SAN MATEO 27වෙතින් ජනප්‍රිය බයිබල් පද

බෙදාගන්න

Lo'o la cui' hora cua sna nde ngusi̱i̱ bi', cui̱i̱ tsa ngusi'ya Jesús: ―Elí, Elí, ¿lama sabactani? ―nacui̱. Ndi'ya̱ nti' ñacui̱ cha' cha'cña ji'na: Ndyosi Sti na', Ndyosi Sti na', ¿ni cha' laca cha' ngulaya' nu'u̱ 'na?

La cui' hora bi' ngutaa' late' tlyu nu ndacui ndyacu̱' sa cla'be ne' laa tonu. Ca cua̱ ngutu'u ngutaa' late' bi'; tsa cu' ti ngutaa', hasta ña'a̱ cuayá' nu ndyalaa ca lo yuu. Lo'o li' lye tsa ngulacui̱ chalyuu ña'a̱ cuayá' nu ngula'a quee tonu, ña'a̱ cuayá' nu ndyaala cuaá su nguatsi' jyo'o. Li' tyu̱u̱ tya'a ngu' jyo'o nu ntsu'u cha' ji'i̱ ngu' lo'o ycui' Ndyosi nu ngua sa'ni la, ndyu'ú jyo'o bi' chaca quiya'.

Lo'o li' chaca tya quiya' cui̱i̱ tsa ngusi'ya Jesús; li' ngutu'u cresiya ji'i̱ yu, ngujuii yu.

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

Lo'o li' ngua talya chalyuu chu̱' sna hora; nde hora nguxana cha' bi', hasta ña'a̱ cuayá' nu ndyalaa hora cua sna nde ngusi̱i̱.

―¿Na laca cua'ni na' lo'o Jesús nu ndu'ni ma̱ Cristo ji'i̱ lacua? ―nacui̱ Pilato li'. ―Cujui'i̱ ca'a̱ ma̱ ji'i̱ lo crusi ―nacui̱ ngu' li'. ―¿Ni cha' laca nti' ma̱ cha' cujuii na' ji'i̱ yu re? ―nacui̱ Pilato bi' li'―. ¿Ni qui'ya ntsu'u ji'i̱? Cui̱i̱ tsa nxi'ya lo'o ngu' ji'i̱ li': ―Cujui'i̱ ca'a̱ ma̱ ji'i̱ lo crusi ―nacui̱ ngu'.