Secunnu Matteu 3
3
1A ddu tempu vinni Giuvanni Battista pridicannu ntra lu disertu di Giudia,
2Dicennu: Faciti pinitenza: giacchì s’ avvicina lu regnu di li celi.
3Chistu è chiddu, chi fu annunziatu da Isaia profeta dicennu: Una vuci grida ntra lu disertu: Preparati la via di lu Signuri: nchianati li soi camini.
4Giuvanni poi aveva una vesti di pilu di gamiddu, e na cintura di peddi attornu li rini: lu so cibu poi era di griddi, e meli sarvaggiu.
5Allura java a ncuntrarlu Gerusalemmi, e tutta la Giudia, e tuttu lu paisi a sta banna di lu Giurdanu;
6Ed eranu vattiati da iddu ntra lu Giurdanu, cunfissannu li soi piccati.
7Vidennu intantu multi Farisei, e Sadducei, chi vinianu a lu so battisimu, cci dissi: Razza di vipari, cui vi nsignau a fuiri l’ ira futura?
8Perciò faciti dignu fruttu di pinitenza.
9E nun diciti ntra vuautri: Nui semu figghi d’ Abramu. Vi dicu dunca, chi Diu avi la potenza di fari risurgiri di sti petri li figghi d’ Abramu.
10E già l’ accetta è misa vicinu a la radici di l’ arvulu. Perciò ogni arvulu, chi nun fa bonu fruttu, si tagghirrà, e si jittirrà ntra lu focu.
11Iu perciò vi battizzu ntra l’ acqua in pinitenzà: però cui vinirrà doppu di mia, è cchiù forti di mia, di cui nun sugnu dignu di purtari li scarpi: iddu vi battizzirrà cu lu Spiritu santu, e lu focu.
12Avi la pala ntra la manu: annittirrà lu so furnu: arricugghirrà lu so furmentu ntra lu granaru; ma brucirrà la pagghia cu focu inestinguibili.
13Allura Gesù da Galilia jiu da Giuvanni a lu Giurdanu, pri essiri vattiatu da iddu.
14Giuvanni però cci lu nigava, dicennu: Iu da tia divu essiri vattiatu, e tu veni unni mia?
15Ma Gesù rispunnennu, cci dissi: Lassa pri ora: giacchì cunveni, chi nui adimpissimu tutta la giustizia. Allura lu lassau fari.
16Doppu chi fu battizzatu Gesù, subitu nisciu di l’ acqua. Ed eccu chi si apreru li celi: e vitti lu Spiritu di Diu, chi calau comu na palumma, e pusau supra d’ iddu.
17Ed eccu na vuci di lu celu dicennu: Chistu è lu me figghiu dilettu, in cui mi sugnu cumpiaciutu.
දැනට තෝරාගෙන ඇත:
Secunnu Matteu 3: SCN
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
First published in 1860 and 1861.