Popular Bible Verses from YOHANES 6

Share

Nadeak Yesus ngen tobo'o, “Ukuba ruti de melei idup; api bae de teko ngen Uku, si coa bakea perneak nyemen igai, ngen api bae de pecayo ngen Uku, si coa bakea perneak haus igai.

Roh Allah de melei idup, daging samo sekilai coa beguno. Kecek-kecek de Uku madeak ngen udi adeba roh ngen idup.

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

Jawab Yesus, “Dioba kerjo de kenlok Allah, adeba lok ba udi pecayo ngen-Si de sudo nutus Allah.”

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

Coa ade suang tun de dapet teko ngen Uku, amen si coa tenarik Bapa de mutus Uku, ngen si bakea Uku midup igai pado Bilai Kiamat.

Kerno ruti de kunei Allah adeba ruti de tu'un kunei surgo ngen de melei idup ngen dunio.”

Ukuba ruti idup.

Lajau Yesus mok ruti o, mucep syukur ngen magiakne ngen tobo'o de temot neak di, awei o kulo nea-Ne ngen kan-kan o, kekedau de tobo'o kelok. Sesudo tobo'o mbuk sapei kenyang, Si madeak ngen penotoa-penotoa-Ne, “Lungguk ba ti'eak-ti'eak de blebiak supayo coa ade de tekuang.”

Sesudo tobo'o kemayuak kiro-kiro lemo ngen enum kilo meter uak ne, tobo'o kemliak Yesus paneu neak bioa magea biduk o. Mako tobo'o saben. Tapi Yesus madeak ngen tobo'o, “Dioba Uku, jibeak saben!”