Ta je huliwa 12
12
1HNYI ûen eling haba Heroda than ame hai hnyamen he ka okongo keihen ekalesia. 2Me e ame hlingö Iakobo liamekeiny me Ioane ge hele vat. 3Ke a wâ but a gʼ ame senyin at Juda, me e ame hwân minya he ka kot Peteru. Wale ûen adre me han areto adre me ca levenâ. 4A hia but kât e, me e ame ip e hnyi uma ceat, kʼ ame hna e ka je deö soja a vak a ûsa vak hnyi je deö, he ka tuö e, kʼ ame ûnykûme he ka hom e ka tavat hwaban paseka. 5Anyin a wale adre me tuö Peteru hnyin uma ceat: ke haba ekalesia adre me hic ûjöng ka Khong hobi kâu. 6Ke ame o but ûen ame he Heroda ka hom e hnyou ai, kʼ ame mokut Peteru wanben li soja hnyi hnyinghet eling, kʼ adre me ca e ge li tö fao: ke ame tuö uma ceat ge hnyat tue cicö hwanuma. 7Ke wâ bi angela anyin Than ame tot unyin, ke ame melam hnyin uma ceat: me e ame khaû vhakö Peteru, me ohmâkâ e, me ha, ka habe, Ie todrö. Me ame ka kolu but li tö fao ûnyi hnyi li hnyamen. 8Ke haba angela ame ha kâu, ka habe, Khaû thö, ke ohmâ tangen li hnyeûcam. Me e ame ânyâ. Ke haingen kâu, ka habe, Khavâ thö ânyâm ûkhaû me he hotuk. 9Me e ame didrut me he hoton; ke ame ca ûnykûme bi a e hnathu hna mâdrâ hnen angela, ke haingen, hna omanenâ ling. 10Ke ödre hia but nulâ tue a bân me loiny, me ödru me o but ka hnyi homagöule fao gethen ka he ka hnyi taun; me ame ka hamen thibut memang ködru, me ödru me didrut hnyou ai, me vheno ke getheniny taun; me ame ie hna but he hnen angela. 11Peteru ame ûnykûme metoâ me e ame ha, ka habe, Oge me wâhmakhmetoâ walang ang a Than ame kunâ anyin angela he ka hûgûnö nya ûnyi hnyi hnyamö Heroda, me hna ûnykûme hia hnen at Juda. 12Ke a hia but ûnykûme wia, e ame he ka hnyi uma umo Maria hinyö Ioane, ke ien minya Mareko; wale ame ûkhacaköu hnyin tavat ae se hia he ka hic. 13E ame tiga seseto hlinginy hwanuma, me ame o but ke hlu he ka wâ, Roda ien. 14Ke e ame wâhmakhmetoâ a ifuci Peteru et me ame ca khong hwanuma ge senyin, ke e ame wadring ka hnyin uma me ûthumetu, ka habe, Wale but eû Peteru ame tot hnyi hwanuma. 15Ke haingödrin kâu, ka habe, U je monu but. Ke e ame hwege bala ha, ka habe, e hnathu. Me ödrin e ha, ka habe, Ame ne angela e. 16Ke ame labö seseto bala Peteru: ke ödrin e hia but khong me ödrin e wâ e, me adre me uthmâhmâ. 17Ke e ame tutubi ödrin ge hnyamen he ka laba hnyibû, me e ame thumetu ödrin ge hnen Than hna hom e ûnyi hnyi hnyin uma ceat. Ke haingen, ka habe, Thumetu Iakobo me ta je liamekeiny ge ta je ûnyi eang. Me e ame he but, me he ka hnyi ke dok. 18Ke a lany jut, me ame hlohlo gan hmâ je soja, a hawa ang Peteru a hia thö. 19Ke a hia but Heroda elâm e, ke ame ca wâ bi, me e ame hnö tavat tue, me hûna he ka hlingʼ ödrin. Me e ame he Kaisaria ai ûheny Juda ka laba eling.
20Ke ame hmonyin hnyekon ka at Turo me Sidona: me adre me tha he kâu hnyi hnyok a khaca, ke adre hia but hum Balaseto at ame tuö je hnyeuleny than, me ihumidra, ke adre me sumat ûsoköu, ke e hu jeû hnyi idra hnyei ûnyi hnyi hnyei iny than. 21Ke hnyi ke bong adre hia but thu, Heroda ame khavâ je ûkhaûen than, me tabâ anyin theron, me khet ködra. 22Haba tavat adre me hongot, ka haba, Ifucin ang khong, ke ca ifucin bi at. 23Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.
24Ke ame khulelau hofuc hwan Khong me kû gan hmâ.
25Ke haba Banaba me Saulo, ödru me hmetu ûhedru Jerusalema, kʼ ame um dö hanymödru, kʼ ödru tha hum Ioane, ke ien minya Mareko.
දැනට තෝරාගෙන ඇත:
Ta je huliwa 12: IAAI
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
maintained by the British and Foreign Bible Society