Popular Bible Verses from João 3

Share

Topẽ vỹ ga kri mũ ag to há nĩ. Hã kỹ tóg ti kósin pir fẽg, vẽnh kar tỹ ti ki ge jé, ãjag tỹ tũ' he tũ nĩ jé, ãjag tỹ ẽg rĩr krỹg ja tũ ẽn ve jé.

Topẽ vỹ ti kósin jẽnẽ, ti tỹ ãjag krenkren han jé, ẽprã ke kar. Ti pijé isỹ ãjag vóg kónãn jé inh jẽnẽ',” he tóg.

Kỹ Jesus tóg: “ũn mur mãn kỹ nỹtĩ ag hã vỹ Topẽ tỹ tỹ ẽg pã'i nĩ venh ke mũ. Ki hã sóg tó mũ mỹr,” he mũ.

“Ũ tỹ inh ki rã mũ to tóg jũnh ke tũ nĩ. Jãvo tóg ũ tỹ inh ki ge tũ ẽn ag hã to jũnh ke mũ, isỹ tỹ ti kósin pir nĩn kỹ“, he tóg.

“Ti tỹ ũ tỹ inh ki ge tũ ag to jũ vỹ ge nĩ, ha mẽ. Ga kri mũ ag kanhrãn sóg tĩ, hã ki sóg ãjag mỹ jẽngrẽ ri ke nĩ. Hã ra ũ ag tóg mẽ sór tũ nĩgtĩ. Kuty mĩ ag tóg mũ sór mũ, jẽngrẽ tóg ag mỹ kórég nĩ, ag jykre pãno nỹtĩn kỹ.

Ũn e tỹ ti mré mũn kỹ tóg há tĩ. Kỹ tóg tỹ ũn mág nĩnh mũ ha. Jãvo sóg tỹ nén ũ tũ nĩnh mũha,” he tóg, João ti.

Ũ tỹ vẽjykre pãno han mũ kar vỹ kurã to kórég nỹtĩ, kỹ ag tóg kurã ki vẽnh ven sór tũ nĩ, vẽnh kar tỹ ag jykre pãno venh ha mẽ tĩn kỹ.

Hã kỹ ũ tỹ ti kósin ki rã mũ vỹ ter mãn ke tũ nĩ. Rĩr krỹg ja tũ ve jé tóg ke mũ. Ũ tỹ ti vĩ han sór tũ ẽn vỹ rĩr krỹg ja tũ tag venh ke tũ pẽ nĩ. Topẽ vỹ ti vóg kónãn ke mũ. Kỹ ti jagtar ke tóg tũ' henh ke tũ nĩ,” he tóg, João ti.

“Moisés vỹ pỹn kãgrá tỹ ka to sa ja nĩgtĩ, pỹn tỹ ũn kyprãg mũ ag tỹ ki ẽvanh tugrĩn krenkren jé, ga kórég ẽn tá. Tag ri ke han jé ag tóg ke mũ, isỹ.

Topẽ vỹ ti kósin to há tãvĩ nĩ, kỹ tóg ti mỹ nén (ũ) kar tovãnh, ti hã tỹ ki rĩr jé.