Salmau 6
6
SALM 6
Gweddi mewn cyfyngder
Moab 65.65.66.65
1-3O Arglwydd, yn dy ddig,
Paid â’m ceryddu,
Ond trugarha, fy Nuw,
Cans rwy’n clafychu.
O tyred i’m hiacháu;
Brawychwyd f’esgyrn brau;
Arswydaf a thristáu.
Pa hyd y pery?
4-7O Arglwydd, gwared fi,
Yn d’ofal ffyddlon,
Cans pwy all yn y bedd
Dy foli o galon?
Fy ngwely’n foddfa sydd
Gan ddagrau nos a dydd,
A phŵl fy llygaid prudd
Gan fy ngelynion.
8-10Ewch ymaith, chwi rai drwg,
Sy’n fy mhoenydio,
Oherwydd clywodd Duw
Fi’n beichio wylo.
Gwrandawodd arnaf fi,
Derbyniodd ing fy nghri.
Fe ddrysa’ch cynllwyn chwi,
A’ch cywilyddio.
Currently Selected:
Salmau 6: SCN
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fsi.png&w=128&q=75)
Want to have your highlights saved across all your devices? Sign up or sign in
© Gwynn ap Gwilym 2008