<div class="version vid3292 iso6393sat" data-vid="3292" data-iso6393="sat">
 <div class="book bkGEN">
 <div class="chapter ch32" data-usfm="GEN.32">
 <div class="label">32</div><div class="s">Jakob do Esau &#7789;hene calak&#700;kan</div><div class="p"> 1Jakob h&#245; ac&#700;ak&#700; horteye calao idiyena. Ar hor reak&#700; mit&#700; jaegare uni do Isorren go&#7693;etkoe &#324;elket&#700;koa. 2Onko &#324;elte uni doe menkeda, &#8220;Noa do Isorak&#700; &#7693;era kana.&#8221; Ar onate ona jaega reak&#700; &#324;utum do Mahanayime dohokeda (metak&#700;me, &#8220;Barea &#7693;era&#8221;).</div><div class="p"> 3Jakob do ac&#700; lahate Seyirte, metak&#700;me Edom dis&#7841;mte ac&#700;ren boeha Esau &#7789;hen tho&#7771;a ho&#7771;e kolket&#700;koa. 4Uni doe ro&#7771; got&#700;kada ac&#700;ren kis&#7841;&#771;&#7771; Esau jemonko ba&#7693;ae ocoye, uniren guti Jakob doe meneda, &#8220;I&#324; do Laban &#7789;heni&#324; tah&#7869;kana. 5I&#324;ren do &#7693;a&#7749;grako, gadhako, bhi&#7693;iko, meromko ar guti-k&#7841;&#771;&#7771;m&#297; sanamkoge menak&#700;koti&#324;a. Ar i&#324;ren kis&#7841;&#771;&#7771; &#7789;hen daya&#324; &#324;ama aste laha khonge&#324; ba&#7693;ae ocoyet&#700;mea.&#8221;</div><div class="p"> 6Onko ho&#7771; do ru&#7841;&#7771; hec&#700;kate Jakobko metadea, &#8220;Ale do amren boeha Esau &#7789;henle senlena. Uni do &#324;itok&#700; ponsae ho&#7771;koante am s&#227;ote &#324;apamok&#700; l&#7841;git&#700;e hijuk&#700;kana.&#8221; 7Noa katha a&#324;jomkate Jakob do monre botor ca&#7771;haoadea are dhak dhakaoena. Uni do ac&#700; so&#7749;geten ho&#7771;ko, bhi&#7693;i-meromko, &#7693;a&#7749;grako, gadhako ar &#361;&#7789;ko bar &#7789;hene begarket&#700;koa. 8Uni doe hudiskeda, Esau hec&#700;kate mit&#700; dolrenkoe &#324;&#7869;t&#700;lekore e&#7789;ak&#700; dolrenko doko d&#7841;&#7771; p&#7841;n&#7693;uc&#700; da&#7771;eak&#700;a.</div><div class="p"> 9Jakob do Isor &#7789;hen noa menkate koejo&#7749;e ehop&#700;ena, &#8220;E Probhu, i&#324;ren hap&#7771;am Abrahamren Isor, i&#324;ren &#7841;pu&#324; Isahakren Isor, amge co&#7749; i&#324;ak&#700; dis&#7841;mte, i&#324;ren ho&#7771;ko &#7789;hen ru&#7841;&#7771; calak&#700;em menakadi&#324;&#7841; ar on&#7693;e am dom bh&#7841;l&#7841;iyi&#324;&#7841;. 10Amren nui guti oka daya ar p&#7841;ti&#7841;rem uduk&#700; akawade onaren lek do&#324; ba&#7749;kana. Eken mit&#700;&#7789;ec&#700; &#7789;he&#7749;ga tire sap&#700;kate noa Jordan ga&#7693;a&#324; paromlena, menkhan &#324;itok&#700; i&#324; so&#7749;gere barea mara&#7749; dolrenko menak&#700;koa. 11Neh&#245;ram k&#7841;n&#7841;&#324;, i&#324;ren boeha Esauak&#700; ti khon rukhiy&#7841;yi&#324;me. Ente&#324; botorok&#700; kana uni do hec&#700;kate aleye goc&#700;lea, gidr&#7841; ar onkoren e&#7749;gatko celege sarec&#700; do bae doholeya. 12#Gen 22.17Menkhan am dom metadi&#324; tah&#7869;kana, &#8216;kh&#7841;&#7789;ige ami&#324; bh&#7841;l&#7841;iymea ar am b&#245;sren ho&#7771; do jalapuri reak&#700; gitil leka&#324; sa&#7749;ge ocokoa ar onko do okoeh&#245; bako lekha caba da&#7771;eakoa.&#8217; &#8221;</div><div class="p"> 13Jakob do ona &#324;ind&#7841; on&#7693;egeye tah&#7869; a&#7749;gayena. Ar ac&#700;ak&#700; okako tah&#7869;kantae onako khon uni do ac&#700;ren boeha Esau l&#7841;git&#700; mit&#700;&#7789;ec&#700; dane &#7789;hik dohokeda. 14-15Ona do hoyok&#700; kana, barsae merom p&#7841;&#7789;hi ar bargel merom e&#7749;ga, barsae bhi&#7693;i ar bargel bhe&#7693;a, hopon sudh&#7841; toa emok&#700; pegel &#361;&#7789;ko, pongel g&#7841;i ar gel go&#7789;ec&#700; &#7693;a&#7749;gra, bargel gadha e&#7749;ga ar gel go&#7789;ec&#700; gadha. 16Onko do e&#7789;ak&#700; e&#7789;ak&#700; dolreye h&#7841;&#7789;i&#324;ket&#700;kote gutikoak&#700; tire jim&#7841;kateye metat&#700;koa, &#8220;Mimit&#700; dolko tayomre tho&#7771;a jaega dohokate i&#324; laha lahate calak&#700;pe.&#8221;</div><div class="p"> 17Uni do p&#7841;hil dolren gutiye hukumadea, &#8220;I&#324;ren boeha Esau tuluc&#700;em &#324;apamlenre uni tinreye kulimea, &#8216;okatem calak&#700;kana? Ar okoeren ho&#7771; kanam? Am sama&#7749;ren m&#297;h&#361;-merom pal doko okoeren kana?&#8217; 18Unrem mena, &#8216;noko do amren guti Jakobren kanako. Uni do ac&#700;ren kis&#7841;&#771;&#7771; Esau l&#7841;git&#700; noa dane kol akada, ar uni do ale tayomre menaea.&#8217; &#8221;</div><div class="p"> 19Nonkage uni do dosar, tesar ar e&#7789;ak&#700; gutiko okoe do palrenko idiyet&#700;ko tah&#7869;kan onko sanamkoe hukumat&#700;koa, &#8220;Esau tuluc&#700;pe &#324;apamlen khan apeh&#245; in&#7841; kathagepe mena. 20Ar muc&#7841;t&#700;repe mena, &#8216;amren guti Jakob do ale tayomrege menaea.&#8217; &#8221;</div><div class="p">Jakob do mone monte noae hudiskeda, &#8220;I&#324; laha lahate oka&#7789;ak&#700; dan calak&#700;kan onatege uni do&#324; hape ocoyea. Ona tayom tinre uni tuluc&#700; i&#324; &#324;apama hoeda&#7771;eak&#700;a unre uni doe ata&#7749;i&#324;a.&#8221;</div><div class="p"> 21Dan reak&#700; jinisko ac&#700; lahate calaoenre h&#245; ona &#324;ind&#7841; h&#245; on&#7693;egeye tah&#7869;yena.</div><div class="s">Penuel &#7789;hen Jakobak&#700; l&#7841;&#7771;h&#7841;i</div><div class="p"> 22Ona &#324;ind&#7841;ge Jakob do beret&#700;kate ta&#7771;amate paromok&#700; nonkan mit&#700;&#7789;ec&#700; jaegate ac&#700;ren banar b&#7841;hu, banar k&#7841;&#771;&#7771;m&#297; ar gelmit&#700; hoponko do ga&#7693;ae paromket&#700;koa. 23Ar cet&#700;ko tah&#7869;kantae onako joto do onko s&#227;oteye kolgot&#700;kada. 24#Hos 12.3,4Onate Jakob do eskargeye tah&#7869;yena. Unre mit&#700;&#7789;ec&#700; ho&#7771; do hec&#700;kate &#7841;uri a&#7749;gak&#700; h&#7841;bic&#700; uni tuluc&#700;e l&#7841;&#7771;h&#7841;iyena. 25Uni ho&#7771; do tinreye &#324;elkeda, Jakob bae bhagao da&#7771;eae kana unre uni do Jakobak&#700; &#7693;ubhi ja&#7749;e jo&#7789;et&#700;ket&#700;taea. Onate uniyak&#700; bulu reak&#700; ja&#7749; do &#7789;hik jaega khon ocok&#700;entaea. 26Unre uni ho&#7771;e menkeda, &#8220;A&#7749;ga hijuk&#700; kana, &#324;itok&#700; do a&#7771;ak&#700;k&#7841;&#324;me.&#8221;</div><div class="p">Jakobe menkeda, &#8220;&#7840;urim bhor&#7841;&#324; h&#7841;bic&#700; b&#7841;&#324; a&#7771;ak&#700;mea.&#8221;</div><div class="p"> 27Uni ho&#7771;e menkeda, &#8220;Cet&#700;tam &#324;utum do?&#8221;</div><div class="p">Khane ro&#7771; ru&#7841;&#7771;adea, &#8220;I&#324; do&#324; Jakob kana.&#8221;</div><div class="p"> 28 # 
 Gen 35.10
 Uni ho&#7771;e menkeda, &#8220;Isor ar manwa s&#227;ote l&#7841;&#7771;h&#7841;ikatem jit&#7841;u akante amak&#700; &#324;utum Jakob do ba&#7749; tahena, amak&#700; &#324;utum do hoyok&#700;a Israel#32.28: Israel: Noa &#324;utum reak&#700; Hebrew mane do &#8220;Isor tuluc&#700; l&#7841;&#7771;h&#7841;iyic&#700; &#8221; se &#8220;Isorak&#700; l&#7841;&#7771;h&#7841;i.&#8221; (metak&#700;me &#8216;Isor tuluc&#700; l&#7841;&#7771;h&#7841;iyic&#700; &#8217;).&#8221;</div><div class="p"> 29 # 
 Bik&#700; 13.17,18 Jakob do uniye metadea, &#8220;Neh&#245;ram k&#7841;n&#7841;&#324;, amak&#700; &#324;utum ba&#7771;e l&#7841;iy&#7841;&#324;me?&#8221;</div><div class="p">Uniye menkeda, &#8220;I&#324;ak&#700; &#324;utum do cedak&#700;em kuliyedi&#324;kana?&#8221; Ar noa katha menkate uni do Jakobe bhoradea.</div><div class="p"> 30Unre Jakob do ona jaega reak&#700; &#324;utum Penuele dohokeda (metak&#700;me &#8220;Isorak&#700; m&#7869;t&#700;&#227;h&#227;&#8221;). Uniye menkeda, &#8220;I&#324; do samna s&#7841;mni Isori&#324; &#324;elkedere h&#245; jiwet&#700;ge min&#7841;&#324;a.&#8221;</div><div class="p"> 31Jakob do tinre Peniel khone mohn&#7693;ayena unre si&#324; cando doe rakap&#700;ena. Ar ac&#700;ak&#700; bulu i&#7841;te khe&#7771;dok&#700; khe&#7771;dok&#700;e ta&#7771;am idikeda. 32Onate Israelko do bulu jo&#7771;ao cetan reak&#700; jel tehe&#324; h&#7841;bic&#700; bako joma, ente bulu reak&#700; jo&#7771;ao &#7789;henge Jakob doe jo&#7789;et&#700; ocolena.</div>
 </div>
 </div>
</div>

Santali Bible © Bangladesh Bible Society, 2021.

Jakob hõ acʼakʼ horteye calao idiyena. Ar hor reakʼ mitʼ jaegare uni do Isorren goḍetkoe ńelketʼkoa. Onko ńelte uni doe menkeda, “Noa do Isorakʼ ḍera kana.” Ar onate ona jaega reakʼ ńutum do Mahanayime dohokeda (metakʼme, “Barea ḍera”).
Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa. Uni doe roṛ gotʼkada acʼren kisạ̃ṛ Esau jemonko baḍae ocoye, uniren guti Jakob doe meneda, “Iń do Laban ṭheniń tahẽkana. Ińren do ḍaṅgrako, gadhako, bhiḍiko, meromko ar guti-kạ̃ṛmĩ sanamkoge menakʼkotińa. Ar ińren kisạ̃ṛ ṭhen dayań ńama aste laha khongeń baḍae ocoyetʼmea.”
Onko hoṛ do ruạṛ hecʼkate Jakobko metadea, “Ale do amren boeha Esau ṭhenle senlena. Uni do ńitokʼ ponsae hoṛkoante am sãote ńapamokʼ lạgitʼe hijukʼkana.” Noa katha ańjomkate Jakob do monre botor caṛhaoadea are dhak dhakaoena. Uni do acʼ soṅgeten hoṛko, bhiḍi-meromko, ḍaṅgrako, gadhako ar ũṭko bar ṭhene begarketʼkoa. Uni doe hudiskeda, Esau hecʼkate mitʼ dolrenkoe ńẽtʼlekore eṭakʼ dolrenko doko dạṛ pạnḍucʼ daṛeakʼa.
Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ. Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa. Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya. Menkhan am dom metadiń tahẽkana, ‘khạṭige amiń bhạlạiymea ar am bõsren hoṛ do jalapuri reakʼ gitil lekań saṅge ocokoa ar onko do okoehõ bako lekha caba daṛeakoa.’ ”
Jakob do ona ńindạ onḍegeye tahẽ aṅgayena. Ar acʼakʼ okako tahẽkantae onako khon uni do acʼren boeha Esau lạgitʼ mitʼṭecʼ dane ṭhik dohokeda. Ona do hoyokʼ kana, barsae merom pạṭhi ar bargel merom eṅga, barsae bhiḍi ar bargel bheḍa, hopon sudhạ toa emokʼ pegel ũṭko, pongel gại ar gel goṭecʼ ḍaṅgra, bargel gadha eṅga ar gel goṭecʼ gadha. Onko do eṭakʼ eṭakʼ dolreye hạṭińketʼkote gutikoakʼ tire jimạkateye metatʼkoa, “Mimitʼ dolko tayomre thoṛa jaega dohokate iń laha lahate calakʼpe.”
Uni do pạhil dolren gutiye hukumadea, “Ińren boeha Esau tulucʼem ńapamlenre uni tinreye kulimea, ‘okatem calakʼkana? Ar okoeren hoṛ kanam? Am samaṅren mĩhũ-merom pal doko okoeren kana?’ Unrem mena, ‘noko do amren guti Jakobren kanako. Uni do acʼren kisạ̃ṛ Esau lạgitʼ noa dane kol akada, ar uni do ale tayomre menaea.’ ”
Nonkage uni do dosar, tesar ar eṭakʼ gutiko okoe do palrenko idiyetʼko tahẽkan onko sanamkoe hukumatʼkoa, “Esau tulucʼpe ńapamlen khan apehõ inạ kathagepe mena. Ar mucạtʼrepe mena, ‘amren guti Jakob do ale tayomrege menaea.’ ”
Jakob do mone monte noae hudiskeda, “Iń laha lahate okaṭakʼ dan calakʼkan onatege uni doń hape ocoyea. Ona tayom tinre uni tulucʼ iń ńapama hoedaṛeakʼa unre uni doe ataṅińa.”
Dan reakʼ jinisko acʼ lahate calaoenre hõ ona ńindạ hõ onḍegeye tahẽyena.

Ona ńindạge Jakob do beretʼkate taṛamate paromokʼ nonkan mitʼṭecʼ jaegate acʼren banar bạhu, banar kạ̃ṛmĩ ar gelmitʼ hoponko do gaḍae paromketʼkoa. Ar cetʼko tahẽkantae onako joto do onko sãoteye kolgotʼkada. Onate Jakob do eskargeye tahẽyena. Unre mitʼṭecʼ hoṛ do hecʼkate ạuri aṅgakʼ hạbicʼ uni tulucʼe lạṛhạiyena. Uni hoṛ do tinreye ńelkeda, Jakob bae bhagao daṛeae kana unre uni do Jakobakʼ ḍubhi jaṅe joṭetʼketʼtaea. Onate uniyakʼ bulu reakʼ jaṅ do ṭhik jaega khon ocokʼentaea. Unre uni hoṛe menkeda, “Aṅga hijukʼ kana, ńitokʼ do aṛakʼkạńme.”
Jakobe menkeda, “Ạurim bhorạń hạbicʼ bạń aṛakʼmea.”
Uni hoṛe menkeda, “Cetʼtam ńutum do?”
Khane roṛ ruạṛadea, “Iń doń Jakob kana.”
Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”
Jakob do uniye metadea, “Nehõram kạnạń, amakʼ ńutum baṛe lạiyạńme?”
Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.
Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”
Jakob do tinre Peniel khone mohnḍayena unre siń cando doe rakapʼena. Ar acʼakʼ bulu iạte kheṛdokʼ kheṛdokʼe taṛam idikeda. Onate Israelko do bulu joṛao cetan reakʼ jel teheń hạbicʼ bako joma, ente bulu reakʼ joṛao ṭhenge Jakob doe joṭetʼ ocolena.

සවන් දෙන්න Genesis 32