Quiche, West Central - 1997 Edition (NT)

<div class="version vid653 iso6393quc" data-vid="653" data-iso6393="quc">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Ri Jes&#250;s cucunaj jun achi pa Betesda ri c&#228;minak u cuerpo</div><div class="p"> 1Te c'u ri' ri winak aj Israel xca'n jun qui nimak'ij chic pa Jerusal&#233;n. Ri Jes&#250;s c'ut xe' chi na jumul jela'. 2Pa ri tinimit Jerusal&#233;n chunakaj ri uchibe ri c&#228;bix &#8220;Uchibe ri Queboc wi Chij&#8221; che, c'o jun atinibal ri c&#228;bix Betesda che ru bi' pa ri ch'abal hebreo. E c'o job rakan ja chrij. 3Pa tak ri rakan ja ri' e k'oyok'oj q'uia yawabib. E c'o moyab, ch'ocojib, xukuje' winak ri c&#228;minak qui cuerpo. Tajin c&#228;queyej chi c&#228;slab ri joron. 4Jun tak pa' c'ut c&#228;kaj lok jun &#225;ngel pa ri atinibal, cuslabisaj c'u ri joron. Jachin ri nabe c&#228;kaj pa ri joron aretak c&#228;slabtaj can rumal ri &#225;ngel c&#228;cunataj che apachique u w&#228;ch yabil ri c'o che. 5C'o c'u jun achi chila' ri xque' juwinak lajuj ruc' wajxakib junab yawab. 6Aretak ri Jes&#250;s xrilo k'oyol cho ri ulew, xukuje' xretamaj chi q'uia junab chic yawab, xuta' che: &#191;A caj la cutzir la? &#8212;xcha che.</div><div class="p"> 7Ri yawab xch'awic, xubij che: Tat, man c'o t&#228; jun quinkasan pa ri atinibal aretak c&#228;slab ri joron. Amak'el aretak cwaj quinkajic, jun chic c&#228;kaj bi nabe chnuw&#228;ch in, &#8212;xcha che.</div><div class="p"> 8Ri Jes&#250;s xubij che: &#161;Walij ba' la, yaca la bi ri soc la, bin ya' la! &#8212;xcha ri Jes&#250;s che.</div><div class="p"> 9Chanim xutzir ri achi. Xuyac bi ru soc, xuchaplej binem. Are c'u k'ij re uxlanem aretak xbantaj wa'. 10Ri winak aj Israel xquibij che ri achi ri xutziric: C&#228;mic c'ut are k'ij re uxlanem. Man ya'tal taj cawekaj bi ra soc, &#8212;xecha che.</div><div class="p"> 11Ri achi xch'awic, xubij chque: Ri jun ri xincunanic xubij chwe: &#8220;&#161;Yaca la bi ri soc la, bin ya' la!&#8221; &#8212;xcha ri' chwe, &#8212;xcha ri achi chque ri winak.</div><div class="p"> 12Ri e are' xquita' che, xquibij: &#191;Jachin ri' ri xbin chawe: &#8220;&#161;Yaca la bi ri soc la, bin ya' la!&#8221;? &#8212;xecha che.</div><div class="p"> 13Are c'u ri achi man xuch'ob t&#228; chi u w&#228;ch jachin ri xcunanic rumal chi ri Jes&#250;s xsach chquixol ri q'uialaj winak ri e c'o chila'. 14Te ri' ri Jes&#250;s xurik ri achi pa ri nimalaj rachoch Dios, xubij che: &#161;Chilampe la! &#8212;xcha'. C&#228;mic ri lal utz chic. M&#228;macun chi ba' la, m&#228;pe chi ne jun c'&#228;x chic chij la ri m&#225;s nim na, &#8212;xcha ri Jes&#250;s che.</div><div class="p"> 15Xe' c'u ri achi, xubij chque ri winak aj Israel chi ri xcunanic are ri Jes&#250;s. 16Rumal ri' ri winak aj Israel xquitzucuj u chapic ri Jes&#250;s rech c&#228;quic&#228;misaj, rumal chi cuban tak wa' we ri' pa ri k'ij re uxlanem. 17Xubij c'u ri Jes&#250;s chque: Ri nu Tat amak'el chacuninak petinak lok. Rajwaxic c'ut chi ri in xukuje' quinchacunic, &#8212;xcha chque.</div><div class="p"> 18Rumal ri' ri winak aj Israel xa sibalaj xpe na coyowal, xcaj xquic&#228;misaj ri Jes&#250;s rumal chi man nim t&#228; xril wi ri cubij ri Pixab chrij ri k'ij re uxlanem. Man xuwi t&#228; c'u ri', xane xukuje' xujunamaj rib ruc' ri Dios aretak xubij chi ri Dios Are ru Tat.</div><div class="s">Ru C'ojol ri Dios c'o takanic pu k'ab</div><div class="p"> 19Te ri' ri Jes&#250;s xubij chque: Kas tzij quinbij chech alak chi ri u C'ojol ri Dios man c&#228;cowin taj c'o jas cubano xak pa re wi. Xuwi cubano jachique ri c&#228;rilo chi cuban ri u Tat. Ronojel ri cuban ri u Tat, cuban c'u ri u C'ojol xukuje'. 20Ri ka Tat sibalaj lok' ri u C'ojol chuw&#228;ch, cuc'ut c'u chuw&#228;ch jachique ri cuban ri Are'. Cuc'ut c'u na nimak tak cajmabal chuw&#228;ch ru C'ojol, ri sibalaj c&#228;cajmaj na alak. 21Je' jas ri ka Tat queuc'astajisaj ri c&#228;minakib, cuya c'u qui c'aslemal, je ri' xukuje' ri u C'ojol cuya c'aslemal chque jachin tak ri craj cuya wi. 22Ri ka Tat man cuk'at t&#228; tzij puwi' jachin jun, xane u yo'm ronojel u w&#228;ch takanic pu k'ab ru C'ojol rech ri Are' c&#228;k'atow tzij. 23Je ri' rech conojel ri winak c&#228;quiya u k'ij ri u C'ojol ri Dios junam jas ri c&#228;ca'n chuya'ic u k'ij ri ka Tat. Jachin ri man cuya t&#228; u k'ij ri u C'ojol ri Dios, man cuya t&#228; ri' u k'ij ri ka Tat ri xutak lok ri Are'.</div><div class="p"> 24Kas tzij quinbij chech alak chi jachin ri cutatabej ri nu tzij, c&#228;cojon c'u che ri Dios ri xintakow lok, curik na ri' ri c'aslemal ri man c'o t&#228; u q'uisic. Man c&#228;k'at t&#228; c'u tzij puwi' chi c&#228;c'&#228;jisax u w&#228;ch rumal chi elinak chic pa ri c&#228;mical re ri ojer c'aslemal, c'o chic ri kas u c'aslemal. 25Kas tzij quinbij chech alak chi c&#228;pe na ri k'ij, c&#228;mic c'ut ri k'ij ri' aretak ri c&#228;minakib c&#228;quita na chi quinch'awic, in ri' ri u C'ojol ri Dios. Jachin tak ri c&#228;quinimaj ri quinbij quec'asi na. 26Ri ka Tat c'o cuinem pu k'ab pa re wi chuya'ic c'aslemal, xukuje' u yo'm pa nu k'ab in, in ri' ri u C'ojol, chi quincowinic quinya c'aslemal. 27Xukuje' u yo'm takanic pa nu k'ab rech quink'at tzij rumal chi ri in, in ri' ri Ralc'ual ri Dios ri Kas Winak. 28M&#228;cajmaj alak wa' rumal chi copan na ri k'ij aretak conojel ri c&#228;minakib c&#228;quita na chi quinch'awic. 29Quebel na lok pa tak ri mukubal. Ri ca'nom ri utzil quec'astajic rech c&#228;c'oji na qui c'aslemal. Are c'u ri ca'nom ri man utz taj quec'astajic rech c&#228;k'at na tzij pa qui wi' chi c&#228;c'&#228;jisax na qui w&#228;ch.</div><div class="s">C'o ri c&#228;c'utuwic chi c'o takanic pu k'ab ri Jes&#250;s</div><div class="p"> 30Ri in man c'o t&#228; jas quincowin chubanic xak pa we wi. Ri in quink'at tzij xa jas ri quintak wi. Jicom c'u quinban in chuk'atic tzij. Man are t&#228; c'u quinban xa jas ri cwaj in, xane are quinban jas ri craj ri nu Tat ri xintakow lok. 31We ri in quink'alajisaj ri kas tzij chwij chbil wib, man c'o t&#228; u pat&#228;n ri' ri quinbij. 32C'o c'u Jun chic ri c'o jas cuk'alajisaj chwij, wetam c'ut chi ri cubij ri Are' chwij are kas tzij. 33Ri alak xtak alak u ta'ic che ri tat Juan. Ri xubij c'u ri are' chech alak are kas tzij. 34Ri in c'ut man are t&#228; cu'l nu c'ux chrij ri cuk'alajisaj jun winak chwij. Xuwi quinbij wa' rech ri alak c&#228;rik na alak ru tobanic ri Dios. 35Ri tat Juan are junam ruc' jun ch&#228;j o jun candela ri c&#228;c'atic, ri c&#228;juluwic. Ri alak c'ut xquicot alak quieb oxib k'ij ruc' ri sakil ri'. 36C'o c'u na ri c&#228;c'utuwic chi kas tzij ri quinbij. Are utz na wa' chuw&#228;ch ri xuk'alajisaj ri tat Juan chwij. Ri tajin quinbano, are wa' ri xinutak ri nu Tat chubanic. Are c'u wa' ri c&#228;c'utuwic chi kas tzij are ri nu Tat ri in takowinak lok. 37Xukuje' ri nu Tat ri xintakow lok cuk'alajisaj ri kas tzij chwij, pune ta ne ri alak man tom t&#228; alak ri Are' c&#228;ch'awic, man ilom t&#228; c'u alak u w&#228;ch. 38Man kajinak t&#228; c'u ru Tzij ri Dios pa anima' alak rumal chi man c&#228;cojon t&#228; alak che ri Jun ri takom lok rumal ri ka Tat. 39Ri alak na'l c&#228;siq'uij alak u w&#228;ch ru Lok' Pixab ri Dios ri Tz'ibtalic rumal chi c&#228;chomaj alak chi chila' c&#228;rik wi alak ri c&#228;yo'w ri c'aslemal ri man c'o t&#228; u q'uisic. Are c'u ru Lok' Pixab ri Dios ri Tz'ibtalic ri cuk'alajisaj ri kas tzij chwij in. 40Pune je ri', ri alak man caj t&#228; alak c&#228;pe alak wuc' rech c&#228;rik alak we c'aslemal ri' ri man c'o t&#228; u q'uisic.</div><div class="p"> 41Ri in man cwaj taj chi c&#228;yi' nu k'ij cumal ri winak. 42Wetam c'u in ri anima' alak, wetam chi man caj t&#228; alak ri Dios. 43Ri in, in petinak chuq'uexw&#228;ch ri nu Tat. Ri alak c'ut man xinc'ulaj t&#228; alak. Are c'u we ta c&#228;pe jachin jun chic xak pa re wi, &#161;are ri are' c&#228;c'ulaj na alak! 44&#191;A c&#228;cowin lo alak ri' c&#228;cojon alak chwe we xa c&#228;tzucuj alak u ya'ic k'ij alak chbil tak ib alak, man are t&#228; c&#228;tzucuj alak chi c&#228;yi' k'ij alak rumal ri Dios ri xak xuwi Dios wa' c'olic? 45M&#228;chomaj alak chi ri in quinchap u bixic ri man utz taj chij alak cho ri nu Tat. Ri c&#228;bin na wa' chij alak are ri ka mam Mois&#233;s, ri cu'bam c'ux alak chrij. 46We ta ri alak kas xcojon alak che ri xubij ri ka mam Mois&#233;s, c&#228;cojon ta c'u alak ri' chwe in rumal chi ri ka mam Mois&#233;s c'o ri u tz'ibam chwij in. 47We c'u man xcojon alak che ri xutz'ibaj ri are', &#191;jas ta c'u lo c&#228;ban alak chucojic ri quinbij in? &#8212;xcha ri Jes&#250;s chque.</div>
 </div>
 </div>
</div>

Te c'u ri' ri winak aj Israel xca'n jun qui nimak'ij chic pa Jerusalén. Ri Jesús c'ut xe' chi na jumul jela'. Pa ri tinimit Jerusalén chunakaj ri uchibe ri cäbix “Uchibe ri Queboc wi Chij” che, c'o jun atinibal ri cäbix Betesda che ru bi' pa ri ch'abal hebreo. E c'o job rakan ja chrij. Pa tak ri rakan ja ri' e k'oyok'oj q'uia yawabib. E c'o moyab, ch'ocojib, xukuje' winak ri cäminak qui cuerpo. Tajin cäqueyej chi cäslab ri joron. Jun tak pa' c'ut cäkaj lok jun ángel pa ri atinibal, cuslabisaj c'u ri joron. Jachin ri nabe cäkaj pa ri joron aretak cäslabtaj can rumal ri ángel cäcunataj che apachique u wäch yabil ri c'o che. C'o c'u jun achi chila' ri xque' juwinak lajuj ruc' wajxakib junab yawab. Aretak ri Jesús xrilo k'oyol cho ri ulew, xukuje' xretamaj chi q'uia junab chic yawab, xuta' che: ¿A caj la cutzir la? —xcha che.
Ri yawab xch'awic, xubij che: Tat, man c'o tä jun quinkasan pa ri atinibal aretak cäslab ri joron. Amak'el aretak cwaj quinkajic, jun chic cäkaj bi nabe chnuwäch in, —xcha che.
Ri Jesús xubij che: ¡Walij ba' la, yaca la bi ri soc la, bin ya' la! —xcha ri Jesús che.
Chanim xutzir ri achi. Xuyac bi ru soc, xuchaplej binem. Are c'u k'ij re uxlanem aretak xbantaj wa'. Ri winak aj Israel xquibij che ri achi ri xutziric: Cämic c'ut are k'ij re uxlanem. Man ya'tal taj cawekaj bi ra soc, —xecha che.
Ri achi xch'awic, xubij chque: Ri jun ri xincunanic xubij chwe: “¡Yaca la bi ri soc la, bin ya' la!” —xcha ri' chwe, —xcha ri achi chque ri winak.
Ri e are' xquita' che, xquibij: ¿Jachin ri' ri xbin chawe: “¡Yaca la bi ri soc la, bin ya' la!”? —xecha che.
Are c'u ri achi man xuch'ob tä chi u wäch jachin ri xcunanic rumal chi ri Jesús xsach chquixol ri q'uialaj winak ri e c'o chila'. Te ri' ri Jesús xurik ri achi pa ri nimalaj rachoch Dios, xubij che: ¡Chilampe la! —xcha'. Cämic ri lal utz chic. Mämacun chi ba' la, mäpe chi ne jun c'äx chic chij la ri más nim na, —xcha ri Jesús che.
Xe' c'u ri achi, xubij chque ri winak aj Israel chi ri xcunanic are ri Jesús. Rumal ri' ri winak aj Israel xquitzucuj u chapic ri Jesús rech cäquicämisaj, rumal chi cuban tak wa' we ri' pa ri k'ij re uxlanem. Xubij c'u ri Jesús chque: Ri nu Tat amak'el chacuninak petinak lok. Rajwaxic c'ut chi ri in xukuje' quinchacunic, —xcha chque.
Rumal ri' ri winak aj Israel xa sibalaj xpe na coyowal, xcaj xquicämisaj ri Jesús rumal chi man nim tä xril wi ri cubij ri Pixab chrij ri k'ij re uxlanem. Man xuwi tä c'u ri', xane xukuje' xujunamaj rib ruc' ri Dios aretak xubij chi ri Dios Are ru Tat.

Te ri' ri Jesús xubij chque: Kas tzij quinbij chech alak chi ri u C'ojol ri Dios man cäcowin taj c'o jas cubano xak pa re wi. Xuwi cubano jachique ri cärilo chi cuban ri u Tat. Ronojel ri cuban ri u Tat, cuban c'u ri u C'ojol xukuje'. Ri ka Tat sibalaj lok' ri u C'ojol chuwäch, cuc'ut c'u chuwäch jachique ri cuban ri Are'. Cuc'ut c'u na nimak tak cajmabal chuwäch ru C'ojol, ri sibalaj cäcajmaj na alak. Je' jas ri ka Tat queuc'astajisaj ri cäminakib, cuya c'u qui c'aslemal, je ri' xukuje' ri u C'ojol cuya c'aslemal chque jachin tak ri craj cuya wi. Ri ka Tat man cuk'at tä tzij puwi' jachin jun, xane u yo'm ronojel u wäch takanic pu k'ab ru C'ojol rech ri Are' cäk'atow tzij. Je ri' rech conojel ri winak cäquiya u k'ij ri u C'ojol ri Dios junam jas ri cäca'n chuya'ic u k'ij ri ka Tat. Jachin ri man cuya tä u k'ij ri u C'ojol ri Dios, man cuya tä ri' u k'ij ri ka Tat ri xutak lok ri Are'.
Kas tzij quinbij chech alak chi jachin ri cutatabej ri nu tzij, cäcojon c'u che ri Dios ri xintakow lok, curik na ri' ri c'aslemal ri man c'o tä u q'uisic. Man cäk'at tä c'u tzij puwi' chi cäc'äjisax u wäch rumal chi elinak chic pa ri cämical re ri ojer c'aslemal, c'o chic ri kas u c'aslemal. Kas tzij quinbij chech alak chi cäpe na ri k'ij, cämic c'ut ri k'ij ri' aretak ri cäminakib cäquita na chi quinch'awic, in ri' ri u C'ojol ri Dios. Jachin tak ri cäquinimaj ri quinbij quec'asi na. Ri ka Tat c'o cuinem pu k'ab pa re wi chuya'ic c'aslemal, xukuje' u yo'm pa nu k'ab in, in ri' ri u C'ojol, chi quincowinic quinya c'aslemal. Xukuje' u yo'm takanic pa nu k'ab rech quink'at tzij rumal chi ri in, in ri' ri Ralc'ual ri Dios ri Kas Winak. Mäcajmaj alak wa' rumal chi copan na ri k'ij aretak conojel ri cäminakib cäquita na chi quinch'awic. Quebel na lok pa tak ri mukubal. Ri ca'nom ri utzil quec'astajic rech cäc'oji na qui c'aslemal. Are c'u ri ca'nom ri man utz taj quec'astajic rech cäk'at na tzij pa qui wi' chi cäc'äjisax na qui wäch.

Ri in man c'o tä jas quincowin chubanic xak pa we wi. Ri in quink'at tzij xa jas ri quintak wi. Jicom c'u quinban in chuk'atic tzij. Man are tä c'u quinban xa jas ri cwaj in, xane are quinban jas ri craj ri nu Tat ri xintakow lok. We ri in quink'alajisaj ri kas tzij chwij chbil wib, man c'o tä u patän ri' ri quinbij. C'o c'u Jun chic ri c'o jas cuk'alajisaj chwij, wetam c'ut chi ri cubij ri Are' chwij are kas tzij. Ri alak xtak alak u ta'ic che ri tat Juan. Ri xubij c'u ri are' chech alak are kas tzij. Ri in c'ut man are tä cu'l nu c'ux chrij ri cuk'alajisaj jun winak chwij. Xuwi quinbij wa' rech ri alak cärik na alak ru tobanic ri Dios. Ri tat Juan are junam ruc' jun chäj o jun candela ri cäc'atic, ri cäjuluwic. Ri alak c'ut xquicot alak quieb oxib k'ij ruc' ri sakil ri'. C'o c'u na ri cäc'utuwic chi kas tzij ri quinbij. Are utz na wa' chuwäch ri xuk'alajisaj ri tat Juan chwij. Ri tajin quinbano, are wa' ri xinutak ri nu Tat chubanic. Are c'u wa' ri cäc'utuwic chi kas tzij are ri nu Tat ri in takowinak lok. Xukuje' ri nu Tat ri xintakow lok cuk'alajisaj ri kas tzij chwij, pune ta ne ri alak man tom tä alak ri Are' cäch'awic, man ilom tä c'u alak u wäch. Man kajinak tä c'u ru Tzij ri Dios pa anima' alak rumal chi man cäcojon tä alak che ri Jun ri takom lok rumal ri ka Tat. Ri alak na'l cäsiq'uij alak u wäch ru Lok' Pixab ri Dios ri Tz'ibtalic rumal chi cächomaj alak chi chila' cärik wi alak ri cäyo'w ri c'aslemal ri man c'o tä u q'uisic. Are c'u ru Lok' Pixab ri Dios ri Tz'ibtalic ri cuk'alajisaj ri kas tzij chwij in. Pune je ri', ri alak man caj tä alak cäpe alak wuc' rech cärik alak we c'aslemal ri' ri man c'o tä u q'uisic.
Ri in man cwaj taj chi cäyi' nu k'ij cumal ri winak. Wetam c'u in ri anima' alak, wetam chi man caj tä alak ri Dios. Ri in, in petinak chuq'uexwäch ri nu Tat. Ri alak c'ut man xinc'ulaj tä alak. Are c'u we ta cäpe jachin jun chic xak pa re wi, ¡are ri are' cäc'ulaj na alak! ¿A cäcowin lo alak ri' cäcojon alak chwe we xa cätzucuj alak u ya'ic k'ij alak chbil tak ib alak, man are tä cätzucuj alak chi cäyi' k'ij alak rumal ri Dios ri xak xuwi Dios wa' c'olic? Mächomaj alak chi ri in quinchap u bixic ri man utz taj chij alak cho ri nu Tat. Ri cäbin na wa' chij alak are ri ka mam Moisés, ri cu'bam c'ux alak chrij. We ta ri alak kas xcojon alak che ri xubij ri ka mam Moisés, cäcojon ta c'u alak ri' chwe in rumal chi ri ka mam Moisés c'o ri u tz'ibam chwij in. We c'u man xcojon alak che ri xutz'ibaj ri are', ¿jas ta c'u lo cäban alak chucojic ri quinbij in? —xcha ri Jesús chque.

සවන් දෙන්න San Juan 5