Popular Bible Verses from Yohane 12

Share

Mukina akiruméla Miyo, akitchare Miyo; nave wiwo kiriaka’wo, wiwo’tho murummwa’ka anarwa‐akhala’wo. Mukina akiruméla Miyo, yowo Atithi anarwa‐amwerela mahala.

Yowo anasivela okumi awe anarwa‐ariha ola; nave awichana ni okumi awe mwilaponi ela ya vathi anarwa‐akhapelela ola wukumini wohimala.

Tchiriene, kinalocha ni nyuwo, Epyo ya trigu yáhimora mu’tchayani, ekhwa, enakhala va mekhaya yeyo; nyenya yakhwa, eníma yawíma yinchipale.

Kórwa Miyo omwaléla wilaponi ya vathi, wi yowo anaroromela wa Miyo ahikhale mwipiphini.

Nave mukina íwa masu aka, ahikhapelela, Miyo nkimuthoriha yowo: wi nkárwile orwa‐othoriha elapo ya vathi, nyenya wi kirwe‐kivulushe elapo ya vathi.

Vavo Mariya ákushaliye mweryo mmoha wa makhurwa awunkhela phama a nardo a esisapo aya yorekama áhochiha manani a Yesu, úkutcha manani awe ni mihi awe; nave empa yásareya ni wunkhela waya wa makhurwa’wo

yákusha mawaryu a murumo, ekhuma okumana ni Yowo, ekhuwela, Hosana, Órélihiwa yowo órwa mu nsina na Apwiya, ti Mwene a Israyeli.

Nyenya Yesu áwakhula yawo, alocha, Yophiya elukuluku, wi Mwana a mutchu achichimihiwe.