Guiziga, South - 1996 - BSCAM  (NT) Drama

<div class="version vid550 iso6393giz" data-vid="550" data-iso6393="giz">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesu misliki&#599; ti wuzla mumucahay</div><div class="r">(Yo pura Mat 28.1-10; Mark 16.1-8; Za&#331; 20.1-10)</div><div class="p"> 1Dimas c&#7869;ht ngi miprik prik na, ngwasay a ram nga mi zivi ti mal ati urdihey, ta&#331; mi&#599;iyaka ta&#331; tuwa&#331;. 2A ra lumaka &#599;ugur i migidigila le kile&#331; avu mi ngi zivi. 3Ta&#331; micam na, a lumaka vagay ngi Buy Yesu ta. 4A ga ta&#331; welele te&#704;. Ke&#599; na, mizli cuw a bigaka ta&#331; vu, zana minjazlazl njazlazl &#595;a&#704; &#595;a&#704; avu vu. 5Ngwasay tuwa a zluwunam ha&#599;a, midibi&#599; jik jik a ruwuy. Mizli tuwa a &#595;aka ta&#331;: &#171;Mbur misi ti siifa ma na, ki ram ti sipaka&#331; a wuzla mizli mumucahay mbri maka? 6N'anta aka ta, a sliki&#599; le. Wulkaka &#595;i na&#331; mu&#595;ukum di zle&#704;e ti na&#331; misi a Galile na. 7A &#595;i zle&#704;e na: &#8249;Anja sey a vulaka Mangal ngi mbur asi ha&#331; ngi mizli migi mungrahay, anja a diraka&#331; avu dum, yo &#595;a angi hin mimakir na&#331; na, a sa sliki&#599;i.&#8250;&#187; 8Dar a wulkaka mingi&#595;i ngi Yesu so. 9A mam ti mi zivi, ara slufaka &#595;i nah gar da mizli ngi si Yesu mukuru&#704; nga&#331; ka&#704;haya wa&#599; da mizli mekelemey gar. 10Ngwasay vuna, i ti Mariya ngi Magdala, Zan ati Mariya, mumu&#331; ngi Zak. Cil ta&#331; mekelemey ara slufaka &#595;i nah da misliney aya. 11Misliney a ti&#595;aka &#595;i ngi ngwasay na ta, ta&#331; a waka ka&#595;a a &#595;am di i &#595;i ngi gilaway. 12Amma Piyer a sliki&#599;, a kil ngra mi zivi, a gu&#595; gu&#595; nga huro&#704;o. Ke&#599; ke&#599; na, gwat anta, sey gabagahay sek tewle. Dar a mi a mu&#331;, gwat migi hana, a zuma&#331; hirnga le.</div><div class="s">A jivi&#599; ngi Emawus</div><div class="r">(Yo pura Mark 16.12-13)</div><div class="p"> 13Dambala tapasa vuna si na, mizli cuw a wuzla mizli ngi si Yesuhoy a ra ram ng'ar walahay mekelem ada, mazilaka Emawus. A gi kilometir kuru&#704; nga&#331; ka&#704;a avu Zeruzaleme. 14A ra ki&#599;aka slir ngi gwat migi hana gar ar wala ta&#331;. 15Yo ti ta&#331; mira &#595;am, ta&#331; mira ki&#599;aka slir na&#331; na, Yesu vuna a sa luuma ta&#331;, a ram bumo&#704;. 16T&#704;ada puraka ngba&#331;, amma gwat a tika ta&#331; le, &#595;a a sinaka&#331; ta. 17Yesu a &#595;a ta&#331;: &#171;Kum maram bal na, ti ki&#599;a slir ngi mike?&#187; Dar a cicam dede&#331;, ara ndur&#595;om hiri. 18Mbur pal a wuzla ta&#331; mazilaka Kleyopas a mbi&#599;a&#331; di: &#171;Mbur mulak a Zeruzalem micina gwatay migam ar hin hanayna ta na, i ka pal &#599;iki.&#187; 19A &#595;a ta&#331;: &#171;I gwat mihey migam ska?&#187; A mbi&#599;aka&#331; di: &#171;Gwat migi avu Yesu mbur Nazarete! Na&#331; i mijivi&#599; migida&#331; ngi gi slra ati ngi &#595;i &#595;i a mbu&#331; Buymisemu&#331; wa&#599; a mbu&#331; mizli gar. 20Masay madi&#599;a ndrahay ati mizli mucawwa ndrahay a vulaka&#331; &#595;a a gaka&#331; kiita ngi mucu, yo a diraka&#331; avu dum mizlira&#331;. Amma w&#227;&#704; na&#331; vuna ma na, zle ti gwat tayna migam na, hana i hin mimakir na&#331; si. 21Ndr'i waka zle&#704;e na, ka&#595;a i mbur masa laha Israyeley. 22Ngwas mekelemey a wuzla ndra, a slufam ndra &#595;i muzuma ndra hirnga le ma, asi nga dana, c&#7869;ht ngi miprik prik na, a ram nga mizivi, 23ko a lumaka vagay ngi Yesu ta. A moko, a &#595;am ndra na, a puram modro ngi Buymisemu&#331;hoy le, a &#595;aka ta&#331;, Yesu, na&#331; da ti siifa. 24Cil ndra mekelemey kwana, a ram le nga mizivi aya, yo gwat ta&#331; mulumaka gar na, ta&#331; kasl kasl ka ngi ngwasay mi&#595;aka &#595;i na&#331; tuwa, amma a puraka Yesu vuna ta.&#187; 25Dar Yesu tuwa a &#595;a ta&#331;: &#171;Kayya, kum mizli manja lesley, &#595;i mijivi&#599;ey mi&#595;aka gar na, mevel kumo ti&#595;a zay&#227;&#704; zay&#227;&#704; ha&#599;i. 26A &#595;am na: Anja sey Mesi a si bonoy se&#704; le, &#595;a a sa ci angi dudok na&#331; takwa?&#187; 27Dar a biga ta&#331; wala ngi &#385;imutoho mi&#595;i vur na&#331; gar. A zlo di avu &#599;erewol ngi Moyis, h&#227; bal bal ti &#599;erewol ngi mijivi&#599;eye gar.</div><div class="p"> 28Ti ta&#331; mindilam gwe&#704; avu walahay, ta&#331; maram nga ra tuwa na, Yesu a gi ka&#595;a a cuh kile&#331; nga mbu&#331; ava. 29Amma a tikaka&#331;, a &#595;aka&#331;: &#171;Cifi ati ndra, asi pas anta mata, yo hiiku&#599; ara ji si.&#187; Jo&#704; a ci ngi haya, a cifam bumo&#704;. 30Ti na&#331; micifi &#595;a a zumam ati ta&#331; na, a zu&#595;a &#599;af, a &#599;uwul mi anga, a ngila, dar a vula ta&#331; di. 31Ar nah so na, hiri ta&#331; a wun, a sinaka&#331; le muduba. Jo&#704; a susuyum a mihiri ta&#331; susuyum. 32Dar a &#595;am ar wala ta&#331;: &#171;Ti na&#331; ma&#595;a ndra, yo na&#331; mabiga ndra wala ngi &#385;imutoho a jivi&#599; na, &#595;i nah a ga ndra veke&#599; veke&#599; a mevele ta mbrike?&#187;</div><div class="p"> 33A sliki&#599;am a ha&#331;ha&#331; si, a mam nga Zeruzaleme a mu&#331;. A ra lumaka mukuru&#704; nga&#331; ka&#704;haya, a kusom le ati cil ta&#331;haya. 34Jo&#704; a &#595;aka ta&#331;: &#171;Buy Yesu tuwa a sliki&#599; le ti wuzla mumucahaya gisi&#331; gisi&#331;! Yo a biga vu le da Simo&#331;.&#187; 35Jo&#704; ta&#331; ya kwana, a slufaka ta&#331; gwat migi avu ta&#331; a jivi&#599; wa&#599; ta&#331; misinaka Yesu hirak ti na&#331; mangila &#599;af na.</div><div class="s">Yesu mibiga vu da mizli ngi se&#704;ehey</div><div class="r">(Yo pura Mat 28.16-20; Mark 16.14-18; Za&#331; 20.19-23; Slra 1.6-8)</div><div class="p"> 36Ti ta&#331; ma&#595;am kanah na, Yesu a bo de&#331; a wuzla ta&#331;, a &#595;a ta&#331;: &#171;Ndiram zuy zuy!&#187; 37Didak a mu&#599;a ta&#331; le, yo a zluwunam ha&#599;i te&#704;e, asi a waka ka&#595;a a puram di i musu&#599;uk ngi mbur mumuca. 38Amma Yesu a &#595;a ta&#331;: &#171;Lesl kumo welele vur mike, yo ki wulkam cuw cuw vur mike? 39Puraka ha&#331; ati sar &#599;uwoyo: i ya gisi&#331;! Tutumikiy, puraka! Musu&#599;uk ngi mbur mumuca, na&#331; anta ti meficek ati tesl ka ya misi ti na&#331; na ta.&#187; 40Na&#331; mi&#595;a mingi&#595;i hana na, a biga ta&#331; ha&#331; ati saraya. 41Ta&#331; mamumulom ha&#599;i tuwa na, a ti&#595;aka&#331; gu taru&#331;. Yo &#595;i nah mazuma ta&#331; hirnga na, Yesu a &#595;a ta&#331;: &#171;Gwat ngi zum ada avu kum aka kwa?&#187; 42A vulaka&#331; kilif mufuko &#595;ulu&#704;u. 43A ti&#595;a, a zuma a mihiri ta&#331;. 44Dar a &#595;a ta&#331;: &#171;Puraka, ti ya misi zle&#704;e ati kumo, yi &#595;ukum na: &#8249;Anja &#595;i mutohoko ar ya gar ar &#595;imu&#599;uva ngi Moyis ati ngi mijivi&#599;ey wa&#599; ar &#599;erewol Dimis na, sey a gi muduba.&#8250;&#187; 45Jo&#704; a wuna ta&#331; lesl &#595;a a slaka wala ngi &#385;imutoho muduba so. 46Wa&#599; a &#595;a ta&#331;: &#171;Na&#331; ka&#595;a mutohoko mi&#595;i: &#8249;Anja sey Mesi a si bonoy se&#704; le, yo a sa sliki&#599; ti wuzla mumucahay ar hin mimakir na&#331; na. 47Wa&#599; ma na, &#595;i ngi mbi&#599;i mevel ati &#595;i ngi puya mungra na, anja sey a tilam di mi avu sukwi ngi mizli gar, a &#599;uvaka virzi na&#331; a Zeruzalem. 48Kumo, migi sedewo ngi gwat tayna gar. 49Yo i sa slinukum ti gwat Baha mi&#595;a &#599;a&#704; le da zle&#704;e tuwa. Amma kumo so na, cifam angi walahaya, h&#227; tapas gida&#331; ngi mu&#331; misa po sar le ar kum.&#187;</div><div class="s">Yesu mucuh nga mu&#331;</div><div class="r">(Yo pura Mark 16.19-20; Slra 1.9-11)</div><div class="p"> 50Dar Yesu aru ti ta&#331;, kini ngir ti Betani. A zu&#595;a ha&#331;, a &#599;uwula ta&#331; mi a diga. 51Yo ti na&#331; ma&#599;uwula ta&#331; mi tuwa na, a guh avu ta&#331;, a cuh nga mu&#331;. 52Ta&#331; kwana, a dirba ta&#331; midilkam a mbu&#331; na&#331; na, a mam nga Zeruzalem a mu&#331;, bal ti mumul ha&#599;i. 53Yo t'ada ndrehhe ar hay ngi Bumbulvu&#331;, ara hunumaka Buymisemu&#331;.</div>
 </div>
 </div>
</div>

Bible en Langue Guiziga © L’Alliance Biblique du Cameroun, 2011.

Dimas cẽht ngi miprik prik na, ngwasay a ram nga mi zivi ti mal ati urdihey, taŋ miɗiyaka taŋ tuwaŋ. A ra lumaka ɗugur i migidigila le kileŋ avu mi ngi zivi. Taŋ micam na, a lumaka vagay ngi Buy Yesu ta. A ga taŋ welele teˀ. Keɗ na, mizli cuw a bigaka taŋ vu, zana minjazlazl njazlazl ɓaˀ ɓaˀ avu vu. Ngwasay tuwa a zluwunam haɗa, midibiɗ jik jik a ruwuy. Mizli tuwa a ɓaka taŋ: «Mbur misi ti siifa ma na, ki ram ti sipakaŋ a wuzla mizli mumucahay mbri maka? N'anta aka ta, a slikiɗ le. Wulkaka ɓi naŋ muɓukum di zleˀe ti naŋ misi a Galile na. A ɓi zleˀe na: ‹Anja sey a vulaka Mangal ngi mbur asi haŋ ngi mizli migi mungrahay, anja a dirakaŋ avu dum, yo ɓa angi hin mimakir naŋ na, a sa slikiɗi.›» Dar a wulkaka mingiɓi ngi Yesu so. A mam ti mi zivi, ara slufaka ɓi nah gar da mizli ngi si Yesu mukuruˀ ngaŋ kaˀhaya waɗ da mizli mekelemey gar. Ngwasay vuna, i ti Mariya ngi Magdala, Zan ati Mariya, mumuŋ ngi Zak. Cil taŋ mekelemey ara slufaka ɓi nah da misliney aya. Misliney a tiɓaka ɓi ngi ngwasay na ta, taŋ a waka kaɓa a ɓam di i ɓi ngi gilaway. Amma Piyer a slikiɗ, a kil ngra mi zivi, a guɓ guɓ nga huroˀo. Keɗ keɗ na, gwat anta, sey gabagahay sek tewle. Dar a mi a muŋ, gwat migi hana, a zumaŋ hirnga le.


Dambala tapasa vuna si na, mizli cuw a wuzla mizli ngi si Yesuhoy a ra ram ng'ar walahay mekelem ada, mazilaka Emawus. A gi kilometir kuruˀ ngaŋ kaˀa avu Zeruzaleme. A ra kiɗaka slir ngi gwat migi hana gar ar wala taŋ. Yo ti taŋ mira ɓam, taŋ mira kiɗaka slir naŋ na, Yesu vuna a sa luuma taŋ, a ram bumoˀ. Tˀada puraka ngbaŋ, amma gwat a tika taŋ le, ɓa a sinakaŋ ta. Yesu a ɓa taŋ: «Kum maram bal na, ti kiɗa slir ngi mike?» Dar a cicam dedeŋ, ara ndurɓom hiri. Mbur pal a wuzla taŋ mazilaka Kleyopas a mbiɗaŋ di: «Mbur mulak a Zeruzalem micina gwatay migam ar hin hanayna ta na, i ka pal ɗiki.» A ɓa taŋ: «I gwat mihey migam ska?» A mbiɗakaŋ di: «Gwat migi avu Yesu mbur Nazarete! Naŋ i mijiviɗ migidaŋ ngi gi slra ati ngi ɓi ɓi a mbuŋ Buymisemuŋ waɗ a mbuŋ mizli gar. Masay madiɗa ndrahay ati mizli mucawwa ndrahay a vulakaŋ ɓa a gakaŋ kiita ngi mucu, yo a dirakaŋ avu dum mizliraŋ. Amma wãˀ naŋ vuna ma na, zle ti gwat tayna migam na, hana i hin mimakir naŋ si. Ndr'i waka zleˀe na, kaɓa i mbur masa laha Israyeley. Ngwas mekelemey a wuzla ndra, a slufam ndra ɓi muzuma ndra hirnga le ma, asi nga dana, cẽht ngi miprik prik na, a ram nga mizivi, ko a lumaka vagay ngi Yesu ta. A moko, a ɓam ndra na, a puram modro ngi Buymisemuŋhoy le, a ɓaka taŋ, Yesu, naŋ da ti siifa. Cil ndra mekelemey kwana, a ram le nga mizivi aya, yo gwat taŋ mulumaka gar na, taŋ kasl kasl ka ngi ngwasay miɓaka ɓi naŋ tuwa, amma a puraka Yesu vuna ta.» Dar Yesu tuwa a ɓa taŋ: «Kayya, kum mizli manja lesley, ɓi mijiviɗey miɓaka gar na, mevel kumo tiɓa zayãˀ zayãˀ haɗi. A ɓam na: Anja sey Mesi a si bonoy seˀ le, ɓa a sa ci angi dudok naŋ takwa?» Dar a biga taŋ wala ngi Ɓimutoho miɓi vur naŋ gar. A zlo di avu ɗerewol ngi Moyis, hã bal bal ti ɗerewol ngi mijiviɗeye gar.
Ti taŋ mindilam gweˀ avu walahay, taŋ maram nga ra tuwa na, Yesu a gi kaɓa a cuh kileŋ nga mbuŋ ava. Amma a tikakaŋ, a ɓakaŋ: «Cifi ati ndra, asi pas anta mata, yo hiikuɗ ara ji si.» Joˀ a ci ngi haya, a cifam bumoˀ. Ti naŋ micifi ɓa a zumam ati taŋ na, a zuɓa ɗaf, a ɗuwul mi anga, a ngila, dar a vula taŋ di. Ar nah so na, hiri taŋ a wun, a sinakaŋ le muduba. Joˀ a susuyum a mihiri taŋ susuyum. Dar a ɓam ar wala taŋ: «Ti naŋ maɓa ndra, yo naŋ mabiga ndra wala ngi Ɓimutoho a jiviɗ na, ɓi nah a ga ndra vekeɗ vekeɗ a mevele ta mbrike?»
A slikiɗam a haŋhaŋ si, a mam nga Zeruzaleme a muŋ. A ra lumaka mukuruˀ ngaŋ kaˀhaya, a kusom le ati cil taŋhaya. Joˀ a ɓaka taŋ: «Buy Yesu tuwa a slikiɗ le ti wuzla mumucahaya gisiŋ gisiŋ! Yo a biga vu le da Simoŋ.» Joˀ taŋ ya kwana, a slufaka taŋ gwat migi avu taŋ a jiviɗ waɗ taŋ misinaka Yesu hirak ti naŋ mangila ɗaf na.


Ti taŋ maɓam kanah na, Yesu a bo deŋ a wuzla taŋ, a ɓa taŋ: «Ndiram zuy zuy!» Didak a muɗa taŋ le, yo a zluwunam haɗi teˀe, asi a waka kaɓa a puram di i musuɗuk ngi mbur mumuca. Amma Yesu a ɓa taŋ: «Lesl kumo welele vur mike, yo ki wulkam cuw cuw vur mike? Puraka haŋ ati sar ɗuwoyo: i ya gisiŋ! Tutumikiy, puraka! Musuɗuk ngi mbur mumuca, naŋ anta ti meficek ati tesl ka ya misi ti naŋ na ta.» Naŋ miɓa mingiɓi hana na, a biga taŋ haŋ ati saraya. Taŋ mamumulom haɗi tuwa na, a tiɓakaŋ gu taruŋ. Yo ɓi nah mazuma taŋ hirnga na, Yesu a ɓa taŋ: «Gwat ngi zum ada avu kum aka kwa?» A vulakaŋ kilif mufuko ɓuluˀu. A tiɓa, a zuma a mihiri taŋ. Dar a ɓa taŋ: «Puraka, ti ya misi zleˀe ati kumo, yi ɓukum na: ‹Anja ɓi mutohoko ar ya gar ar ɓimuɗuva ngi Moyis ati ngi mijiviɗey waɗ ar ɗerewol Dimis na, sey a gi muduba.›» Joˀ a wuna taŋ lesl ɓa a slaka wala ngi Ɓimutoho muduba so. Waɗ a ɓa taŋ: «Naŋ kaɓa mutohoko miɓi: ‹Anja sey Mesi a si bonoy seˀ le, yo a sa slikiɗ ti wuzla mumucahay ar hin mimakir naŋ na. Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem. Kumo, migi sedewo ngi gwat tayna gar. Yo i sa slinukum ti gwat Baha miɓa ɗaˀ le da zleˀe tuwa. Amma kumo so na, cifam angi walahaya, hã tapas gidaŋ ngi muŋ misa po sar le ar kum.»


Dar Yesu aru ti taŋ, kini ngir ti Betani. A zuɓa haŋ, a ɗuwula taŋ mi a diga. Yo ti naŋ maɗuwula taŋ mi tuwa na, a guh avu taŋ, a cuh nga muŋ. Taŋ kwana, a dirba taŋ midilkam a mbuŋ naŋ na, a mam nga Zeruzalem a muŋ, bal ti mumul haɗi. Yo t'ada ndrehhe ar hay ngi Bumbulvuŋ, ara hunumaka Buymisemuŋ.

සවන් දෙන්න Luk 24