Ta je huliwa 10
10
1E HNYI Kaisaria ke at, Konelio ien, e keneturio hnyi utbavat adre me hwenyi ien, vat Italia, 2e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong. 3Ke e ame wâ hna omanenâ, ame ne hnyi awa a naininy, wale ame dit kâu angela anyin Khong, me ha, ka habe, Konelio lö. 4Ke e ame wâ hmâ e, me ame ot me ha, ka habe, Than lö ieû? Me haingen ame ha kâu, ka habe, A o but hijâm je hic me hnâm je hna betenge hnyi hnyimakan Khong hnân oûnykûmeâ. 5Ke walang ang kunâ thö hnyat Jopa ai he ka hawo Simona, ke ien minya bi Peteru: 6e ame tha laba me ke Simona at ame huliwan unen je meno, e hnyi hobat köiö umen uma. 7Ke ame he but angela at a fuc kâu, me e ame hawâ li lanyin me ke soja at ame outen Khong hanen tavat adre me bi athnyabainy hnyi je bong; 8ke a hia but thumetu ödrin ge ta je ûnyi hia, e ame kun ödrin dut Jopa ai.
9Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny: 10me e ame mekihnânem, me behan: ke adre me tiga penapena, me ame o but kâu hna omanenâ; 11me e ame wâ drany adre khong, me tang ame utut, helâ me mano ae gan adre j me hnahna ka hnyi hmeledrany hnyi ta ʼ baten a vak: 12ke ta je meno hia ae ûsa! vak can eû hnyin, me je meno ame iyâû eang hmeledrany, me je meno ame gâ ethö. 13Me ame o but kâu hofuc, ka habe, Peteru lö, todrö, hlingâ but, me an ju. 14Ke haba Peteru ame ha, ka habe, Than lö, ca e, anyin a oge me ca hnyi an ke ûnyi ae kap me ikiki. 15Me adre me olo ha kâu, ka habe, Haba hna ânyâwia hnen Khong, u ma ca ha, ka habe, e kap. 16Ödra okun ânyâ helâe; me adre me kap hmetu thö tang hnyi drany ai.
17Ke haba Peteru ame tiga ûnykûme loloâ bongon hna omanenâ e ame wâ, wâ bi, hnyat a kunʼ ödrin Konelio, ödrin e elâm uma umo Simona, ke Ödrin e tot hnyi homagöule, 18me hongot, me hnei, ka habe, hawa, ame hnyi laba eang Simona, ke ien minya Peteru! 19Ke Peteru ame tiga ûnykûme hna omanenâ, haba Hanu ame ha kâu, ka habe, Wâ bi, kun ta hnyat ödrin e elöm u. 20Ke todrö, utut, me tha he mödrin, ke ca loloâ bi: anyin oge kun ödrin. 21Haba Peteru ame utut ka ta hnyat a kun, me ha, ka habe, Wâ bi, inya ang öbun e elâm: ieû öbun e vheno jem! 22Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam. 23Me e ame hawʼ ödrin hnyi uma ai he ka mokut.
Ke nyi e ame tot, me tha he mödrin, ke haba ke je liamekeiny ûhedrin Jopa ödrin e tha he mē. 24Hmetu nyi, ödrin e o hnyi Kaisaria. Ke haba Konelio ame lubahingʼ ödrin, ke e ame ukhacaköuâ je liamekeiny me, me je lahanen. 25Ame didro Peteru, me Konelio ame he he ka iouny mē, me ta ju ka hnyi hmelen li can, me khudrung kâu. 26Ke haba Peteru ame otilâ thö e, me ha, ka habe, Todrö; iny at minya bi nya. 27E ame ûhnenamö mē, kʼ ame didro, ke e ame wâ tavat ae se hia adre me ûkhacaköu: 28me e ame ha ködra, ka habe, E khanʼ öbun a gʼ adre hnyiboâ at Juda he ka ûkhacaköu me ûhakekenyi me aten ta je hnyei; ke so bi Khong ame hia but omanenâ könya, a oge me ca he bi ka hâiâ at, ka habe, e kap, me ikiki: 29waleling oge me he jem ka ba ihut hnyi ûen adre me hawo nya. Ke oge me hnö walang ang can öbun e hawo nya? 30Ke haingö Konelio, ka habe, Haba vak ta bong et ang, me oge me hic hnyi awa a naininy hnyi umök uma, ke wâ bi, ame tot ke at hnyi hnyimakök a khavâ ûkhaû ae hadröngöc, 31kʼ ame ha, ka habe, Konelio lö, adre hia but long hijâm hic, ke adre hia but ûnykûme hnâm je hna betenge hnyi hnyimakan Khong. 32Anyin a wale ûkhûnöng dö Jopa ai, he ka hawo Simona, ke ien Peteru, e ame laba hnyi uma umen ke Simona at ame huliwan unen je meno, wale hnyi hobat köiö. 33Anyin a wale oge me ie ûkhûnöng köu; ke so anyin a u but ang, a u je o thö. Anyin a wale ohmun hia but ang hnyi hnyimakan Khong, he ka long ta je ûnyi hia ame he Than ka hûna köu. 34Haba Peteru ame ba hofuc, ka habe,
E hnathu oge me wâ ûnykûme a haba Khong ame ca wâhmakhmeto tavat: 35ke e ame kap at ame outen e hnyi ta je hnyei hia, wale at ame ânyâ hwakecin ae wisa. 36Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)— 37me manen hofuc e köbun, waleji adre me haimemenâ hnyi Juda hia hwân hnyi Galilaia, hwaban bapataiso ame khetâ ga Ioane; 38wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong. 39Ke ohmun ang hnyat ohnatho ta je ûnyi hia e ame ânyâ hnyi hnyei Juda, me hnyi Jerusalema; wale adre hlingâ minya me uhno hnyi ûö. 40Ke haba Khong ame omelö hmetu e hnyi bong a kuniny, me ti omanenâ e, 41ca ka tavat bia, ke ka tavat thibi adre ohnatho, waleji tavat a bân Khong ka ucʼ ödrin, a walʼ ohmun ang hnyat ohmun e tha han me tha ic mê hwaban hnen hna möt hmetu ûheny hnyi hna mok. 42Ke e ame hûna kohmun he ka khetâ ka tavat, me ohnathoâ a e at a ûca Khong hnân hnö tavat ae möt me tavat ae mok. 43Ame ohnathoâ gan hnen ta je perofeta hia, a adre me he ka thang degecâ but ta je hulo hia anyin tavat adre me labageju kâu, ûnyi hnyi ien.
44Peteru ame tiga ha hofuc e, me ame ta Hanu Kap hudrin hia adre me long hofuc. 45Me ame uthmâhmâ tavat adre me labageju a tavat adre peritomon, wale hnyat adre tha he me Peteru, anyin adre me hingâlâ minya bwihlany wale Hanu Kap hon Aten ta je hnyei. 46Anyin adre me ling ödrin ödrin e fuc hnyi ta je hwen hnyei me ogânâ Khong. 47Haba Peteru ame ha, ka habe Ia ae khana he ka behânâ köiö mʼ adre me ca he ka hnyi bapataisoi ödra, tavat adre me hnyi kap Hanu Kap, helâ mʼ öta? 48Me e ame hûna he ka bapataisoi ödra hnyi iö Iesu Keriso. Ke adre me hom behânâ e he ka tha laba mödra hnyi ke je bong.
දැනට තෝරාගෙන ඇත:
Ta je huliwa 10: IAAI
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
maintained by the British and Foreign Bible Society