Yok-hon 3

Yâ-sû lâu Nì-kô-tet-mu

1Yû yit-ke Fap-li-soi-ngìn, miàng ôn-to Nì-kô-tet-mu, he Yù-thai-ngìn ke liâng-chhiu. 2Kì chhai am-pû-sṳ̀ lòi-kien Yâ-sû, kóng: “Sîn-sâng, ngài-têu tî ngì he tui Song-ti ke-vi lòi ke kau-sṳ̂. Ngì só-hàng ke sṳ̀n-chiak, na-m̀-he yû Song-ti thùng-chhai, mò ngìn nèn hàng.”

3Yâ-sû en-kóng: “Ngài sṳ̍t-chhai lâu ngì kóng, ngìn na-he mò chhùng-sên#3:3 “ngìn na-he mò chhùng-sên” ya-he yi̍t-cho “ngìn na-he mò tui Song-ti ke-vi liâng-su sîn sâng-miang”. “chhùng” sṳ chhai Hî-lia̍p-vùn ya yû “tui táng-kô” ke yi-sṳ., chhiu khon-m̀-tó Song-ti ke koet sṳ̍t-hien.”

4Nì-kô-tet-mu mun-kóng: “Ngìn chṳ́-yû kín lòi kín ló, ngióng-voi chhùng-sên nè? Kì nèn to-chón mû-thôi chai kiung-chhut-lòi he-mò?”

5Yâ-sû en-kóng: “Ngài sṳ̍t-chhai lâu ngì kóng, ngìn na-m̀-he tui súi lâu Sṳn-Lìn lòi chhùng-sên, chhiu mò khó-nèn sàng-cho Song-ti koet ke chṳ́-mìn. 6Ngìn ke ngiuk-sṳ̂n he tui yà-ôi kiung ke, kì ke lìn-sin he tui Sṳn-Lìn kiung ke. 7M̀-hó yîn-vi ngài kóng ‘Ngì-têu yit-thin oi chhùng-sên#3:7 “Ngì-têu yit-thin oi chhùng-sên” ya-he yi̍t-cho “Ngì-têu yit-thin oi tui Song-ti ke-vi liâng-su sîn sâng-miang”.’ kám-kok khì-koai. 8Fûng#3:8 “Fûng” ngièn-vùn thùng-sṳ̀ yû “fûng” lâu “lìn” ke yi-sṳ. cheu chhṳ-kâ ke yi-sṳ chhôi, ngì thâng-tó kì ke sâng, chúng-he m̀ tî kì tui nai-vi lòi, oi hi nai-vi. Mî-yit-ke tui Sṳn-Lìn kiung ke, ya he án-ngiòng.”

9Nì-kô-tet-mu mun kì kóng: “Ngióng-voi yû án-ngiòng ke sṳ nè?”

10Yâ-sû en-kóng: “Ngì he Yî-set-lie̍t ke kau-sṳ̂, lièn liá-têu sṳ ya m̀-voi mìn-pha̍k mâ? 11Ngài sṳ̍t-chhai lâu ngì kóng, ngài-têu kóng-lun ngài-têu só tî ke, ngài-têu kien-chṳn ngài-têu só khon-tó ke; chúng-he ngì-têu phiên-phiên m̀-hén liâng-su ngài-têu ke kien-chṳn. 12Ngài lâu ngì-têu kóng liá sṳ-kiên ke sṳ, ngì-têu tû m̀ sin; ngài na-he lâu ngì-têu kóng thiên-táng ke sṳ, ngì-têu ngióng-voi sin nò? 13Chhù-liáu tui thiên-táng kong hâ-lòi ke Ngìn-chṳ́, chhiùng-lòi m̀-sṳt yû ngìn sông-ko thiên. 14Chhiu-chhiong Mô-sî chhai khóng-yâ khià-hí thùng-sà, Ngìn-chṳ́ ya yit-thin oi pûn-ngìn khià-hí-lòi, 15pûn só-yû sin kì ke ngìn tet-tó yún-yén ke sâng-miang.

16“Yîn-vi Song-ti thung-siak sṳ-kiên-ngìn, só-yî chiông Kì Thu̍k-yit ke Lai-é#3:16 “Kì Thu̍k-yit ke Lai-é” ya-he yi̍t-cho “Kì ke Thu̍k-sên-chṳ́”. su-pûn kì-têu, oi pûn yit-chhiet sin kì ke ngìn m̀-voi me̍t-mòng, fán-chón tet-tó yún-yén ke sâng-miang.

17“Yîn-vi Song-ti chhâi Kì ke Lai-é to sṳ-kiên lòi, m̀-he oi thin sṳ-kiên-ngìn ke chhui, he oi thûng-ko kì lòi chṳ́n-kiu sṳ-kiên-ngìn. 18Sin Lai-é ke ngìn m̀-voi su thin-chhui; m̀ sin ke ngìn yí-kîn su thin-chhui, yîn-vi kì m̀ sin Song-ti Thu̍k-yit ke Lai-é#3:18 “Song-ti Thu̍k-yit ke Lai-é” ya-he yi̍t-cho “Song-ti ke Thu̍k-sên-chṳ́”.. 19Kông lòi-to sṳ-kie, sṳ-kiên-ngìn yîn-vi chhṳ-kâ ke fái hàng-vì, m̀ oi kông, fán-chón oi vû-am; kì-têu su thin-chhui ke ngièn-yîn chhiu chhai liá-vi. 20Cho fái-sṳ ke, chhiòn-phu hen kông, m̀ oi chiap-khiun kông, yîn-vi kiâng kì ke fái hàng-vì hién-mìn chhut-lòi. 21Chúng-he, cheu chṳ̂n-lî cho-sṳ ke, chhiu chiap-khiun kông, oi pûn kông hién-mìn kì só-cho ke yit-chhiet he cheu Song-ti ke chṳ́-yi cho ke.”#3:21 Yû-têu kié-kîn-kâ ngin-vì liá-thon ke koat-fù to 15 chiet kiet-suk.

Yâ-sû lâu Sṳ̂-sé Yok-hon

22Liá sṳ yî-heu, Yâ-sû lâu ho̍k-sâng to Yù-thai thi-khî hi. Kì chhai ke-vi lâu kì-têu he̍t yit-chham sṳ̀-kiên, yu hàng sé-lî. 23Yok-hon chhai lì-khôi Sat-lâng mò kí-yén ke Ôi-nun ya hàng sé-lî, yîn-vi ke-vi súi chhin tô; thai-kâ chiap-tén hi liâng sé-lî. 24(Ke-sṳ̀ Yok-hon hàn-màng pûn-ngìn koân hí-lòi.)

25Yok-hon ke kí-ke ho̍k-sâng lâu yit-ke Yù-thai-ngìn vi kiet-chhiang-lî khôi-sṳ́ phien-lun. 26Kì-têu hi kien Yok-hon, tui kì kóng: “Sîn-sâng, ngì khon, yî-chhièn lâu ngì chhai Yok-tan-hò tûng-phién, ngì vi kì cho kien-chṳn ke, liá-ha ya hàng sé-lî, thai-kâ chhiòn-phu hi chhiu kì lô!”

27Yok-hon kóng: “Na-m̀-he Thiên su-hâ ke, ngìn chhiu mò fap-thu tet-tó má-ke. 28Ngài sṳt kóng-ko: ‘Ngài m̀-he Kî-tuk; ngài put-ko he fung chhâi-phai cho kì ke siên-fûng.’ Liá fa ngì-têu khó-yî vi ngài cho-chṳn. 29Thó sîn-ngiòng ke he sîn-lòng; sîn-lòng ke phèn-yû khî chhai sùn-thèu, yit thâng-tó sîn-lòng ke sâng chhiu fôn-hí khoai-lo̍k. Chhiong án-ngiòng, ngài yí-kîn tet-tó vàn-chhiòn ke hí-lo̍k. 30Kì yit-thin voi yit-ngit yit-ngit hîn-vong, chúng-he ngài voi yit-ngit yit-ngit sôi-mì.”#3:30 Yû-têu kié-kîn-kâ ngin-vì liá-thon ke koat-fù oi to 36 chiet.

Chhiùng Thiên-táng Lòi ke

31Chhiùng thiên-táng lòi ke, chhêu-ko van-yû. Chhiùng thi-song lòi ke, he su̍k-yì thi, kì só-kóng ke ya he thi-song ke sṳ; chúng-he chhiùng thiên-táng lòi ke, chhêu-ko van-yû. 32Kì vi só khon-tó lâu só thâng-tó ke cho-chṳn, chúng-he mò-ngìn chiap-su kì ke kien-chṳn. 33Ke chiap-su kiâ kien-chṳn ke, chhiu-he chṳn-mìn Song-ti he sin-sṳ̍t ke. 34Song-ti só chhâi-phai ke, chhòn Song-ti ke fa, yîn-vi Song-ti fûng-fûng fu-fu chiông Sṳn-Lìn su-pûn kì. 35Â-pâ siak Kì ke Lai-é, yí-kîn chiông van-yû kâu chhai kiâ sú-chûng. 36Sin Lai-é ke, chhiu yû yún-yén ke sâng-miang; m̀ sin-chhiùng Lai-é ke, m̀-voi yû sâng-miang, voi ki-siu̍k liù chhai Song-ti ke fun-nu chṳ̂-ha.

Currently Selected:

Yok-hon 3: THV12Rdb

Highlight

Copy

Want to have your highlights saved across all your devices? Sign up or sign in

HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) පිළිබඳ වැඩිදුර දැනගන්න

Yok-hon 3

Popular Bible Verses from
Yok-hon 3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yok-hon 3

Yok-hon 3

Popular Bible Verses from Yok-hon 3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yok-hon 3

Popular Bible Verses from
Yok-hon 3