LUCAS 13
13
Ti pannacapapatay dagiti taga Galilea: ken ti torre sadi Siloe.
1Ket iti dayta met laeng a tiempo, adda sumagmamano a tattao idiay a nangsarita kencuana ti maipapan cadagiti taga Galilea, a ti darada ti inlaoc ni #Luc. 3:1.Pilato cadagiti datonda.
2Ket isu simmungbat ket kinunana cadacuada: #D. Ara. 28:4.Pagarupenyo a dagitoy taga Galilea, agsipud ta linac-amda dagitoy, isuda ti adadda a managbasol ngem dagiti isu-amin a taga Galilea?
3Saan, cunac cadacayo; ngem no dicayto agbabawi, mapucawcayto met amin iti casta.
4Wenno dagiti sangapulo ket walo a natupacan ti torre sadi #Neh. 3:15.Siloe, ket pinatayna ida, pagarupenyo nga adaddada a nacautang ngem dagiti isu-amin a tattao nga agnaed sadi Jerusalem?
5Saan, cunac cadacayo; ngem no dicayto agbabawi; mapucawcayto amin iti casta.
Pangngarig iti cayo nga higos a saan nga agbunga.
6Ket kinunana daytoy a pangngarig: Ti maysa a tao #Isa. 5:2. Mat. 21:19. Mar. 11:13.addaan sangapoon nga higos a naimula iti minuyunganna, ket immay nagsapul ti bungana, ket saan a nacasarac.
7Ket kinunana idi agaywan iti minuyungan: Adtoy, tal-lo a tawenen nga umumayac agsapul ti bunga daytoy a cayo nga higos ket diac macasarac: #Mat. 3:10.pucanem, apayapay macasalin pay laeng iti daga?
8Ket isu simmungbat ket kinunana kencuana: Apo, bay-am pay laeng iti daytoy a tawen, agingga iti caliac iti arubayanna ket gaburac ti pataba:
9Ket no agbunganto iti masangoanan, naimbag; ket no saan, pucanemto.
Pannacaagas ti maysa a babai a di macagunay.
10Ket adda a mangisursuro iti maysa cadagiti sinagoga iti aldaw a panaginana.
11Ket adtoy ti maysa a babai nga addaan #bil. 16. D. Ara. 16:16.espiritu ti kinacapsut iti sangapulo ket walo a tawenen, ket napacubbo nga uray ananoenna dina mabalin ti aglinteg.
12Ket idi nakita ni Jesus, inayabanna ket kinunana kencuana: Babai, nacalapsutcan iti sakitmo.
13Ket impatayna kencuana dagiti imana, ket dagus a napalinteg ket dinaydayawna ti Dios.
14Ket #Mar. 5:22.idi simmungbat ti panguloen ti sinagoga, a #Juan 5:10.sipupungtot agsipud ta nangagas ni Jesus iti aldaw a panaginana, kinunana cadagiti umili; #Ex. 20:9.Adda innem nga aldaw a rebbeng ti agtrabajo: cadagitoy ngarud umaycayo ket agpaagascayo, ket saan nga iti aldaw a panaginana.
15Ket ti Apo simmungbat kencuana ket kinunana: #Luc. 14:5.Managinsisingpet, tunggal maysa cadacayo, dina aya bucraan iti aldaw a panaginana ti vacana wenno ti asnona iti col-loong, ket apanna painumen?
16Ket #Luc. 19:9.daytoy babai, nga anac ni Abraham, adtoy a binalud ni #bil. 11.Satanas iti bayat ti sangapulo ket walo a tawen, saan aya a maipaay a bucraan iti daytoy a pannacabalud iti aldaw a panaginana?
17Ket idi sinaona dagitoy a banag, nabainan dagiti isu-amin a cabusorna: ket amin dagiti adu a tao nagragsacda cadagiti amin #Luc. 18:43.a banbanag a nagloriaan nga inaramidna.
Pangngarig ti bukel ti mostaza, ken iti levadura.
18Kinunana ngarud: #Mat. 13:31-33. Mar. 4:30-32.Ania ti caarig ti pagarian ti Dios, ket anianto ti pangipadisac kencuana?
19Mayarig iti bukel ti mostaza, nga innala ti maysa a tao ket inpuruacna iti minuyunganna; ket dimmackel ket nagbalin a cayo, ket dagiti tumatayab iti tangatang immaponda cadagiti sangsangana.
20Ket kinunana manen. Anianto ti pangyarigac iti pagarian ti Dios?
21Mayarig iti levadura, #Mat. 13:33.nga innala ti maysa a babai ket ingamayna iti tal-lo a casucat nga harina, agingga iti bimsug amin.
Ti ruangan a nailet.
22Ket pinagnana dagiti amin nga Il-ili ken purpuroc a nangisursuro, ket nagnagna a nagturong sadi Jerusalem.
23Ket kinuna kencuana ti maysa: Apo, #1 Cor. 1:18. 2 Cor. 2:15.bassit aya dagiti maisalacan? Ngem isu kinunana cadacuada:
24Agawaanyo ti #Mat. 7:13.sumrec iti ruangan a nailet; ta cunac cadacayo nga adu dagiti agsapulto no casano ti iseserrecda ket didanto mabalin.
25Inton ti ama ti sangacabbalayan simreken ket #Mat. 25:10.pinunitannan ti ruangan, ket mangrugicay nga agtacder iti ruar, ken tumugtog iti ruangan nga agcuncuna: Apo, Apo, ilucatannacami; ket isu sumungbatto ket cunaennanto cadacayo; #Mat. 7:23.Saancayo nga amammo ken no taga anocayo;
26Iti dayta rugianyonto a cuna: Iti imatangmo #Luc. 5:29; 7:36; 14:1.nangan ken imminumcami ket cadagiti daldalanmi nanursuroca:
27Ket cunaennanto: Cunac cadacayo a diac amammo no taga anocayo: umadayucay caniac dacay amin a managararamid ti kinadakes.
28 #
Mat. 8:12. Idiay addanto panagsangsangit ken panagngaretnget dagiti ngipen, #Mat. 8:11.inton makitayo ni Abraham, ken ni Isaac ken ni Jacob, ken dagiti amin a mammadto idiay pagarian ti Dios, ket dacay met laeng maparuarcayto.
29Ket umaydanto manipud daya ken laud, ken manipud amianan ken abagatan, ket tumugawdanto idiay pagarian ti Dios.
30Ket adtoy, #Mat. 19:30.adda maudi nga umunadanto; ket adda umuna a maudidanto.
Ibagada ken Jesus nga agaluad ken Herodes.
31Iti daydi met la nga horas dimteng dagiti dadduma a Fariseo a nagcuna kencuana; Rumuarca ket pumanawca ditoy, ta ni Herodes cayatnaca a papatayen.
32Ket kinunana cadacuada: Incayo ket cunaenyo iti daydiay nasicap. Adtoy, paruarec dagiti sairo, ket mangagasac ita ken inton bigat, ket iti maicatlo nga aldaw #Heb. 2:10; 5:9; 11:40.agturpusac.
33Nupay casta masapul a magnaac #Juan 11:9.ita ken inton bigat, ken inton aldaw a sumaruno; ta saan a mabalin a ti maysa a mammadto matay iti ruar ti Jerusalem.
34Jerusalem, Jerusalem! #Mat. 23:37-39.a papatayem dagiti mammadto ken uburem dagiti maibaon kenca; namin-ano a kinayatco nga urnungen coma dagiti annacmo, cas iti upa urnungenna dagiti piecna iti siroc dagiti payacna, ket dicayo kinayat!
35Adtoy a #Sal. 69:25. Mik. 3:12.ti balayyo mapanawan a taltalipungawen: ket cunac cadacayo a didacto makitan, agingga iti panagcunayonto, #Sal. 118:26. Mat. 21:9; 23:39. Mar. 11:9. Luc. 19:38. Juan 12:13.Bendito ti umay iti nagan ti Apo.
දැනට තෝරාගෙන ඇත:
LUCAS 13: TB1973
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ti Biblia © 1973 Philippine Bible Society