Popular Bible Verses from Luka 22

Share

ii, Atithi, mwákhwelaka Nyuwo, víhani ekahi ela va Miyo: nyenya tahi okhwela waka hoe, nyenya’tho wawinyu wereye.

nyenya káhovekelela wi nroromelo ná nihishiphe: nave weyo, orukunuiye okilathihe anná.

Nave ákushaliye ipau, áthamala, ámeya, ávaha yawo, alocha, Ela ti mwíli aka wovahiwa ntakhara a nyuwo; erani ela yawupusherya’ka.

Nave yawihihá’tho ekahi, omanle mukonelo, alocha, Ekahi ela ti nlakano nahihano mu nikhamini naka nenlo n’naheliwa ntakhara a nyuwo.

Nave ákhanliye ni wukhuliwa murima ávekelasha winchipale wopwaha tchiri: nave nikhurumela nawe nákhala ntoko mamoromoro matokotoko a nikhami erikimmorela vathi.

Nyenya hevarwa‐vihihá ni nyuwo: nyenya’tho yowo ori mtokotoko mwa nyuwo, akhale ntoko mwamukhani; nave yowo ori ópacherya, akhale ntoko óruméla.

Nave Yowo áhi, Kinoléla weyo, Petro, oni wirimuhipa muthupi olelo vava ophiyerya oniryá okhóche oraru wi honakisuwela Miyo.