Zabúr 7
7
SÁTWÍṈ ZABÚR.
Is zabúr meṉ Dáúd Ḳhudá se riháí mángtá hai (1, 2), is sabab se, ki jo ilzám mere dushman mujh par lagáte haiṉ, main us se barí hun (3—5); aur darḳhwást kartá hai ki Ḳhudá mere aur mere dushmanoṉ ke darmiyán ạdálat kare, kyúṉki wuh ahkam-ul-hákimín hai (6—9). Use yaqín hai ki Ḳhudá begunáh aur gunahgáron meṉ farq karegá (10, 11), aur látáib gunahgároṉ se intiqám, legá (12, 13); aur ilhám se dekhtá hai ki us ke dushman aise kám karte haiṉ jin se wahí tabáh honge (14—16). Aur Ḳhudá kí na jat baḳhshnewálí sadáqat o mihrbání meṉ ḳhushí kartá hai (17).
Dáúd ki Dánwáṉḍolí ki Zabúr, jo us ne Yahowáh ke liye, Binyamíní Kúsh#Yạne, Sáúl. kí bátoṉ kí nisbat gáí.
1Ai Yahowáh, mere Ḳhudá, maiṉ ne tujh par bharosa rakhá hai; mere sáre satánewáloṉ se mujhe bachá, aur merí riháí kar; 2mabádá wuh sher ke mánind merí ján ko pháṛe, ṭukṛe ṭukṛe kare, aur koí riháí karnewálá na ho. 3Ai Yahowáh, mere Ḳhudá, agar maiṉ ne yih kiyá ho, agar mere háthoṉ meṉ kají ho; 4agar maiṉ ne apne dost se badsulúkí kí ho, aur jo besabab mera satánewálá thá, use lúṭá ho: 5to dushman merí ján ká píchhá kare, aur pakaṛ le, aur merí zindagi ko zamín par pámál kare, aur merí ịzzat ko ḳhák meṉ miláe! Siláh.
6Ai Yahowáh, apne qahr meṉ uṭh! Mere dushmanoṉ ke gussoṉ ke bích meṉ apne taíṉ baland kar, aur mere liye jág! Ạdálat ká hukm tú ne kiyá hai. 7Aur ummatoṉ kí jamáạt tujhe ghere; aur tú us ke úpar balandí par phir já! 8Yahowáh ummatoṉ kí ạdálat karegá: Ai Yahowáh, merí sadáqat aur merí kamáliyat ke mutábiq, jo mere úpar hai, mera insáf kar! 9Kásh ki sharíroṉ kí badí mauqúf ho, aur tú sádiq ko mustahkam kare; aur, Ai Sádiq Ḳhudá, tú diloṉ aur gurdoṉ ká ázmánewálá hai.
10Merí sipar Ḳhudá par mauqúf hai, jo rást diloṉ ká bachánewálá hai. 11Ḳhudá sádiq ká insáf kartá hai, aur Qádir i Mutlaq har roz bezár hai.
12Agar wuh báz na áe, to wuh apní talwár tez karegá, us ne apní kamán khainchí, aur use taiyár kiyá hai. 13Aur us ne us kí taraf maut ke hathyár ká nishána bándhá hai; wuh apne tíroṉ ko jalnewále banáegá.
14Dekho, use badí ká dard i zih hogá, aur use nuqsán ká haml rahegá, aur jhúṭh ko janegá! 15Us ne kúá khodá, aur use gahrá kiyá hai, aur us gaṛhe meṉ áp hí girá hai jise wuh banátá hai. 16Us ká nuqsán usí ke sir par lauṭ áegá, aur usí kí khopṛí par us ká zulm utregá.
17Maiṉ Yahowáh kí tạríf, us kí sadáqat ke muwáfiq, karúṉgá; aur Yahowáh Taạ́lá ke nám kí hamd meṉ nag̣ma-saráí karúṉgá.
Currently Selected:
Zabúr 7: URDRPS
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.