JOHN 2
2
Cana Khuo Mopawi
1A ni thum ni-in Galilee gam Cana khuo ah mopawi khat om a, tuanah Jesu’ nu a om hi. 2Jesu le a nuazuite zong tua mopawi-ah kihlan hi. 3Lenggazu a tawp ciengin a nu in Jesu kungah, “Lenggazu a nei nawn sih uhi,” a ci hi. 4Jesu in, “Numei aw, nang le kei bang kisai laizang i hei? Ka hun a tung nai sih hi,” a ci hi. 5A nu in nasemte kungah, “Ang gen bangbangin na gamta un,” a ci hi. 6Tua munah gallan sawm ni sawm thum bang a ta, Judah-te’ kisiensuona-a zah ding suong tuibeel guh a om hi. 7Jesu in amate kungah, “Tuibeel ah tui dim un,” a ci hi. Amate in zong a dimletin a dim uhi. 8Ama in amate kungah, “Tu-in themkhat sawh unlen pawi uhpa kungah va peipi ta un,” a ci hi. Amate in zong tua ma bangin a va peipi ta uhi. 9Pawi uhpa in lenggazu a suoh tui a ciep ciengin, (tua tui a dim nasemte a thei vangin) hei pana pieng ahei, ci ama in a thei sih a, tuale pawi uhpa in zinei pa hlanin, 10“Mite in lengga zulawi a hawm masa a, lenglate in a kham zaw ciengin a daute a hawm pan uhi. Ahi vangin nang in tu dongin zulawi na hen lai hi,” a ci hi. 11Jesu in Galilee gam Cana khuo ah a masa pen tami na lamdang bawlin, tuaci’n ama’ minthanna a kilangsah hi; tuale a nuazuite in zong ama a um uhi. 12Tua ciengin Capernaum khuo ah a nu, a sanggamte, le a nuazuite tawh pei-in khum tahah bakhat sung a taam uhi.#Mat 4:13
Jesu in Biehinnpi Siensuo
(Mat 21:12-13; Mrk 11:15-17; Luk 19:45-46)
13Judah-te’ Peisan pawi ding ang nai ta ahi ziehin Jerusalem ah Jesu a peito hi.#Pei 12:1-27 14Ama in biehinn sungah bawng, tuu, vakhu zuate le sumkhelna sabuoi tunga a to sumkhelte a mu hi. 15Ama in mi sat nading khauhuolte bawlin biehinnpi panin tuute, bawngte a unpi-un a delmang hi. Sumkhelte’ dangkatang teng zong thezah pieh a, a sabuoite uzong a lumlepieh gawp hi. 16Ama in vakhu zuate kungah, “Tam teng zong tam panin lakhiemang ta un! Ka Pa’ inn vanzuana mun suohsah sih un!” a ci hi. 17A nuazuite in, “Na inn dinga deiluotna in ei netum ding hi,” ci-a kigielsa thu a phawhkia uhi.#Late 69:9 18Tua ciengin Jew mite in ama kungah, “Tamte na bawl thei nadingin bang lim nei lah thei diei?” a ci uhi. 19Jesu in amate kungah, “Tami biehinnpi sisue locin ni thum sungin ka dingsah kia ding hi,” ci-in a dawng hi.#Mat 26:61; 27:40; Mrk 14:58; 15:29 20Tua ciengin Jew mite in, “Tami biehinnpi kum sawm li le kum guh sung tah kilam ahi hi, nang in ni thum sungin na dingsah zo ngel diei mah?” a ci uhi. 21Ahi vangin ama in a pumpi ahi biehinn gen ahi hi. 22Sina panin a thawkia zaw ciengin a nuazuite in ama gensa tam thu a phawhkia vua, tuaci’n amate in Lai Siengtho le Jesu’ gensa thute a um uhi.
23Amate in Jerusalem khuo ah Peisan pawi hun sungin ama’ bawl limte a mu ziehun ama’ min a um uhi. 24Ahi vangin ama lam panin Jesu in amate a muong sih a, 25ama ma in mikim sungah bang om ahei, ci thei zo ta ahi ziehin, koima in ama kungah mi khatpo’ thu teci a kipan ding kisam sa lo hi.
දැනට තෝරාගෙන ඇත:
JOHN 2: ZBOTF01
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Zo Bible © Bible Society of Myanmar, 2018.