Genese 39
39
1KE adre me hum Josefa Aigupito ai; kʼ ame ûco e hnö Potifera at Aigupito athnyabai Farao, taben hnyat tue, ûnyi: ge at Isamaela, hnyat ödrin e hom kâ e. 2Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan. 3Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ. 4Kʼ ame betenge ga Josefa, me huliwa kâu: me e ame otilâ e he ka musö hnyaban, me hna kâu anyin ta je ûnyi hia. 5Ke hwân e ame otilâ e he ka musö hnyaban, me anyin ta je ûnyi hia, me Iehova ame ohnahicâ hnyaban at Aigupito; ga Josefa; ke haba hnahic ûnyi ga Iehova ame ta hon anyin ta je ûnyi hia eiö hnyi, uma, me eû hnyi utkânâ. 6Me e ame hna biju anyin ta je ûnyi hia kö Josefa; ke ca khana e anyin ke ûnyi bi, ke so jeû e ame han. Ke so hmainy unyi Josefa, ke hmanenang ka wâ. 7Ke hwaban e ame hinoutmhâkâ e hnen âiân tuhan; kʼ ame ha kâu momo, ka habe, Ötu he ka tha mokut. 8Ke e ame höcö, me ha ka âiân tuhan, ka habe, Wâ bi, E ca khana tuhök ta je ûnyi unyik hnyi uma; kʼ a hia but hna hia anyin ta je ûnyi könya; 9ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong? 10Ke e ame fuc kö Josefa hnyi ta je bong hia, ke e ame ca löng kâu, he ka tha mokut mē, me tha e mē. 11Ke hnyi ke bong eling e ame didrö eiö hnyin uma ka ânyâ hûdrân; ke ba aten hnyaba eiö hnyin uma. 12Ke momo ame kât ûkhaûen, me ha, ka habe, Ötu ma tha mokut: ke e ame hna degecâ ju ûkhaûen hnyi hnyamen me kec ut. 13Ke a wâ but a ga hia but hna degecâ ûkhaûen ka hnyi hnyamen me kec ut, 14me e ame hawâ tavat aten hnyaban, me ha ködrin, ka habe, Wâ bi, e ame hom kötin at Heberu he ka hlumʼ ötin, e a o könya he ka tha mokut mönya me oge me hongot hwege: 15ke e ame löng hok hwakhöû me hongot, me e ame hna degecâ bi könya ûkhaûen, me kec ut. 16Ke momo ame ip ju ûkhaûen ke ne o but ame o tuhan ka hnyi hnyaban. 17Ke momo ame ha kâu ta je ûnyi eling, ka habe, A o könya athnyaba at Heberu u je hom kötin, me me he ka hlumö nya: 18me oge me khöû me hongot, me e ame hna degecâ bi unyik ûkhaûen me kec ut. 19Ke a löng ut tuhan hofuc hwan âiân, wale a ha kâu, ka habe, Ame ânyâ helâe hnen athnyabaem: me gan hmâ anyin hmönyin kâu. 20Ke haba tuhö Josefa ame hom e me ip eiö hnyin uma ceat unyin tavat adre ca ûnyi ge than: ke e ame laba eiö hnyin uma ceat. 21Ke tha Jehova me Josefa, kʼ ame betenge gan, me okûâ he ka betenge gan hnen tuhan uma ceat. 22Ke haba tuhan uma ceat ame hna kö Josefa tavat hia adre ca hnyin uma ceat; ke haba ta je huliwa hia ödrin e ânyâ eling, me e at ame musö. 23Ke ame ca wâ tuhan uma ceat ke ûnyi unyin, anyin a tha Iehova me, ke Iehova ame ohnahicâ hnen hna ânyâ.
දැනට තෝරාගෙන ඇත:
Genese 39: IAAI
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
maintained by the British and Foreign Bible Society