Matthew 6

1Vagu maya a géƋ ngizura kinè, aman kin da gu a sam di ndohi ɓai, a ta rka kinè; aman kin da gu arsa, skwi ntul kinè asaɓai a sam Bab kinè te zhiklè. 2Aman ka vi skwai, ka babeda ɓai, ara ndohi n'ngwèdè ndo ta gia'a te gi-njèngè-ma-Zhiklè, a civèƋ, a ta woy a ndohi ta slebarde ta. A vava i gaƋa kiné: Ta ngots skwi ntul ta ma.

3Aman ka vi skwai, gu aman ri gula ngaya a sun skwi man ri mandi a gia ɓai. 4A woy skwi man ka via'a, n'ngheda'a; a Bab ngaya man a rka a sam n'ngheda'a, a da menda ka a deɓa.

5Aman kin tsi rai, kin gu ara ndohi n'ngwèdè ndo ɓai, man ta woy a ta zlècè, a ta tsi ri te gi-njèngè-ma-Zhiklè, a zolom civèƋ, a ta woy a ndohi ngiƋè ta rka ta. A vava i gaƋa kinè: Ta ngots skwi ntul ta ma. 6Aman ka tsi rai, do a gi ngaya nt'hwaƋa'a, a ka tsi ri a Bab ngaya, a sam n'ngheda'a. A Bab ngaya man a rka a sam n'ngheda'a a da va ka skwia'a.

7Aman kin tsi rai, kin ndurh ma kumba ɓai, ara ndohi nte deɓa; aman ta hur te ndav, Zhiklè a tsena'a, aman ta ndérh ma kumba. 8Gar haha kin gu lèmèlèmè ara tenga ɓai! Ga kin tsi rai, Bab kinè a sun skwi man kin tèkwènè'a. 9Ani haha sèi kin tsi ri arsa:

Bab nga, man ka zhè te zhiklè te géƋè'a. 10A woy ta kezla nzlembaƋ ngaya. Kokwar-Bi ngaya da shkè. Skwi man ka woya'a, da gu t'herkeda lèmèlèmè ara nte zhiklè. 11Vaka nga skwi n'ndi nga te di mpatsna ba. 12Pra nga mali nga, ara man nga pra mali ndohai man ta gu mali a sam nga. 13Ka de nga a sam man a pe nga a wi ɓai, aman ɓer nga te ri nenga'a man ambaɓai. Aman kokwar-Bi a ngaya, a wuƌai, a n'njèlè, pèc pècèk a mèdèp ba. Amen. 14Aman kin prè mali ndohai, Bab kinè te zhiklè a dè prè mali kinè arsa. 15Aman kin prè mali ndohi azɓai, Bab kinè te zhiklè a dè prè mali kinè azɓai arsa.

16Aman kin jèkeda skwi n'ndai, kin da gursa di ɓai, ara ndohi n'ngwèdè ndo. Tenga'a ta min dai, aman ndohi ngiƋè ta rka'a, ara man ta jèkeda skwi n'ndai. A vava i gaƋa kinè: Ta ngots skwi ntul ta ma. 17Aman ka jèkeda skwi n'ndai, pana di ngaya, tila va ngaya, 18aman ndohi ngiƋè ta da rka ɓai, ara man ka jèkeda skwi n'ndai, sèi Bab ngaya man a zhè a sam n'ngheda'a. A Bab ngaya man a rka a sam n'ngheda'a a da va ka skwia'a.

19Kin ɓüco skwi mèshèlè t'herkeda ɓai, a sam man pombok a hezai ta ndia'a, a sam man ndohi metsarhai ta zlinè'a, a ta hilè'a. 20Aman vaɓüco skwi mèshèlè te zhiklè te géƋè'a, a sam man pombok a hezai ta ndia azɓai, a metsarhai ta zlinè'a, a ta hilè'a azɓai. 21A sam man skwi mèshèlè ngaya a pa, ndav ngaya ba a pa.

22Dai, ara pitirla va. Aman di ngaya amba, va ngaya tèlèba nhela'a. 23Aman di ngaya di n'ngwèdè ndo, va ngaya tèlèba nara ruva. Aman skwi nhél sam a va ngaya a hél sam azɓai, ruva a ndi a mbia'a. 24Ɓèl azɓai, man a slaha a ngi mizlinè babgihi cèw. Gar a gi shèwa a nstaƌ, a woy ngiƋè a ndav na, gar a gshè va a nstaƋ, a nkwola ngiƋè. Kin slaha kin gi ɓèl Zhiklè a ɓèl skwi mèshèlè cèw ɓai.

25Gar haha i gaƋa kinè: Kin hur gèƋ zlau ɓai, a géƋ nshèffè kinè, a géƋ skwi man kin ndia'a, a kin sia'a, a géƋ va kinè, a géƋ skwi man kin fi a va. Nshèffè a nfena skwi n'ndi ɓi Ƌè? Va a nfena skwi nfi a va ɓi Ƌè? 26Varka Ƌiakihi t'hwaƋ giƋfèk: ta zleki azɓai, ta ɓicè skwa a wov azɓai, aman Bab kine te zhiklè a va ta skwi n'ndi genè. Kin fen ta mbelembela ɓi ƌe? 27Te ndev kinè nslaha a nhérdè nshèffè na kèshkata a ma a ri na, wa? Ko a nhér gèƌ.

28Kin hér gèƌ a géƌ maslaka èhèmè? Varka nwurzhè bèmbèzh te gi dau, ara man ta grè, ta grè: ta gi mizlinè azɓai, ta tsi maslaka azɓai. 29I gaƌa kinè, ko Salomon a n'njèl nenga'a, az ara tenga'a ɓai, ko staƌ te va'a. 30Aman Zhiklè a va na va a kuza arsa, kuza man a patsna a zhè, angoslèm ta wusheda a vogwa: a sam kinè a gi arsa azɓi ƌe? Kinè ndohi man kin ca a ndav kumba ɓaií

31Gar haha kin hur gèƌ zlau ɓai, a kin gaƌa: Nga da ndi mè, nga da si mè, nga da fì a va mè? 32Ndohi herkeda ta hér arsa. Aman Bab kinè te zhiklè a sun skwi man kin tèkwènè'a. 33Vahur kokwar-Bi-Zhiklè a ngizura nenga'a nshèlèkura'a, a kin ngècè skwi haha tèlèba a deɓa'a. 34Ani haha kin hur gèƋ zlau a géƋ mangoslèm ɓai. Aman pats mangoslèma'a, skwi a da til na. A géƌ pats, skwi ntul mpats nstaƌ, dè'a.

Selectat acum:

Matthew 6: MAFNT

Evidențiere

Partajează

Copiază