yo-v To L 21
21
ye-su ny Ti-bi-li-y yiY lu bE KL: kw fai mo. gLO m
1TE my je: k nA ye-su ny Ti-bi-li-y yiY lu bE kw Co PA bu tA mo. gLO se: lo= go lE si yi mo. gLO m ny TE lE V lo= 2#yo 1:45. si-mu Pi-TEO be R zEI be bAO m To-mO beI g-li-li mU: kw m K,-n: su n-T-neO beI zi-bE-di yi a bi buO be Co PA, fai nyi: ro Ti wH; tyO lo= 3si-mu Pi-TE le yi w tAI Vw n: Vw. do: jeO VoI bAO lo= yi w leI Vw nu:O mi nuO be Ti CoO jeO VoI bAO lo= yi w: do je siI liH kw dU leO lo= go Ti vy; yi w a xUO mi do: m: mL=
4 #
yo 20:14. lu 24:16. mi: TA ji lO TAI ye-su ny yi jy KL: kw ve; FO lo= ye-su V m Co PA, bu n: m: sD=
5 #
lu 24:41. go lE ny ye-su le yi w tAI R nE buoI nu w z: du m: joO #(21:5) Vw. R: m: w z: VH: I bAO lo=
yi w leI m: joI #(21:5) m: w z:= be yi tA Po, gLO lo=
6 #
lu 5:4-7. go lE ny ye-su le yi w tAI liH lA; j Ti CE: kw Vw. pE. lo ho: kD= go lE ny nu w mLO VoI bAO lo= yi w loH ho: kD TAI Vw. a myH my dA, nyiI Vw. pE. tA yi w cU, dA l m: Ku=
7 #
yo 13:23. go lE ny ye-su ni, nUO m Co PA, go Ti ro le Pi-TE tAI siH P V loI bAO lo= si-mu Pi-TE ny siH P V m p jO TAI yi jy: lA: mu V nyiI yi bU FL gw: hD, kD siI yiY lu bE nAS kw tD, dU leO lo= 8Co PA bu go Ti ho n:I liH R kw be Vw. PY bi be dA, m Vw. pE. go m goY Ju lO lo= a lio bA ny yi jy KL: kw be L: R m: ko,= a: l nyi: vy Cy, CiO le: ko,O lo= 9yi w ny yi jy KL: kw dA lO TAI go kw ny fL. sD; a to.O be a to. kw Vw.O be xw PU; ce, tO m yi w moO lo=
10ye-su le yi w tAI a mL nu w ru mLO m Vw. Ti bEY R tA, gL lAI bAO lo=
11si-mu Pi-TE n: liH nAS dU je siI Vw. d: m Ti vy Vw: Fi s m P biS be dA, m Vw. pE. tA yi jy KL: kw goY dA lO lo= go my Ci dA,O mi Vw. pE. ny m: h: le= 12ye-su le yi w tAI z z: lA #(21:12) nA; z z: lA=I bAO lo= siH P V m yi w sDO nyiI nu a m V loH:I beI Co PA bu a mO mi yi tA n nyi m: pL.= 13#yo 6:11. go lE ny ye-su l siI xw PU; ru si nyiI yi w tA gLO lo= Vw.O mi yi go lE gLO lo= 14#yo 20:19,26. TE m ny ye-su xUY kw be sA. yi; l k. nAI Co PA bu tA mo. gLO m s hw Ti hw, m V lo=
Pi-TEO be j lA Ko cE, xy, tEO m
15 #
yo 1:42. yi w nA; z z: kD nyI ye-su le si-mu Pi-TE tAI yo-v yi a bi si-muoI TE my m TA si nu Vw tA ni, nUO lH:I bAO lo=
yi leI V loI siH P:oI Vw nu tA j:O m #(21:15) a ti. ni, nUO m= nu sDO loI bAO lo=
ye-su le yi tAI Vw a ro R: bu tA c. gLI bAO lo=
16 #
1 Pi 5:2,4. k nA Ti hw, ye-su leI yo-v yi a bi si-mu nu Vw tA ni, nUO lH:I bAO lo=
yi leI V loI siH P:oI Vw nu tA j:O m nu sDO loI bAO lo=
ye-su le yi tAI Vw a ro bu tA lo. jI bAO lo=
17 #
yo 13:38.; 16:30. s hw, Ti hw, ye-su leI yo-v yi a bi si-mu nu Vw tA j:O lH:I bAO lo=
yi nyI nu Vw tA j:O lH:I be yi tA s hw, Ti hw, bAO m kw beI Pi-TE ny ni, m xO lo= go lE si Pi-TE yi tAI siH P:oI a xUO mi nu sDO lo= Vw nuY tA j:O m nu sDO loI bAO lo=
ye-su le yi tAI Vw a ro bu tA c. gL= 18#m 16:22; 26:39. Vw tE, tEO be nu tA bA gLO nyiI nu Fi; roO TAI nu ci Cy go dE kw j: hD, hD, siI a li kw je ni, xUO ny a li kw jeO lo= nu mo: le TA n:I nu lA PA nu CEH l siI su le nu tA j: hD, hD, gL si nyiI nu je ni, m: xU m kw nu tA ho: jeO VoI bAO lo= 19#yo 13:36. ye-su TE lE bAO m nyI Pi-TE a li be xUY si wu-s myE do: do l n, m bA mo. gLO m V lo= go lE si yi TE lE bA kD nyI Pi-TE tAI Vw tA Co lAI bAO lo=
20 #
yo 13:23. Pi-TE ti. Po, siI ye-su ni, nUO m Co PA go Ti ro Co lO m tA moO lo= Co PA go Ti ro nyI mL KL z z:O TA ye-su o' KL: kw koH F siI siH P:oI nu tA wu: z: su a m V loH:I be n nyi su V lo= 21Pi-TE yi tA moY kD nyI ye-su tAI siH P:oI TE Ti ro a li V loH:I bAO lo=
22ye-su le yi tAI Vw Ci lO kw Ci Vw yi tA ty fi ni, xUO bB nyI go m nuO be a xU ku. ji: joO loH:= nu n: Vw tA Co lAI bAO lo=
23go lE nyi Co PA go Ti ro m m: xUYI be bAO m bA KL TE m ny yi; R nyi R bu ko lo kw cH do jeO lo= go lE VO mi yi n: m: xUYI be ye-su le yi tA m: bA= yiO le: Vw Ci lO kw Ci Vw yi tA ty fi ni, xUO bB nyI go m nuO be a xU ku. ji: joO loH:I be bAO lo=
24 #
yo 15:27. TE my je: bE L sD j mo j siI TE my je: bo kD m Co PA nyI TE Ti ro m V lo= go lE si yi sD j mo jO m ny tE,O m V m Vw nu: sDO lo=
25 #
yo 20:30. go lE si ye-su ye kD m nE. bAO mi a my, joO se: lo= TE my m ny Ti xU: le Ti xU: a jU lES bo kDO bB nyI bo tO m To L nyI mi nA kwO mi kL m: di n,I Vw dU: jO lo=
දැනට තෝරාගෙන ඇත:
yo-v To L 21: LRB
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Lisu Revised Bible © Thailand Bible Society