki 14à pìńnɛ: A sumɛnɛ kũ gɔ̃gbɛ̃ kũ a pì gudɛriimɛɛo. Ma a làla á wára yã kũ a dìdianɔ musu, mádi e à taari ke kɛ̀ro. 15Lɛn Hɛrɔdu dí ero lɛ se, zaakũ à ɛ̀ra à a gbàrɛwámɛ. À gwa, adi yãke kɛ kũ à kà mà a dɛro. 16-17Mani tó ò wari dɔa, gbasa mà a gbarɛ. 18Akũ ò wiki lɛ̀ ń pínki lɛɛlɛ ò pì: Ǹ gɔ̃gbɛ̃ pì dɛ! Ǹ Baraba gbarɛwɛrɛ! 19Ò Baraba pìi dà kpɛ́siran yã bona gbãnadenɔ kpɛ kũ gbɛ̃dɛnaao yãimɛ. 20Pilati ye à Yesu gbarɛ, akũ à gbɛ̃nɔ laakarii gàtɛ à sùawa. 21Akũ ò ɛ̀ra ò wiki lɛ̀ ò pì: Ǹ a pá lía! Ǹ a pá lía! 22A gɛ̃̀n aakɔ̃deo Pilati pìńnɛ: Bɔ́ dàan à kɛ̀ɛ? Mádi taari kũ à kà ò a dɛ earo. Mani tó ò wari dɔa, gbasa mà a gbarɛ. 23Akũ ò zɛ̀i òtɛn gbɛkaa kũ wiki gbãnao à a pá lía. Akũ ń zukakanaa tò ò yã blè. 24Akũ Pilati dìtɛ kũ ò kɛ lákũ ò gbɛ̀kaawa nà. 25Gɔ̃gbɛ̃ kũ ò dà kpɛ́siran bona gbãnadenɔ kpɛ kũ gbɛ̃dɛnaao yãi kũ ò gbɛ̀kaa pìin à gbàrɛńnɛ, akũ à Yesu kpà gai lákũ ò yei nà.

Yesu pana lía

(Mat 27:32-44; Maa 15:21-32; Yuh 19:17-27)

26Kũ òtɛn gɛ́ kãao, akũ Sirɛni gbɛ̃ Simɔ tɛn su kũ burao, akũ ò a kũ̀ ò lígbãndurukpanaa dìnɛ àgɔ̃ tɛ́o Yesui. 27Pari bò tɛ́i kũ nɔgbɛ̃ kũ òtɛn ɔ́ɔ dɔ òtɛn wɛ̃nda kɛnɛnɔ. 28Yesu lìtɛ à arɛ dɔ̀ḿma à pì: Yurusalɛmu nɔgbɛ̃nɔ, àsun ɔ́ɔ dɔ ma yãiro. À ɔ́ɔ dɔ á zĩda yãi kũ á nɛ́nɔ. 29Zaakũ a gɔrɔ tɛn su kũ oni pi: Arubarikadenɔn para kũ odi nɛ́ iro, nɛ́ dí ń yɔ̃ mironɔ ũ. 30Gɔrɔ birea

oni pi kpinɔ lɛ́tɛ à siḿma,

oni o sĩ̀sĩnɔ lɛ́tɛ à dańla.

31Lákũ òtɛn yã dí taka kɛ kũ lí búsuo, lí kori pɔ́ nigɔ̃ de deraa?

32Òtɛn gɛ́ kũ dàkɛri gbɛ̃nɔn pla kenɔ dɔ, de ò ń dɛdɛ kũ Yesuo lɛɛlɛ. 33Kũ ò kà gu kũ òdi pi Mìtokokia, akũ ò a pà lía gwe kũ dàkɛrii pìnɔ, gbɛ̃ do a ɔplai, gbɛ̃ do a ɔzɛi. 34Akũ Yesu pì: Baa, ǹ gaafara kɛńnɛ, zaakũ ò dɔ̃ pɔ́ kũ òtɛn kɛro. Akũ ò kàpaa kpà ò a pɔ́kasanɔ kpàatɛkɔ̃nɛ. 35Gbɛ̃nɔn zɛna gwe ò wɛ́ kà òtɛni a gwa, akũ Yuda gbãnadenɔ tɛn lɛ́zuki kɛa ò pì: A gbɛ̃ pãndenɔ sura bà. Tó Arumasihu kũ Luda dìtɛmɛ a ũ, à a zĩda sura baee! 36Sozanɔ tɛni a lalandi kɛ dɔ. Akũ ò nài ò sèwɛ̃ kpã̀kpãa dɔ̀nɛ 37ò pì: Tó Yudanɔ kínamɛ n ũ, ǹ n zĩda sura ba. 38Sèeda ke na a mìi musu ò kɛ̃̀a:

Yudanɔ kínan dí!

39Dàkɛri kũ ò lokona lía pìnɔ do dɔkɛna yã ònɛ à pì: Arumasihumɛ n ũroo? Ǹ n zĩda sura ba kũ ókɔ̃nɔo lɛɛlɛ. 40Akũ a gbɛ̃ndo pàtaa à pì: Ń Luda vĩna vĩroo? Yã dokɔ̃nɔ mɛ́ à kúwá. 41Ókɔ̃nɔ, ó pɔ́ kú a zɛ́amɛ. Pɔ́ kũ o tɔ̃̀ mɛ́ à bùtɛwá, ama gbɛ̃ dí dí yã ke kɛro. 42Akũ a pì: Yesu, tó n su kpata ble, ǹ dɔ ma yãn. 43Akũ à wèa à pì: Yãpuran matɛn onnɛ, gbãra ĩnigɔ̃ kú kũmao aruzenna.

Yesu ganaa

(Mat 27:45-56; Maa 15:33-41; Yuh 19:28-30)

44Kũ ifãntɛ̃ kà mìdangura, akũ gusira dà bùsuu pìla pínki ari fãnantɛ̃ mɔ̀ aakɔ̃. 45Luda kpɛ́ lábure kɛ̃̀kɔ̃rɛ pla. 46Yesu wiki gbãna lɛ̀ à pì: Baa, ma a wɛ̃̀ndii nànnɛ n ɔĩ. Kũ à ò lɛ, akũ a wɛ̃̀ndii tà. 47Kũ sozanɔ gbɛ̃ zɔ̃kɔ̃ yã kũ à kɛ̀ɛ pìi è, à Luda sáabu kpà à pì: Yãpuramɛ gbɛ̃ manamɛ a ũ. 48Pari kũ ò kàkara ò sù gu gwanɔ, kũ ò yã kũ à kɛ̀nɔ è, ò ɛ̀ra ò tà òtɛni ń zĩda lɛ́lɛ. 49Yesu gbɛ̃ dɔ̃nanɔ kũ nɔgbɛ̃ kũ ò tɛ́i bona Galilinɔ pínki zɛna zã̀ òtɛn gu gwa.

Yesu vĩnaa

(Mat 27:57-61; Maa 15:42-47; Yuh 19:38-42)

50Gɔ̃gbɛ̃ ke kun a tɔ́n Yusufu. Yuda gbãnadenɔ dokemɛ. Gbɛ̃ manamɛ, akũsɔ̃ à bɛ̀ɛrɛ vĩ. 51A lɛ́ kú yã kũ a gbɛ̃nɔ zɛ̀ kũ a kɛnaaoo pìnlo. Yuda lakutu Arimatea gbɛ̃mɛ, a wɛ́ dɔ kpata kũ à bò Luda kĩnaai. 52À gɛ̀ɛ Pilati kĩnaa à Yesu gɛ̀ɛ gbɛ̀kaa. 53Akũ à gɛ̀ɛ pìi kìpa à táaru biza fĩ̀fĩa à dà gbɛ̀wɛɛ kũ ò sɔ̀ mira ũ gũn, odi gbɛ̃ke dan zikiro. 54Gɔrɔ pì bi azuma zĩmɛ, kámmabogɔrɔ tɛn ká. 55Nɔgbɛ̃ kũ ò tɛ́ Yesui bona Galilinɔn tɛ́ Yusufu pì kpɛ, ò mira pìi è lákũ à Yesu gɛ̀ɛ wùtɛ a gũn nà. 56Akũ ò tà ò gɛ̀ɛ nísi gbĩ nna kũ ɛzɛ kũ àdi tó gɛ̀ vãro soru kɛ. Kámmabogɔrɔ zĩ ò kámma bò lákũ Luda dìtɛ nà.

දැනට තෝරාගෙන ඇත:

LUKU 23: BB2005

සළකුණු කරන්න

බෙදාගන්න

පිටපත් කරන්න

ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න

Bisã Bible 2005 පිළිබඳ වැඩිදුර දැනගන්න

LUKU 23

LUKU 23
වෙතින් ජනප්‍රිය බයිබල් පද

සවන් දෙන්න LUKU 23

බයිබලය:

Busa

නිකුතුව: Bisã Bible 2005 - BB2005

LUKU 23

LUKU 23

LUKU 23වෙතින් ජනප්‍රිය බයිබල් පද

සවන් දෙන්න LUKU 23

බයිබලය:

Busa

නිකුතුව: Bisã Bible 2005 - BB2005

LUKU 23

LUKU 23
වෙතින් ජනප්‍රිය බයිබල් පද