Popular Bible Verses from SAN JUAN 3

Share

Nimxsen oc cyakꞌ cykil xjal te Dios, bix juꞌ tzunj e tzaj tkꞌoꞌnxin jaj junx Tcwalxin cye xjal. Juꞌ tzunj, alcyej xjal ma tzꞌocslan tiꞌj Tcwalxin, ckꞌojeltzen tchunkꞌlal te junx maj, bix miꞌn txiꞌ tuj cyamecy te junx maj.

Min e tzaj tsmaꞌn Dios Tcwal twitz txꞌotxꞌ te kꞌol castiwa cye xjal, sino e tzaj tsmaꞌnxin tuꞌn cyclet xjal tuj castiwa tuꞌn Tcwalxin.

Bix e xiꞌ tkbaꞌn Jesús texin: —Min tzꞌel tniꞌya tiꞌj tcawbil Dios. Cxeꞌl nkbaꞌna tey, nuket min ma tzaj tkꞌoꞌn Dios tuꞌn titzꞌj jun xjal tuya jun acꞌaj chunkꞌlal, mlaytzen tzꞌocx ja xjala tuj tcawbil Dios―tz̈i Jesús.

Alcyej xjal ma tzꞌocslan tiꞌj Tcwalxin, mlay cub castiwa tibaj. Pero kej xjal min chi ocslan tiꞌj, ckꞌojeltzen cycastiwa, cuma n-el cyxooꞌn jjunx Tcwal Dios.

Ckꞌojeltzen cycastiwa tuꞌnj cycyꞌi jxjal ul kꞌol spiꞌyen cye. Min e jaw tzalajke tiꞌj spiꞌyen smaꞌn tuꞌn Dios, cuma mas e cyajbe jcyil twitzj jaxxix yol ul tiiꞌnxin.

Tumel tuꞌn cypon xjal tuya Jesús, cuma il tiꞌj tuꞌn tjaw nimset tipemal Jesús, bix tuꞌn tcub jweya wipemal cubne―tz̈i Juan.

Kej xjal nchi binchan kaꞌ n-el cyiiqꞌuen jspiꞌyen. Cycyꞌi tuꞌn cyul nka tiꞌ spiꞌyen, cuma cycyꞌi tuꞌn tchicꞌajax tiꞌj jkaꞌ nbint cyuꞌn.

Alcyej xjal ma tzꞌocslan tiꞌj Tcwal Dios, attzen tchunkꞌlal te junx maj. Pero kej xjal cycyꞌi tzꞌoc cybiꞌn Tcwal Dios, mlay kꞌoj cychunkꞌlal te junx maj. Nuk oꞌcx chi cyjel ten tuj castiwa tuꞌn Dios.

Bix ma chin ula tuꞌn njaw kꞌoꞌna cywitz xjal. Tisenj e jaw tkꞌoꞌn Moisés techel lbaj te xcbil tuj jlugar mintiiꞌ najbil tuj, tuꞌntzen cyclet xjal, jax juꞌx weya. Ilxsen tiꞌj tuꞌn njaw kꞌoꞌna

N-oc takꞌ Tcwal Dios te Tman, bix o txiꞌ tkꞌoꞌn Dios cykilca at tuj tkꞌabxin tuꞌn tcawenxin tibaj.