Saint Matthieu 4
4
1Da on, Saint‐Esprit mi lang Jésus sé woropa, an zabolo mi yak nè. 2Da afal ko̱ kème tane ga son laka ya mane séssé bongkè‐nèng tèn hangnachoung bongkè‐nèng, da nzala i nè ta. 3Da njou‐yaknafèn mi gui, ka sa hi nè: Tokoré mome ba Goune a Ouone, mo sa hi kone aïnli an klime féré tèn ba mapa. 4Da Jésus mi féré sa, ka sa: Mahana ko̱ mi dé: Yé njoukouna ma yan ba baï toula mapa ka ho̱kè ya, da ka ba baïnjaka bon ko̱ mi tèn ka njaka Ouone.
5Da zabolo mi do̱li nè sé guè tangna fofoto pou, da bi nè toul gangna toul temple, 6ka sa hi nè: Tokoré mome ba Goune a Ouone, mo mbame guè tiya; baï ko̱ mahana ko̱ mi dé:
Yé kè sa bi njaka ange nèli baï no,
Yè kli ma to̱li mo ka ndo̱ko̱ kli,
Baï an bo̱ko̱ mi nda toul kone ya.
7Jésus sa hi nè: Mahana ko̱ mi dé on kéng: Mo ma baï léna Nanjou, ko̱ ba Ouone no ya.
8Da zabolo mi do̱li nè sé guè toul gangna souraguèl nyèta, da kè to̱ko̱ bilkaouli a koukoula hi nè bon jing jonafèn akli, 9da kème sa hi nè: Tokoré mome lé bou koukoula ka hiou mi, yé mè hi fèn aïnli bon hi mo. 10Da Jésus sa hi nè: Mo sé kaïn ni, Satan! Baï ko̱ mahana ko̱ mi dé: Mo hiou ba Nanjou, Ouone no, ka nding bakara hi ba kè ka ho̱kè.
11Da on zabolo yèng nè. Da mono, angeli mi gui ka nding bakara hi nè.
12Da ko̱ Jésus mi la ko̱ Jean mi kaou jo̱bo̱ tou, kè sé guè koukoula an guèl Galilée. 13Da kè ourou an pou Nazareth, da gui ka kaou pou Capernaüm ko̱ na bèl loukou mbi, an njaka sél koukoula Zabulon da guèl Nephthali, 14an tènrèn none baï ko̱ mi sa ka njaka prophète Ésaïe mi tèn kala ka babaï, ka sa:
15Koukoula an guèl Zabulon da koukoula an guèl Nephthali,
Ka mbora njaka loukou mbi, an hélé Jourdain,
Guèl Galilée a gentili,
16Njoukou aïnli ko̱ kaou an yilime,
Klime ko̱ loukou takanafèn;
Da kli on ko̱ kaou an bilkaou da bo̱ko̱ tétéme a houl,
Takanafèn tèn gui mone kli tou.
17Ka name o̱kèo̱ Jésus tissaon baï sana mboura, ka sa: Oui hèkè békéfèn abaï, baï ko̱ bilkaou a nonkala hèdi tou.
18Da ko̱ Jésus sé vongna bèl mbi Galilée, kè ko̱ yindi séré, Simon, kè on ko̱ kène ling‐è ba Pièrre, da André, yine nè, ko̱ bou ri mbi an bil mbi; baï ko̱ kli ba njou‐nzana njouïli. 19Da kème sa hi kli: Oui gui fali, yé mè ma mosso oui tèn ba njou‐nzana njoukouli. 20Da koukoulion, kli yèng ri aklili kon ka sé falè. 21Da ko̱ kème sé gounfènakè ndit on, kè ko̱ yine afékéli séré, Jacques, goune a Zébédée, da Jean, yine nè. Kli kaou bil kombone jing Zébédée, baba kli sana ri akli, da kè di kli. 22Da koukoulion kli yèng kombone bi jing baba kli, da kli sé falè.
23Da Jésus mi sèrè yan an guèl Galilée bon, ka to̱ko̱ fèn an bil synagogue aklili, da sa mboura bèlabaï a bilkaou, da haï mèrèn jangmali toutoul bon da mèrèn sétali toutoul bon an wora njoukouli. 24Da baï nè mi ti tèn guèl Syrie bon, da kli fan njou‐jangmali bon tèn njou‐sétali ko̱ jangma akli mi na toutoul guè monè, da njoukouli ko̱ kaou jing zabololi, da njou‐ndoïjoulouli, da njoukouli ko̱ mone klime houwè; da kè haï mone kli bon. 25Da ro̱kè njoukouli mi sé falè an guèl Galilée, da an guèl Décapole, tèn pou Jérusalem, da an guèl Judée, da an hélé Jourdain.
Currently Selected:
Saint Matthieu 4: KBN1947
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1947.